روحي معك
07-08-2022 - 05:07 am
هلا فيكم كلكم ... مين الي بيكون في لندن في هذا الوقت 2 اوغست .؟ ووين بتسكنون ؟ وكيف هي خطتكم الى الرحلات ؟
وين الآماكن الي بتروحوها وتحسوها مهمه؟ انا بجلس بس 4 ايام هناك ؟ احتمال اسكن في بارك لا نكستر ....
كيف الواحد يقضي وقته هناك خلال 4 ايام هذي يعني ابغى اروح اهم شيء هناك ولا زم ما اطوفه علي
لندن هي هي من 50 سنه.
اهم نصيحه اقولها للي اول مره يروح لندن:
اول يوم اطلع من بدري لشارع اكسفورد وعلى سور الهايد بارك الي مقابله تلقى محطة رئيسية لانطلاق الباص الاحمر ( بيغ باص) اشتر تذكره (صالحة لمدة يومين من تاريخ الاستخدام ومتتعدة الاستخدام يعني تركب بالباص زي ماتحب في اليومين) واطلب الباص الي فيه ( لايف تور قايد) يعني مرشد سياحي حي ماهو تسجيل لان فيه نوعين.خذ لفه بالباص من غير ما تنزل ( اعتقد مدة اللفه كامله ساعتين او اكثر شوي) وخذ معاك من نفس المحطة خريطة سير الباص عشان تعرف المحطات الي يوقف فيها وحدد على الخريطة المحطات الي بتنزل فيها ( عشان تركب الباص بالجوله الثانيه وتنزل للاماكن الي عجبتك)
الاماكن الي يزورها الباص: الاكسفورد ستريت - سوهو - البيكاديلي - ميدان ترافلجار- الداونيينغ ستريت - ساعة بيغ بين ومبنى البرلمان وقصر المللكه ( مش متاكد) - ولندن اي)
انت في الجوله الاولى تفرج وقرر وين بتنزل في الجوله اللي بعده.
اذا خلصت الجوله الاولى، اركب الباص الي بعده وانزل في الاماكن الي اعجبتك تمشى فيها وبعدين ارجع لنفس المحطة ولما يجي الباص اطلع معاه وانزل في المحطة الجايه وكذا .. لما تشوف كل الاماكن ( بس تاكد ان الباص الي تطلع فيه من المكان الي نزلت فيه يسلك نفس المسار) لان الباصات حقنهم لها اكثر من مسار.يوم الثاني قضية في الهايد بار ومتجر هارولدز
واذاتحب ملاهي فيه ملاهي بالترز بس انا ماسبق اني زرتها.