((أم خالد))
اذا قصدك https://www.booking.com/ فهو من افضل مواقع الحجز على كلام الاخوان وانا هالصيف حاجز منه فندق وبالتوفيق

اذا كنتى تقصدين booking فاحجزى وانتى مغمضه ومطمنه

نفس كلام الاخوان قبلي .. توكلي على الله ...من افضل المواقع

السلام عليكم
يا اخوان ام خالد تقصد book in hotel وليس booking وفيه فرق كبير بين الموقعين وكل واحد شركه مختلفه
وراح احكي لك حكايتي مع book in hotel انا السنه هذي كل حجوزاتي بالنت وقدر الله علي وحجزت واحد من الفنادق من نفس موقعك المهم حجزت وسحبوا الفلوس وارسلولي ايميل بالكونفيرميشن وبعدها بكم يوم اتصلت بالاوتيل ابي اطمن فقالولي مالك حجز عندنا ودوروا ودورا اكثر وبعدين قالولي كان لك حجز بعدين تكنسل
كنت بإتصال دائم بالجوال ( الله يعين على الفواتير ) بالموقع في البدايه قالولي شيك مع البنك لان المبلغ محجوز وما استلمناه شيكت مع البنك واكدولي انهم استلموا المبلغ ارسلت ايميل وارفقت كشف حساب يبين خصم المبلغ من حسابي وبعدين بعد عناء واتصل بكره وبعده قالولي سوري وقت ماكنت سعادتي احجز كاني يعملون upgrade للسيستم حقهم وتكنسل حجزي لاكن بعد عناء طويل معاهم المهم بعد كم يوم رجعولي المبلغ في حسابي وهذا اهم شي بس كانوا خاصمين 200 ريال
نصيحتي احس الموقع فيه لخبطه اذا بتحجزين من غيرهم يكون افضل وعندك
booking , hotels.com ; yeego.com وايضا تقدرين من نفس موقع الاوتيل
وتوته توته خلصت الحتوته

السلام عليكم
انا حجزت عن طريقهم bookinhotels
و عملت غلطه بتاريخ الحجز و كلمتهم و كان مكتبهم في لندن ورد على واحد اسمه فاروق (هندي ) على ما اعتقد
و كانو متعاونبن جدا
و الجماعه ما جاء منهم اي غلط..
على فكره انا حجزت في زيلامسي و في ميونخ عن طريقهم
و شكرا

انا حاجز عن طريقهم
book in hotels
و مكتبهم في لندن و حاظرين لأي استفسار

لا هذي شركة ثانية مو بوكينق اللي تقصدون

انا عن نفسي حاجز من book in hotel و بعد ما قريت ردود الاخوان جزاهم الباري الف خير ارسلت ايميلات للفنادق نفسها و بنتظر الردود باكر ان شاء الله و بخبركم .
ملاحظه : انا حاجز سي هوتيل في زيلامسي و المرديان في ميونخ .
اما بالنسبه لموقع booking حاجز عن طريهم شقه في فيينا لقيتها في موقع الشقق الرسمي بالنت ارخص 39 يورو . و ارسلت طلب حجز للشقق نفسها و اذا لقيت بكنسل الحجز و احجز عن طريقهم مباشره
شكرا

اليوم كلمت المريديان و سي هوتيل و قالولي انه ما لك حجز . . رجعت كلمت الشركه و قالو لي ما راح تلقى حجزك قبل ثلاث ايام من تسجيل الدخول
الله يستر