أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم ورحمة الله وبركاته ,
دق براسي أسير قطر يومين قبل العيد وهاي أول زيارة لي ممكن تساعدوني وين أحجز .. ووين أروح للتسوق أبغي شي حلو حلو مميز وراقي :king:
يا هلا بدار زايد بالنسبه للسكن الريتز كارلتون وشيراتون وانتلر كونتنتل
والتسوق عندج سيتى سنتر وهو كبير جدا وبعده لاند مارك وهو فخم
وايضا السد بلازا وهو حديث فاتح اربع شهور
واى استفسار حاضرين
ياهلا فيج اختي اميرة دبي..... بالنسبة للسكن....حسب الميزانية... مثلا الفورسيزونز مقابل سيتي سنتر ..وموقعه حلو وتوه حديث ماصار له كم شهر والليلة مادري يمكن بحدود 700 ريال..بس يابلاش.الفندق خيالي والشاطئ ماله تحطيم وفيه فندق انتر كونتيننتال بعد راقي وفيه شاطئ كبير ومقابل المدينة الترفيهية ومب بعيد عن الفورسيزونز والريتز كارلتون بعد ماعليه كلام......وطبعا فيه فنادق كثيرة بس انا اعطيج الأميز بالنسبة للتسوق... انا بصير افهم من اختي سوار. هي يمكن ماتمدح البضاعة يمكن لانها توها رادة من ايطاليا واكيد كل شي هني بيطيح من عينها ..وبقولج في مجمعات وفيه اسواق
المجمعات:
طبعا السيتي سنتر وهو اكبر مجمع في الشرق الاوسط بعد ابن بطوطة ولاتفوتينه عليج وفيه مجمع في منطقة السد وهي منطقة تجارية اسم المجمع رويال بلازا وهذا المجمع انا اعتبره للنخبة لانه راقي وفيه محلات عالمية مثل جيفنشي وكارتير وشاريول ومحلات اخرى...بس اللي يبي جو تسوق بحق يروح له..لانه مافيه ماركت ولا العاب اطفال...بس للتسوق وبس وفيه لاند مارك:وهذا المجمع حلوواكثر واحد ارتاح فيه مادري ليش... وفيه مجمعات بس اصغر من اللي ذكرت بس حلوة مثل المول وحياة بلازا وهذا بعيد حلو وفيه جنغل زون العاب اطفال ومراكز ثانية مثل مركز المانع والمفتاح....والسنتر
بالنسبة للأسواق
في منطقة الاسواق...تقدرين تقولين مثل منطقة نايف عندكم بس فيه اسواق اكثر من منطقة نايف وكلها حريمية مادري اذا انتي من النوع اللي يحبها او لا...بس على العموم بشرحلج هي منطقة او شارع فيه اسواق متلاصقة تقريبا..منها مثلا سوق فالح وسوق العسيري وسوق الديرة وهذا يمكن اشهرها وسوق الجبر وسوق الدوحة وسوق الأحمد....مع مالي بشغل الحريم لكن هاي محلات جلابيات وذهب وقطع وعبايات.....بس المنطقة مزدحمة بالحريم...وافضل وقت بعد 11 الليل وبتحصلين زحمة بعد بس اقل احم احم احنا بعد نفهم ترى في هالشغلات واي شي احنا حاضرين
هلا فيك أخوي .. سائح قطري ..
انا بصير افهم من اختي سوار. هي يمكن ماتمدح البضاعة يمكن لانها توها رادة من ايطاليا واكيد كل شي هني بيطيح من عينها
..
أخوي بعد أميرة دبي توها جايه من ايطاليا يعني بتكنسل البضايع اللي عندنا .. بس الصراحه تنقال .. السنة هذا السووق .. كلش البضاعة مو شي .. مو نفس العام .. انا لين الحين ما شريت شي .. مافيه شي عدل .. وأختي أحنا عندنا معروف إذا تبين السوق عندج دبي .. غريبة أنتم جايين تتسوقون عندنا ..
مع أنها نفس المحلات .. بس أنتم البضاعة تنزل قبل عندكم ..
بس بقولج .. الأذواق .. تختلف .. ممكن أنتي تعجبج .. بس أنا لا .. وهذا من وجهة نظري وجهة نظر البنات اللي أعرفهم اللي لين الحين ماشروا .. لأن البضاعة هذي السنة مو شي ..
ولولا أختلاف الأذواق لا بارت السلع ..
المهم أنتي حياج بالدوحه .. ولا تحرمينا منج .. وغيري جو يومين ..
أخوي .. Jupiter .. ممكن موضوع أخوي أبو علاء .. يفيدك لأنه يتكلم عن السياحه بقطر ..
السياحة في قطر https://artravelers.com
تحياتي ..
السلام عليكم ورحمة الله وبركاته
هلا والله اختي وتنور الدوحه بوجدج
وهاذي بعض الصور لأهم المرافق بعدستي المتواضعه
فندق الريتزكارلتون
فندق الشيراتون
مملكة علاء الدين من مرافق الترفيه
مجمع الستي سنتر من الداخل
مجمع اللاندمارك
ولين جيتي الدوحه لايفوتج اهم معلم في قطر كلها
ههه
تبين تعرفينه
هاذا هو
ههه
هاذا رجال خفيف الظل يسمونه المقنع
يدور 24 ساعه في الكورنيش لعبته الدواره
ههه
وكل مامر عليه واحد دق له هرن وسلم عليه
^_^
واتمنى ان الصور تعجبج وتنال على رضاج
ومرحبابج اختي عندنا
تحياتي العطره
اخووج
أوت(الحزن)ار
مناف
هلا والله ,,,,, بالأخوة والأخوات .... أقدم شكري للأخ مناف..... والصراحة معلومات مفيدة بالنسبة لي جزاك الله ألف خير ...
سوار
أما بخصوص المعلومات القيمة من الأخت الغالية سوار ... فأشكرج حبيبتي وايد وايد الصراحة ماتخيلت ان الدوحة فيها هالكم من الفنادق والأسواق ... وانا صغيرة طلبت من الوالد الله يرحمه انه يودينا الدوحة كان رده مافيها الا شارع الكورنيش .. أتمنيت انه يكون موجود الأن وأسرد عليه هالمعلومات رحمه الله ...
أما بخصوص الأسواق ... لا تخافي علي انا كل سنة أرجع من باريس ماخلي أخضر ولايابس بس الحين أريد عبايات وشيل مميزة و فيها شي من الفخامة مب موجود بدبي وطبعا هالشي مايمنع اني الف علي المحلات لعل وعسي يعجبني شي
سائح قطري
مشاء الله عليك ... انت مكتب سياحي قطري ... معلومات وافيه جزاك الله ألف خير ... وأنا فعلا كنت في أيطاليا وبعدها باريس ... لاكني أدور علي شي بنكهة خليجية ..... فقط خليجية ! شو رايك ؟
والتسوق عندج سيتى سنتر وهو كبير جدا وبعده لاند مارك وهو فخم
وايضا السد بلازا وهو حديث فاتح اربع شهور
واى استفسار حاضرين