الف مبروك الزواج مقدما
والله يسعدكم برحلتكم وترجعون بالسلامه
بالنسبه للتخطيط
الاخوان بيفيدونك مابي اضيعك

السلام عليكم ورحمة الله وبركاته ::
يا حي الله اخوي سالم ..الف الف الف مبرووك ..عسى الله يتممها لكم على خير.
بكتب لك على عجالة ..ولي رجعة معاك مطولة.
اولا اخوي لازم تفرق بين رحلات القطار والسيارة ..مثلا الثلاث شلالات ..هذه ما شاء الله ابو عزيز طبقها في يوم عشان معاه سيارة ..بالقطارات تختلف.
على العموم ..الفندق الاول ..ما راح تطول فيه ..كلها يومين.لأنه بعيد عن محطة قطار .
لكن فندق البرنزرسي..خيال ..وما شاء الله اختيار موفق.
لي عودة لترتيب الانشطة ...على حسب قربك من الفندقين ..وبالتوفيق.

مشكور أخوي ميدو وأنتظرك على أحر من الجمر

السلام عليكم ورحمة الله وبركاته::
اولا:
هذا موقع القطارات والباصات السويسرية :

ويوجد اكثر من مسار ...لكن اللي فوق هو انسب لك ..من قرية ميرينجن.
والا الباقي من قرية اندرمات ..ولها رحلات من لوزيرن .
ممكن الوصول لها من انترلكن ..لكن مشوار .
تحتاج الى يوم كامل ..من الصباح الى الساعة 9 تكون في قرية مرينجن..السابق ذكرها في الخوانق...الى الساعة 6 مساءا.
وسعر التذكرة للشخص 63 فرنك ..لحاملي السويس باس.
وفاتحة الى 7 أكتوبر.
اذا ودك فيها ممكن تستبدلها بأي يوم .
=====================================
قشتاد ..ممكن زيارتها ..مع مصنع الشوكولاتة ..لكن راح يكون فيها مشقة شويتين .
مع ان البديل كما ذكرت موجود .
=================
انصحك بالذهاب الى مركز المعلومات السياحية ..واخذ معلومات وبروشورات واهم الفعاليات الموجودة في فترة اقامتك .
===============
ممكن التبديل بين الانشطة ..على حسب الرغبة
الا في اول يومين ..لأنك محدود بالفندق ..وموقعه بعيد عن انترلكن .
اهم شي قبل الصعود الى المرتفعات والتلفريكات ..التأكد من حالة الجو.
اذا امطار شديدة ..ممكن تكون موقفة الى ان يخف المطر .
=================
اتمنى أكون أفدتك أخوي .
ورحلة سعيدة باذن الله.
واي استفسار اخر ..نحن حاضرين.
وبالتوفيق يا الغالي.

بصراحة ما أعرف كيف أشكرك يا الغالي أنت كفيت ووفيت بهالرد الي جاوب على معظم تساولاتي بخصوص شهر العسل في سويسرا وربي يحفظك يا رب...
انا معي بعض الاستفسارات اذا تكرمت:

• أول مرة اسمع بمطل النيدرهون وما حصلت اي تقرير عنه في المنتدى!!!
• انت لم تضع زيارة شلال ستوباخ في مخططك الرائع؟؟
• هل تنصحني الغي قمة أوربا واستبدلها برحلة للجبال الثلاثة من باب التغيير في الانشطة وخصوصا انها رحلة طويلة بالرغم من روعة القمة؟؟
• هل تشجعني بزيارة المتحف الي يحكي تاريخ سويسرا أو انه مملل وخصوصا في شهر العسل؟؟
• اذا اردت اقضي بعض الساعات في لونجيرن وخصوصا ان مطلها وايد حلو كيف اقدر اروحلها ومتى؟؟
• هل تقترح علي زيارة بعض الاماكن الاخرى وبالتحديد في انترلاكن؟

ومليون الف كلمة شكرا يا الغالي...

العفو أخوي ..وما سوينا شي..أخو عزيز وغالي..

• أول مرة اسمع بمطل النيدرهون وما حصلت اي تقرير عنه في المنتدى!!!

ههه..يا رجل لو اقولك على كل الانشطة اللي ممكن تسويها في انترلكن ..ولا اسبوعين يكفيها ..ومو احد يزورها كلها ..الاهم بالاهم.
وهذه القمة بحكم انها قريبة من الفندق الاول ..قلت انك بتزورها .
وهي مطلة على بحيرة ثون ..جميلة جدا..تطلع لها من قرية بيتنبيرج المرتفعة .
وهذا موقعهم :
http://www.niederhorn.ch/
ونصيحة مني..خذ اي اسم نشاط بالانجليزي وسوي بحث عنه ..وادخل على الموقع الرسمي له .
وشوف التقارير اللي باللغة الانجليزية + صور + مقاطع يوتيوب.
===========================

• انت لم تضع زيارة شلال ستوباخ في مخططك الرائع؟؟

ام..والله مدري وش اقولك ..
هو منظره حلو ..لكن تلقى زيه خمسين واحد >> زي اللي يوزعوه مجانا يعني ..ههه.
مو مميز يعني ..زي التروميل باخ .
على فكرة
راح تمر عليه وانت بالباص متجه الى التروميل باخ .
==========================

• هل تنصحني الغي قمة أوربا واستبدلها برحلة للجبال الثلاثة من باب التغيير في الانشطة وخصوصا انها رحلة طويلة بالرغم من روعة القمة؟؟

تكنسل قمة اوروبا ؟؟ لألألأ ..انا مرة ماني معاك في ذي النقطة.
شوف اي شي ثاني غيره وكنسله .
الا في حالة واحدة فقط ..ان يكون ما ودك بالثلج ...وما تحب الاجواء الباردة واجد.
اقولك ايه ..ادخل على الموقع حق باص البريد لرحلة الجبال ..واحجز التاريخ ..واتبع التواقيت الصحيحة للمغادرة .
او خيار اخر:
ممكن تحطه بدل مصنع الشوكولاتة ...والاستغناء عن القطار البانورامي.
على فكرة لقيت لك رابط للعمدة لرحلة المعابر السويسرية:
http://www.aboaziz.net/blog/?p=62
انا حطيت رابط ابو عزيز لك هنا ..عشان تشوف مقاطع الفيديو اللي في نهاية التقرير.
=====================

• هل تشجعني بزيارة المتحف الي يحكي تاريخ سويسرا أو انه مملل وخصوصا في شهر العسل؟؟

متحف الحياة السويسرية متحف البالينبيرج ممكن ياخذ منك نصف اليوم .
اذا كنت مهتم بتاريخ وثقافات هذا الشعب ..اقولك توكل على الله وروح.
الكثير من الاعضاء ما يفضلون زيارته ..والبعض الاخر جرب وزاره ..وكلن له رأيه.
هذا موقعهم الالكتروني:
http://ballenberg.ch/en/Welcome
=================

• اذا اردت اقضي بعض الساعات في لونجيرن وخصوصا ان مطلها وايد حلو كيف اقدر اروحلها ومتى؟؟

أخوي الله يعافيك ...لازم يكون عندك تصور على خريطة انترلكن كاملة.
واعرف ان اي مكان بعيد عن انترلكن بإمكانك زيارته بالقطار.
ويوم تشوف قرية لونجيرن الجميلة ..تلقاها بين انترلكن ولوزيرن...يعني تمر عليها بالاول وتتمشى فيها..ثم توصل لوزيرن .
او العكس.
توصل لوزيرن وتقضي اليوم ..وانت راجع تمر على لونجيرن.
وهكذا.
نقطة انطلاق التلفريك لقرية تورين Turren..بالقرب من Obsee (تروح لها مشي من محطة القطار)
ثم من تورين الى schonbuel
======================

• هل تقترح علي زيارة بعض الاماكن الاخرى وبالتحديد في انترلاكن؟

الكثير من الانشطة والقمم والحدائق والمتاحف .
لكن ما بغيت اخلي الجدول مضغووط بالحيل .
مثلا عندك قمة شيثرون ومطل مورين...تطلع لهم من لوتربرونن بالقطار.
قرية جريندلوالد .
قمة نيسين
حديقة المايستري بارك (حديقة الجنقفرو)
زيارة قمة بفاندر
الذهاب الى زيورخ
الذهاب الى بيرن العاصمة.
قمة تتلس ومنطقة انجلبيرج
قمة بيلاتوس بالقرب من لوزيرن
قمة ريجي بالقرب لوزيرن
الطيران الشراعي.
جولة بالهولكوبتر
ركوب الاحصنة .
استئجار دراجات والتمشي في الارياف.
وغيرها وغيرها .
==================
وبالتوفيق

مرحبا
الف مبروك
فندق لوقانو ماانصحك فيه فندق متهالك والغرفه صغيره صغيره صغيره
في فنادق ممتازه من ضمنها سويس دانتي
او نوفوتيل لوقانو توه جديد توه مفتتح في لوقانو
رحله سعيده