اقترح ثلاثة ايام في لاسفيجاس وسبعه في لوس انجليس.في لاس فيجاس السكن في الستريب مثل فينيسيان او باريس او ويني او سيسر او البيلاجيو او ام جي ام والافضل بالنسبة لي هو الفينيسيان. في لوس انجليس ممكن 3 ايام في الشمال في بيفرلي هيلز و4 ايام في الجنوب في نيوبورت بيتش او ارفاين او اناهايم وسان دياقو ساعة منك نص يوم تروح وترجع بنفس اليوم. الافضل للسكن بالنسبة لي هي منتجعات جراند فاكاشين ماريوت في نيوبورت بيتج. ورحله موفقة

fablulous riyadh
مره شكراا .. حسيت الاقتراح حلو ..
اذا انتي رايحه من قبل ياليت تعطيني اللنكات لاسماء الاوتيلات ..
3 ايام لاس فيقاس >>>> فينيسيان اذا موجود حجز بالايام الي بنروح فيها
او باريس او ويني او سيسر او البيلاجيو او ام جي ام... Nice
3 ايام لوس انجلوس >>> لكن هل بيكفي بيفرلي هيلز وهوليوود ؟؟
4 ايام نيويورت او ارفاين او انا هايم ...>>> وش يميزهم وايش الافضل؟؟
سان دياقو ... هل تقصدين السكن فيه في منتجعات جراند فاكيشن او هذي منطقه ثانيه ؟؟
يعطيك العافيه ..

العفو اختي. الافضل الحجز من مواقع الحجز المشهورة والثقة وهي: http://www.travelocity.com . بالنسبة للقراند فاكاشن ماريوت الحجز مباشر من موقعهم وهذا المنتجع يقع في نييوبورت بيتج جنوب لوس انجليس وليس ساندييقو .بالنسبة للفرق بين الشمال والجنوب :الشمال زحمة وايد لكن حدج اليونيفرسال وشارع المشاهير في هولييود وشارع السن ست وسكن المشاهير في بيفرلي وسوق الجروف وشارع الروديو درايف وسانتا مونيكا وملاهي السيكس فلاقز. بالنسبة للجنوب فيه عرب واقل زحمة وارتب وانظف ويشرح النفس وفيه الديزني وورلد في اناهايم وكثير من المولات مثل السبيكترم والفاشن والساوث كوست سنتر والبلوك وغيرها واقرب لساندييقو وانا شخصيا افضل السكن فيها .اتمنى لج الوفيق وعلى فكرة انا ريال مو مره

fablulous riyadh
يؤيؤيؤيؤ ..عذرا أخوي ..
دورت في موقع بوكنج بس مالقيت بعض اسماء الاوتيلات ..لو تقدر ترسلها بالانجليزي بيكون السيرش اسهل لي ..
واذا عندك موقع ماريوت ياليت ترسله ..
يعطيك العافيه ...

http://www.marriottvacationclub.com تختارين من القائمة نييوبورت بيتج.

اغلب الاسواق في لوس انجليس هي سنترز وليس اوتليت وهذي بعض اللي اذكرها: camarillo premium outlet,calrsbad premium outlet near sandiego,las america premium outlet in sandiego,desert hills premium outlet in palm spring,irvine spectrum &south coast plaza,the block at orange,fashion island in newport beach,westfeild century city&beverly centre,the grove in beverly,Rodeo drive,westfeild main place,anaheim garden walk mall...