السلام عليكم ورحمة الله وبركاته
هاذي أول مشاركة لي في أروع منتدى يخدم السواح العرب على مستوى الشبكة العنكبوتية
والله ما أبالغ ولا أجامل ... الصراحة أنا صار لي شهرين متابعة دائمة لهذا المنتدى الرائع:x1:
وأنا اليوم طالبة منكم المساعدة والفزعة يا الاجواد..وأدري أنكم ما بتقصرون وياي إن شاالله
بدخل في الموضوع على طول
قرر زوجي العزيز يسفرنا في الوقت الضايع ورحبنا بالفكرة واستانسنا انا وعيالي الثلاثة
لكن يا فرحة ماتمت وبقول لكم ليش
تاريخ السفر بإذن الرحمن 2-8-08 والرجعه 18-8-08 من دبي إلى ميونخ والعوده ميونخ دبي
حلو الكلام
انزين وآخر ثلاث ليالي بتكون في ميونخ وتم حجز الفندق وترتب كل شي فيه
لكن أحنا كنا ناويين نطلع من المطار أول ما نوصل ميونخ على زلمسي طواالي
ونحجز شقة او فندق لفترة 13 ليلة نقضيها في ربوع زلمسي و ضواحيها
لكن المشكلة الي صارت أنا ما قدرنا نحصل حجز بالمرة في أي فندق قريب من البحيرة أو حتى شقة
بتقولون وش الي حادج على هاي المنطقة بالذات!!! وبقول لكم الصراحة احنا أول مرة نروح أوروبا وزوجي العزيز الله يطول بعمرة تارك كل شي على راسي:36_1_44:
من الألف إلى الياء ولا أقدر استأجر سيارة هناك ولأسباب عدة أولها أن أنا الي بدبس فيها وبتحول إلى سايقوأنا الصراحة ما ابغي اتعب هناك لأني رايحه استانس
المهم دار راسي ودخت من بين الترتيب لهاي الرحلة والشغل من صوب والعيال من صوب وحتى فكرت اني الغي السفره كلها:36_1_7:لكن عيالي ما هانوا علي:36_1_44: ماقد سافروا بحياتهم و واايد متحمسين
فأنا الحين داخله على الله ثم عليكم بأنكم تساعدوني في هاي الورطة...وترا ممكن نغير المكان أو البلد حتى إذا اضطريت ترا الوصول بيكون لميونخ والعوده بعد من ميونخ باحتساب 3 ليالي فيها قبل الرده وحجز الفندق موجود ولكن باقي 13 ليله ما أدري وين أروح فيها
فممكن تساعوني في الحصول على سكن في زلمسي(مع اني درت على الفنادق كلها:110 أو تقترحون علي البديل
ملاحظه( احنا عايله من 5 أشخاص بينهم عيالي وأعمارهم 13-11-8)
اتريا ردودكم بفارغ الصبر
وسامحوني على الإطاله