مرحبا ...
لاهل الخبره تكفون ناخيتكم انا مرة الصقر يعني الي بسوي نفسه كاشفني تراني اعترف لاني متحمسه بعد ماشفت بعلي يفكر يحجز ومنزل موضوع عن الخطوط المصريه قلت خلاص استجاب الله لدعوتي
بس عندي الله لا يهينكم كم استسفسار ياليت ابوعمر ولا يهونون الباقين ينوروني الدعوه يبيلها صبر تراني غثيثه واسئلتي مدري وش تبي بس احسن مافيني اني صريحه والي في قلبي على لساني
احنا اربع اشخاص انا وابو صقر وصقر 8 سنوات وصقوره 3 سنوات ناوين نروح بتاريخ 17 مايو والعوده ان شاء الله 26 يعني تسع ايام ( كيف الجو في هل الوقت ولا تنسون صقر وصقوره ؟؟؟
الرحله راح تكون الي ميونخ يوم واحد للراحه (((ابي فندق حلو ليله وحده بالفطور وسعره معقول !!!
وبعدين زلامسي في شقه مطله على البحيره ست ايام عطوني اسم شقه حلوه وسعرها معقول ؟؟؟ ماتتعدا 750 ريال !!
ولا رايكم نخلي ثلاث ايام في شقه وثلاث شقه ثانيه للتغيير ؟؟ احس اني مبدعه في تفكيري
اليوم الاول ....... راحه وركوب القارب الكهربائي والتجول واستكشاف المنطقه ( سمعت فيه بعض الشقق تعطي بطاقه دخول بعض الاماكن مجانا ) ياليت اعرف اسم الشقق وهل المواقف مجانيه اولا ...
اليوم الثاني ........ الزحليقه الصيفيه
اليوم الثالث .... الكابرون
اليوم الرابع ... شلالات كريمل
الخامس .....مفتوح
السادس ... مفتوح
السابع ... الرجوع الي ميونخ والجلوس يومين في فندق قريب من السنتر ( ابي اسم فندق مقترح ؟؟؟
هل اذا كان معنا سياره نرجعها ونكتفي في ميونخ بالباص اوفر او نخليها معنا الي نهاية الرحله
وبعد كذا الرجوع الي الرياض الحبيبه
طبعا احنا ماكثرنا التنقلات علشان ماتكثر المصاريف ولان معنا اطفال وبطبيعتي احب الراحه اكثر من الاكتشاف واللقافه
طبعا مفكرين ناخذ سياره وش رايكم الافضل اخذ سياره او على الباصات والقطارات ؟؟ لان زوجي حاط حد 2500 حد لسياره والديزل ب500 تعبيه يعني 3000 ريال حد لتنقل وش رايكم تكفي ولا نقلبها باص وقطار
ومن ناحية تذاكر السفر لقها زوجي على المصريه ب6 الاف ريال كل المجموع بس متردد لانه لازم يدفع فوري وش رايكم ننتظر ممكن يكون فيه عروض افضل خبرتكم يالربع
الفيز .. هل تكفي 3 الاف للمجموع وترا زوجي مستعد يطامر في السفاره ولا عنده استعداد ينفع المكاتب السياحيه
والفنادق هل حد 750 لليوم يكفي يعني فيه فنادق وشقق بهالسعر لي ولعيالي يعني الفندق غرفه وحده ماعندي مشكله بس تكون كبيره شوي ..
والمصروف اذا شلنا الموصلات واخذنا السياره تكفي 750 ريال في اليوم شامله اكل وسناك وترفيه فقط من غير الشوبنق مع العلم اني ناويه ادهر في زلامسي يعني راح اطلع مواهبي وسنعي لاخوانا النمساويين كل يوم راح اشق خشومهم بالكشنه ان الله احينا يعني باخذ معي معلبات وشوي رز ومكرونه وشاي وسكر وقهوه وكيك واندومي وطقته يكفي مدة ست ايام حقة زلامسي يعني بس ناخذ ماء وخضار ولحوم لطبخ .ونكتفي بوجبه وحده من برا وسناك.
اما الماني النيه اني احط رجل على رجل وتدلع شوي وناكل من المطام يعين فاست فود وطقته
طبعا انا شرحت لكم كل الي في خاطري وقلبي وسريرتي علشان تكونون على بينه وتعطوني الاوكيه ..