السلام عليكم
اخواتي واخواني الاباء والامهات .السفر متعه للعائله كلها الله يجعلها سنه خير وسعاده لنا جميعا
دايم كان فيني خوف ان اولادي يضيعون مني في السفر علي الرغم اني الحمد لله احرص على قد ما اقدر
بس من كثر ما اسمع عن خطف الاطفال ويمكن سمعتوا قبل كم سنه عن خطف الطفله الخليجيه
اعتقد انها سعوديه في لندن ولقوا جثتها موزعه في اكياس في كذا حي . وكمان واحد من اقاربي ولده
ضاع في سنتر ميلانو وجلسوا قرابه ثلاث او اربع ساعات وهم يدورونه لين بلغوا الشرطه واخيرا لقيوه
واحد خليجي الله يجزاه الف خير لقاه ووداه الاوتيل من الصدفه انه نازل معاه في نفس الاوتيل وقيد شاف
هاذا لطفل وقت الفطور المهم الحمدلله . المهم ما اطول عليكم جلست افكر في طريقه امنه اكتب بيانات
عليها مثل ارقام جوالاتنا و عنوان السكن ورقم السفاره واي رقم اخر ممكن الاستعانه فيه يعني كل التفاصيل
مالقيت الا هالفكره وهي الاسواره البلاستيكيه الي يستعملونها في المستشفي لانها صعب ان الطفل
يفكها لان القطعه الي هي الطقطق او الازرار والله ما ادري وش اقول اسمها على حسب كل ناس
وشيسمونها المهم موضحه في الصوره . اتذكر الممرضات كانوا يقصونها بالمقص لانها صعب فكها
والله على طول اشتريتها وصورته لكم لاتقولون شكلها مهو بزين انا معاكم بس فايدتها اكبر من هالكلام
ولاتقولون اعيالنا معاهم جوالات ماندري اعوذبالله وقت الفجعه يمكن يضيع الجوال او ينسون الارقام اذا
هم اصلا حافظينها
هاذي تلقونها في محل الادوات الطبيه تباع بالكرتون فيه كرتون فيه100 قطعه ب 35 ريال
والحامي الله بس علينا بالاسباب والله لاينكد علينا جميعا ولايحرق قلوبنا على غالي
والان مع الاصور
