1. بسم الله الرحمن الرحيم


2. واعذروني يا اخوان بتصير بنضر الجميع ماهي العمه هاذي خرابه ودار مجرمين


3. وسط البلد مافي نصب الا من حقين التكاسي بعضهم

بسم الله الرحمن الرحيم

مشرفنا الغالي انا بتكلم بموضوع لاكن بصراحه ما ابي احد يزعل وخصوصا الأخ ضباب بونشاك اللياللي ماقصر بنصايحه عن العمه ولاكن صارت زياده زياده عن اللازم مو معقول مشرفنا شيك علا مواضيعه الاخيره والله تسد النفس مع احترامي انا لي 5 سنوات اروح اندونيسيا وهذي السادسه انشالله ولا عمري شفت هالشي مثل ما يحكي اخينا ضباب بونشاك انا اعرف ناس دخلو المنتدى وهم حاجزين وقرو مواضيعه التحذيريه الصارمه اللي تقول انك في بلد مجرمين والله كنسلو السفره واولهم اهلي مو معقول اللي قاعد يصير ياخي اخر موضوع (انتبه الحرامي) انا انسدت نفسي غيره كذا موضوع
يا مشرفنا ترى التحذيرات صارت اكثر من اللازم
اللي بيسافر اول مره وبيشوف الصفحات الاولا للمنتدى والله يبطل ويظرب عليها x
لانو صارت كلها تحذير في تحذير
صحيح انه ما قصر لاكن
صارت زايده عن اللازم راحت حلاوة العمه وجمالها معد بقى فيها شي
يعني لو انا اول مره بسافر هناك وبقرى هالمواضيع قسم بالله اول ما بوصل المطار تشوفني امشي جنب الجدار من الخوف والقلق والهم وان ركبت تكسي نفس الشي وان رحت اصرف نفس الشي وان رحت الجبل نفس الشي
باقي اني انسدح في الفندق واحط تيب علا عيوني علشان ما تغمض يعني انام ونا مفتح عيوني من الخوف

واعذروني يا اخوان بتصير بنضر الجميع ماهي العمه هاذي خرابه ودار مجرمين

( للأسف انا استغرب من بعض اللي في المنتدى وكتاباتهم عن صرقه وابتزاز ونصب واحتيال مع انه موجود هاللشي بس بحدود انا اقول الله يحفض الجميع انا والحمدالله ماقد شفت ولا شي من اللي يقوله بخشيش انا اذكر اعطي حقين الفندق وبس والجبل ما اذكر قد شكيت باحد لاكن اللي يبي يكتب تحذير لا يبالغ فيه لا يبالغ فيه لهذي الدرجه لانه اهلي كانو بيجون معي السنه وهي اول مره في حياتي اسافر معهم قرو كم موضوع والله كنسلو السفره وبيروحون للبنان مو معقول اللي قاعد يصير ومواضيع النكد هذي اللي خلت الناس تنحاش )
قلنا حقين المطار انتبه من الهديه ( مع اني انا اعطيهم بنية الصدقه عليهم )

وسط البلد مافي نصب الا من حقين التكاسي بعضهم

الجبل خلك فحالك محد يجيك وان جاك راعي البوليس يبغى هديه واذا ما عطيته بيسويلك مشكله ياخي انت في بلد غريب وليس في بلدك ياخي خلص نفسك اذا ما نفع معاه الكلام اعطيه 50000 ولا 100000 بداعي الصدقه وليس البخشيش وفك نفسك وذا ما عطيته بيحوسك وتفتيش ويرميلك شي ولا يتبلى عليك وكل هذا لو بتلاحظ ياخي 20 ريال كصدقه كصدقه اغنتك عن هالحوسه كلها
مشرفنا الله يخليك شووف حل ..............
واسف اني طولت عليكم