هلا وغلا
ونورتي البوابة يا ام عيسى
بنسبة للبرنامج ماطلبتي شي غالية والطلب شربات
بنسبه لدوحه راح اذكر اهم الاماكن الي فيها
اول شي المجمعات التجارية وهي
الستي سنتر : وهو عبارة عن مجمع 5 طوابق وفي سينما عبارة عن 14 شاشة
وفيه مطاعم ومدينة ملاهي ومحلاته وصالت تزلج على الجليد وكوفيات وانح اكيد بزيارته
مجمع فيلاجيو : وهو عبارة عن مجمع من طابق واحد ويمتاز بتصميمه الايطالي وفيه ركن للماركات العالمية وفيه محلات عالمية حلوة وكوفي شوبات عالمية ومطاعم وفيه كارفور وانصح بزيارته
الحياة بلازا : وهو بلقرب من فيلاجيو وانصح بزيارته مع فيلاجيو لان مابينهم شي وهو مجمع حلو وفيه مدينة كلاهي وهي جنغل وزن وحلو وايد وفيه محلات متنوعه
الاند مارك : وهو عبارة عن مجمع طابق واحد وحلو وكله كوفيات وقعداته حلوة وفيه كارفور ومحلات جدا حلوة وفيه مدينة ملاهي و3 شاشات سينما
المول : مجمع تجاري حلو وصغير نوعا ما عن الي قبله وهو فيه سينما ومحلات تجارية مثل السلام وهاي لاند الي تمتاز انها تعرض معظم الماركات العالمية
الرويال بلازا : وفيه سينما حلوة وراقيه ومرتبه وفيه محلات حلوة وكوفي شوبات وهو صغير مقارنه بلي قبله بس حلو وهو في منطقة السد
سنتر بوينت : وهو قريب من الرويال بلازا وتقدرون اتزورونهم مع بعظ وهو مجمع حلو وفيه بعظ من المحلات المشهور والي اسعارها مناسبه مثل سبلاش وشومارت وغيره من المحلات
وعندج سوق واقف وهو سوق شعبي وحلو على الطراز القديم كله مطاعم وكوفي شوبات حلوة ومن غير المحلات القديمة والي اتبيع الاشياء التراثية من قماش واكل وماجله واعشاب وكل شي يخص التراث
متحف الفن الاسلامي وهو متحف فيه من التحف الاسلامية وهو حلو واي وانصح بزيارته وهو يصكر الساعه 5 يعني زوروه قبل الساعه خمس
كورنيش الدوحه وانصح بتشي فيه واخذ لفة على القارب
اللولوة قطر وهي جزيرة اصطناعية على وشك الانتهاء منها وفيها محلات حلوة وكوفيات
حديقة الحيوان تقدرون اتروحون لها واتغيرون جو اهناك
بنسبة لسكن انا ارشح عندة فنادق منها
فندق دبليو و الفورسيزنت و جراند حياة و الرتز كارلتون وفريج شرق والموفنبيك تاور
وهم من افضل فنادق الدوحه وفي شقق حلوة وراقيه لو حبيتي تسكنين فيها مثل رتاج الريان
مع ان في سكن وايد وايد حلو لو تبون تسكنونه ومسوين عروض في وقت سفركم بذات ويوصل العرض الى تخفيض 100% مع السيرفس الكامل
وهو اكيد بيتنا والاهل مابقصرون وياج وبنحطج انتي وابو عيسى على راسنا وراح اتكون تحتكم سيارة 24 ساعه اتوديكم واتيبكم وين ماتبون
وتقريبا هاي الدوحه وهايا لاماكن الي فيها من مجمعات وسوق واقف والمتحف
وفي حديقة اسباير تقدرون اتمشون فيها وهي احذا فيلاجيو والحياة بلازا بس عيبها الجو لان انتو بتشرفونا بصيف
واي خدمة انا تحت امركم
ومشكوره مشكوره مشكوره
لى تلبية الدعوه والحظور الى البوابة القطرية
وحبيت اوضح انا اخونا ابومحمد (القطري) مايمر على البوابة القطرية شكله محاربنا خ
يعطيه العافية والله يعينه على بوابة لندن
وتقدرون اتنسقون زياراتكم للمجمعات يعين مثلا فيلاجيو والحياة بلازا بنفس اليوم بحكم قربهم من بعظ
والرويال بلازا وسنتر بوينت نفس الشي بحكم قربهم
والمجمعات الثانية قريبه بعد مثل المول والستي سنتر والند مارك
وانصح بزيارت سوق واقف بلفترة المسائية لانه احلى
واي اي اي شي تبينه او حابة تستفسرين عنه مايردج الا الكيبورد
واحنا تحت امركم يا زورا وضيوف قطر
تحياتي لج ولبوعيسى
واتمنى ردي فادج لو بلقليل

تنور قطر فيكم
ماشاء الله ماقصر اخونا
لكن اضيف شيء بسيط
انصحك تمرين منتجع فريق شرق لانه فعلا شيء رائع ويستحق الزيارة وعندهم محل زاي واجد حلو للملابس
كذلك محل زاي عند مكز ناصر بن خالد للمرسيدس كلة ملابس واحذية الله يعزك واكسسوارات وشنط ماركات
وعندهم الان خصومات روعة ..
بعد لازم تمرين فندق لاسيجال وتجربين عندهم الصاج والكنافة روعة والحلويات اجمالا شيء رائع
وهذا الرابط جمعنا فيه بعض الملفات والتقرير
وان شاء الله تستفيدين واي سؤال ابشري به
https://artravelers.com/p/re/282289

صج ماقصر حلو ومدلع بيض الله ويهك ويه مشرفتنا
والله يعطيكم العافيه شرفتونا جدام اهل الامارات وخبيره سويسرا
بس أن شاء الله مافي قصور اختي هداوه

ماشاءالله انتوا يالقطريين دوم عندنا في الامارات
قلت مايصير لازم نرد الزياره ونييكم قطر
((ياحياج الله ونورتي الدوحه من شمالها لي جنوبها ومن شرقها لي غربها))
ياريت بيت خالتي يقولون ويرودن لنا نفس زيارتك لنا الله يهداهم
المهم يا هداوه ، بصراحه الجماعه ماخلوا لي شي اذكره كفوو ووفوو

حلو ومدلع
بنسبه لدوحه راح اذكر اهم الاماكن الي فيها
اول شي المجمعات التجارية وهي
الستي سنتر : وهو عبارة عن مجمع 5 طوابق وفي سينما عبارة عن 14 شاشة
وفيه مطاعم ومدينة ملاهي ومحلاته وصالت تزلج على الجليد وكوفيات وانح اكيد بزيارته
مجمع فيلاجيو : وهو عبارة عن مجمع من طابق واحد ويمتاز بتصميمه الايطالي وفيه ركن للماركات العالمية وفيه محلات عالمية حلوة وكوفي شوبات عالمية ومطاعم وفيه كارفور وانصح بزيارته
الحياة بلازا : وهو بلقرب من فيلاجيو وانصح بزيارته مع فيلاجيو لان مابينهم شي وهو مجمع حلو وفيه مدينة كلاهي وهي جنغل وزن وحلو وايد وفيه محلات متنوعه
الاند مارك : وهو عبارة عن مجمع طابق واحد وحلو وكله كوفيات وقعداته حلوة وفيه كارفور ومحلات جدا حلوة وفيه مدينة ملاهي و3 شاشات سينما
المول : مجمع تجاري حلو وصغير نوعا ما عن الي قبله وهو فيه سينما ومحلات تجارية مثل السلام وهاي لاند الي تمتاز انها تعرض معظم الماركات العالمية
الرويال بلازا : وفيه سينما حلوة وراقيه ومرتبه وفيه محلات حلوة وكوفي شوبات وهو صغير مقارنه بلي قبله بس حلو وهو في منطقة السد
سنتر بوينت : وهو قريب من الرويال بلازا وتقدرون اتزورونهم مع بعظ وهو مجمع حلو وفيه بعظ من المحلات المشهور والي اسعارها مناسبه مثل سبلاش وشومارت وغيره من المحلات
وعندج سوق واقف وهو سوق شعبي وحلو على الطراز القديم كله مطاعم وكوفي شوبات حلوة ومن غير المحلات القديمة والي اتبيع الاشياء التراثية من قماش واكل وماجله واعشاب وكل شي يخص التراث
متحف الفن الاسلامي وهو متحف فيه من التحف الاسلامية وهو حلو واي وانصح بزيارته وهو يصكر الساعه 5 يعني زوروه قبل الساعه خمس
كورنيش الدوحه وانصح بتشي فيه واخذ لفة على القارب
اللولوة قطر وهي جزيرة اصطناعية على وشك الانتهاء منها وفيها محلات حلوة وكوفيات
حديقة الحيوان تقدرون اتروحون لها واتغيرون جو اهناك
بنسبة لسكن انا ارشح عندة فنادق منها
فندق دبليو و الفورسيزنت و جراند حياة و الرتز كارلتون وفريج شرق والموفنبيك تاور
وهم من افضل فنادق الدوحه وفي شقق حلوة وراقيه لو حبيتي تسكنين فيها مثل رتاج الريان
كفيت ووفيت ...
وهذا كنت متوقعتن منك ..
تسلم ايدك وماقصرت
مع ان في سكن وايد وايد حلو لو تبون تسكنونه ومسوين عروض في وقت سفركم بذات ويوصل العرض الى تخفيض 100% مع السيرفس الكامل
وهو اكيد بيتنا والاهل مابقصرون وياج وبنحطج انتي وابو عيسى على راسنا وراح اتكون تحتكم سيارة 24 ساعه اتوديكم واتيبكم وين ماتبون
هذا الكرم والجود مب غريب على أهل قطر ...
والله اخجليتني ومب عارفه شو أرد ، غير اني اقولك ...
جزاك الله خير ، وماقصرت ..
وانا يشرفني اني اكون وسط اهلك الله يحفظهم لك ..
ولكن انا ما أبا أكلف على أي حد ، حتى صديقتي مريومة قطر اللي رايحتلها
مخصوص ، قلتلها من البداية اني بسكن في فندق ، بيني وبينك ...
اموت في يلسة الفنادق وخاصه 5 نجوم
بالنسبه لجيتنا للأسف بوعيسى مابيي ويانا ، انا وبناتي بس ( كوكي وتوتو )
وتقريبا هاي الدوحه وهايا لاماكن الي فيها من مجمعات وسوق واقف والمتحف
وفي حديقة اسباير تقدرون اتمشون فيها وهي احذا فيلاجيو والحياة بلازا بس عيبها الجو لان انتو بتشرفونا بصيف
واي خدمة انا تحت امركم
ومشكوره مشكوره مشكوره
لى تلبية الدعوه والحظور الى البوابة القطرية
وحبيت اوضح انا اخونا ابومحمد (القطري) مايمر على البوابة القطرية شكله محاربنا خ
يعطيه العافية والله يعينه على بوابة لندن
هيه والله صدقت ، الظاهر بنغير اسمه من القطري الى اللندني ...
عموما انا قايله اذا صارت لي زيارة للندن محد بيعطيني البرنامج كامل الا لقطري
بنخبره يمر هنيه بدال مب يالسين نحش فيه
وتقدرون اتنسقون زياراتكم للمجمعات يعين مثلا فيلاجيو والحياة بلازا بنفس اليوم بحكم قربهم من بعظ
والرويال بلازا وسنتر بوينت نفس الشي بحكم قربهم
والمجمعات الثانية قريبه بعد مثل المول والستي سنتر والند مارك
وانصح بزيارت سوق واقف بلفترة المسائية لانه احلى
واي اي اي شي تبينه او حابة تستفسرين عنه مايردج الا الكيبورد
واحنا تحت امركم يا زورا وضيوف قطر
تحياتي لج ولبوعيسى
واتمنى ردي فادج لو بلقليل
قليل ....
ماشاءالله عليك انته ماخليت شي ...
الف الف الف شكر لك ...

افا عليج يا ام عيسى
ماسوينا الا الواجب احنا تحت امرج
وانتي تستاهلين اكثر واكثر
واتنورين الدوحه انتي والبنات الحلوين
وودنا نكسبج ويانا وانقوم بلواجب
وانتو يا اهل الامارات نعتبركم اهلنا بعد
وانا احس لمى اكون في الامارات جني بين اهلي وصاير ادل في دبي اكثر من ادل بدوحه
وهذا الرابط الي تقصده مشرفتنا
وفيه اهم التقارير في البوابة تقدرين لو عندج وقت تطلعين عليهم
https://artravelers.com/p/re/283370
لان مشرفتنا خربطت بس شكلها من كثر ماهو حلو محل الكاب كيك اتخربطت فيه وحطت رابطه بدال رابط موضوع التقارير
عاد ان شاءالله بجربه بعد وبقولكم رايي فيه وعلى اني اعرفه انه حلو من الحين دام مشرفتنا امدحته وسوت عن تقرير
ودام انتي اتحبين الفنادق وقعدتهم انصحج في فندق فريج شرق وانصح في بوفية لانه وايد حلوو
وانصح في الافتر نون تي عند الرتز كارلتون حلو بعد
ومن غير في مطاعم حلوة وعلى مستوا مثل مطعم المرجان اللبناني في الكورنيش
و مطعم ليالي في طريق سلوى و مطعم الصياد في النادي الدبلوماسي وكلهم مطاعم لبنانية وحلوة ومطعم سراي في فيلاجيو
وفي مطاعم هندية حلوة مثل اشاز في فيلاجيو ومطعم بخارة عند نادي السكواتش
وعندج بوفيه فريج شرق وبوفية فندق الشرتون وبوفية لاسيجال وبوفية الفورسيزنت
من احسن بوفيهات الفنادق وانصح تتصلين فيهم قبل علشان اتعرفين نوع البوفية بليوم الي بتروحون فيه
وعندج سوق واقف فيه مطاعم حلوة ومتنوعه مثل مطعم طاجين المغربي ومطعم البندر ومطعم رويال تندوري وفي مطعم بحري حلو وهو المحارة في فندق سوق واقف
وبتلقين كل الاختيارات في سوق واقف من كوفي شوبات ومطاعم
وبنسبة للكوفي شوبات عندج فوشون في طريق سلوى
و لينوتر وهو له فرعين واحد في فيلاجيو وواحد عن اشارات رماده
والهيديارد وهوفي طريق سلوى والبتيل وهو في طريق سلوى ومايا وهو في مجمع الاند مارك ومن غير في كوفي شوبات غيرهم بلمجمعات وكلهم حلوين
وبنسبة الى لندن لاتشيلين هم سوان ابومحمد (القطري) ولا انا موجود وكلنا تحت امرج
ولازم انرد لج الدين وانساعدج لان ماشاءالله عليج تقاريرج وايد حلوة وفادتنا الصراحه
وكان ودنا نكسب بو عيسى في هزيارة بس ان شاءالله اليايات اكثر
واي خدمة انا تحت امرج لو تبين تسالين عن شي معين
وتحياتي لج ولبوعيسى
وتسلمين على باقة الورد

qatar2007
هلا وغلا فيج اختي ...
وقطر منوره بأهلها
واشكرج يالغاليه على ترحيبج لي ، وكان ودي أرد عليكم كلكم في نفس
الوقت بس غلب عليه النوم وماقدرت
واضافتج كثير عجبتني ، لأنه خاطري أسأل اذا عندكم محلات للملابس
الجاهزه غير المحلات المعروف عندنا ، فياريت تدليني عليها
وسؤال ثاني ..
في شي عندكم مش موجود عندنا للحريم ، وشي ربشه سواء
لبس او غيره ، تعرفين دوم ندور شي مموجود عندنا
وجزاج الله خير وماقصرتي

qatar3333
اهلا وسهلا بخبيرنا.
ويهكم ابيض ، وكلكم والله والنعم فيكم ...
حتى أخجلتوني بكلامكم الجميل ...
وانا وايد سعيده بتواصلكم ...
وأكيد مافي قصور ...

bentqatar
وا ا ا ا ا ا ا ا ا و
اشكرج يالغلا على ترحيبج فيني ..
وحتى لو هم ماقصروا ، تواصلج هذا هو الاهم ومعرفتكم الطيبه
وانا يسعدني اني في بوابة قطر ، الظاهر بتعيبني اليلسه عندكم
ومابخوز