ضوءالقمر
22-10-2022 - 01:19 pm
السلام عليكم
ان شاء الله بنسافر الصيف
وجهتنا بتكون الى سويسرا وفرنسا بشهر 8 ان شاء الله مده الرحله 17 يوم
واول مره بصراحه بنروح لهالبلد وانا منقبه فياترى هناك عادي النقاب؟؟ وماهي افضل الاماكن السياحيه ؟؟ هناك والصالحه للعائله علما بان عندي ولدين(واحد4 سنوات والثاني سنه وحده) وهل هناك الجو بارد (يحتاج ملابس ثقيله)
ياريت تفيدوني واكون لكم شاكره
اختكم ضوء القمر
انا منقبه فياترى هناك عادي النقاب؟؟
هالموضوع يا أختي راجع لج ... يعني أنتي شوفي شو يريحج ويريح زوجج .... طبعا هم يستنكرون النقاب لأنهم مب معودين عليه ... العباه عادي شوي ... بس النقاب ... ما أدري شو وضعه ....
بالنسبه لي لا ارتدي النقاب ...... لأني أحاول أبعد الأنظار عني .... تدرين بعد أحداث سبتمبر ..... كل عربي صار أرهابي ... ولبسنا للنقاب قد يسبب بعض المضايقات .
عندي لك حل ... ممكن تلبسين النقاب اللي يكون كاللثام ... و تفصلينه بلون غير الأسود يعني وردي ... سماوي مع شيله بنفس اللون ... وبيكون الشكل أخف من النقاب الأسود الكامل ... وشكلج ما راح يكون ملفت .
وماهي افضل الاماكن السياحيه ؟؟
هذا الموضوع ما يخلص .... لكن ما عليج أمر تراجعين مواضيع هذه البوابه وبوابة السفر الى فرنسا ... والمدن اللي انصحج بزيارتها ... مونترو .. جنيف ... آنسي ... وباريس .
وهل هناك الجو بارد (يحتاج ملابس ثقيله) ؟
بالنسبه لنا ناخذ لبس صيفي عادي .. بس خذت أحتياط جاكيتين خفاف حق بنتي في وقت يكون الجو فيه شوي بارد ألبسها الجاكيت ... لكن لا تنسين انه شمس اوروبا تدخل في الراس .... يعني ديري بالج .
هذا اللي قدرت أفيدج فيه وأي معلومه زياده فالج طيب ...