من امس الى اليوم ولارد
شكرا لكم على تجاوبكم ياخبراء

السلام عليكم ورحمة الله وبركاته :
عذرا اخوي ماجد للتأخير .
بالنسبة للمخطط راح اخليها لك اربع مدن ..ومناسبة جدا لشخصين ..ومجربة طبعا .
تجمع انشطة واماكن حلوة جميلة .
وخصوصا اذا كان معاك سيارة .
بالقطار راح تختلف شويتين .
الوصول والمغادرة من جنيف
الوصول الى جنيف والسكن في لوزان لمدة يومين
انترلكن خمسة ايام
اليوروب بارك والغابات السوداء ثلاثة ايام
جنيف والريف الفرنسي يومين
ممكن تخلي اليوروب بارك ..اكبر مدينة العاب في اوروبا ..يعني زي الديزني في باريس ..واحلى طبعا ..يومين .
وتخلي جنيف ثلاثة ايام
ولك الخيار .
لكن خليت لك فيها ثلاثة ايام ..يوم للمشوار من انترلكن الى اليوروب بارك تقريبا في حدود ساعتين ونصف ..ومن خلالها تقطع الغابات السوداء
ويومين كااملة في اليوروب بارك ..وهي حقها ..لأنها كبيرة ..وصعب في يوم واحد تخلصها .
وفي انتظار رأيك .

وعليكم السلام ورحمة الله وبركاته
الله يعطيك العافيه اخوي ميدو على التجاوب الأكثر من رائع
برنامج جميل بس محتاج لشوية توضيحات وتحملني شوي بالأسئله لأني اول مره اسافر لأوروبا
للتو بحثت عن سعر التذكره على الخطوط السعوديه الى جنيف
الذهاب 1سبتمبر والعوده 14 ب1939 ريال للشخص الواحد
يعني بتزيد ليلتين بالسفره
كيف بيكون الجو بهالوقت بارد او مناسب ؟
ياليت اخوي توضحلي كم المسافات بين هالمدن بالسياره
وهل التنقل بالسياره صعب هناك
وهل لو تنقلت بالقطار افضل واريح ؟!
وياليت ترشحلي فنادق تكون نظيفه واسعارها مناسبه ومواقعها ممتازه
ياليت تتحملني شوي اخوي ولك جزيل الشكر والتقدير
الله يوفقك ومن تحب دنيا واخره

جنيف - لوزان (65 كم)
لوزان - انترلاكن (160 كم)
انترلاكن - يوروبا بارك (250 كم)
والسيارة مريحة جدا وممتعة .. وحلاة أوروبا بسيارة تتمشى في كل مكان ولا ترتبط بوقت قطار او موعد رحلة
أما بالنسبة للفنادق .. مدري انت تفضل وسط المدينة ولا بالريف ؟؟
فندق ولا شقق ؟

الله يعطيك العافيه اخوي tab-el
بالنسبه للسكن الأفضل فندق
و مايهم مدينه او ريف الأهم عندي النظافه والسعر المناسب

للتو بحثت عن سعر التذكره على الخطوط السعوديه الى جنيف
الذهاب 1سبتمبر والعوده 14 ب1939 ريال للشخص الواحد
هلا بيك اخوي ماجد .وما شاء الله أخوي بو عبد الله ما قصر .
سعر التذكرة جدا مناسب..السعر التشجيعي ..واسبوعين كافية جدا لرحلة لشخصين .
عندك خيارين الان .يا تزيد مدينة ...وارشح لك كونستانس .
او تزيد عدد الايام الى انترلكن وجنيف .
كيف بيكون الجو بهالوقت بارد او مناسب ؟
جو جدا مناسب ..يعتبر نهاية سبتمبر بداية دخول الخريف .
ياليت اخوي توضحلي كم المسافات بين هالمدن بالسياره
وهل التنقل بالسياره صعب هناك
وهل لو تنقلت بالقطار افضل واريح ؟!
وياليت ترشحلي فنادق تكون نظيفه واسعارها مناسبه ومواقعها ممتازه
ياليت تتحملني شوي اخوي ولك جزيل الشكر والتقدير
الله يوفقك ومن تحب دنيا واخره
تنقلك بالقطار أريح صحيح ...لكن ليس الاجمل .
الاحلى والاجمل والامثل والاكمل ...السيارة
بالنسبة للفنادق ..انصحك اخوي بالدخول على موقع بوكنج ..ومشاهدة الفنادق المتوفرة في تواريخ سفرك ...والمناسبة لميزانية الرحلة .
وخذ راحتك اخوي ..ان شاء الله ما راح نقصر معك .
وبالتوفيق

اقتراح ميدو ممتاز وبما ان عندك ليالي زايده اقترح عليك بدل ما ترجع بالسياره من منطقة روست الى جنيف تقريبا 4 ساعات تسلم السياره في ستراسبورغ الفرنسيه القريبه ولن يكون هناك ضريبة اختلاف دول اذا استلمتها من جنيف الفرنسيه وتنتقل بالقطار السريع اقل من ساعتين ونصف الى باريس تقضي فيها ليلتين ثم تعود لارض الوطن ولن تزيد عليك تذكرة الطياران سوى 150 ريال ومنها تزور باريس

الله يعطيكم العافيه اخواني على التجاوب الاكثر من رائع
الله لايحرمكم ا جر
اخوي ميدو وش رايك براي اخويdaayem1
بصراحه فكرت اخلي اخر ثلاث ليالي بالديزني لاند .. وش رايك؟!
والا تنصحني بزيارة سويسرا فقط
والفنادق اذا اخترتها ابجيكم تعطوني رايكم فيها

اذا كانت عودتك من باريس اقول لك اوكي ..
غير كذا راح يكون فيها نوع من المشقة ..وخصوصا بالسيارة ..وضرائب الطريق 32 يورو .
بالقطار تشوف اسعار التذاكر اولا على موقع القطارات الاوربية
وبعدين الديزني مع احترامي لجميع الفرنسيين ..ابدا ما تستاهل العنوة ..كملاهي ..حلوة للأطفال..واليوروب بارك حلوة للكبار والصغار ايضا .
فلو تركزت زيارتك لباريس على الشانز وفوس النصر وايفل واللاديفانص واللوفر ..يكون افضل .
ولا يمنع من زيارة الديزني ليوم .
فالامر راجع لك أخوي.
استخير الله ..والله يكتب لك اللي فيه الخير.