roro6
08-10-2022 - 08:55 am
مساء الخيير
ياليت اللي زار ودخل لل westminster-abbey يقولون كيف من جوا
وهو عبارة عن ايش هل هي كنيسه او فيها متحف ولا ايش بالضبط
وكم السعر للدخول
وهل التذكره شامله لبعض الأماكن والأقسام فيه ؟؟
:bounce8:
ياليت اللي زاره يفيدنا
بالنسبة لل westminister abbey انه زرته ، اهوه عبارة عن كاتدرائية ضخمة و جميلة جداً من اورع ما شفت في حياتي ، و هالكتدرائية انبنت في عام 656 ميلادي و تم التجديد و الاضافة عليها لين ما صارت بالشكل الحالي . مثل ما قلت اهيه عبارة عن كاتدرائية و كانت مكان اجتماع وزراء دول الكومونولث و فيها مقتنيات حق الملوك السابقين اهمها كرسي الملك ادورارد المصنوع من الذهب و وثاقف و صورة نادرة .
في رسوم حق الدخول 12 باوند للكبار و يعطونكم سماعات للاذن عشان تسمعون شرح عن اقسام الكاتدرائية بس انه لما زرتها الحارس الي كان واقف على الباب كان عباله اني ايطالي و ياي عشان اصلي فدخلني ببلاش ، و في يم الكتدرائية كنيسة صغيرة اسمها saint margret church كنيسة القديسة مارغريت وايد حلوة و لها ذكرى خاصة عندي و دخولها مجاني . عن نفسي انصح بزيارتها و التمتع بفن البناء الرائع و الديكورات الحلوة . موقعها عند مبنى البرلمان " ساعة بيق بن " .
و آسف على الإطالة ، و اي استفسار احنه بالخدمة .