أختي أم فارس
اتاسف منك لأن الأخوان والأخوات دخلوا على الموضوع وقصروا معاج ، لكن ساحاول ان اعطيج فكرة
كيف تحسبين الميزانية .
أولا بالنسبة للفندق تستطيعين أن تدخلين على موقع Hotels.com ومن خلاله اختاري فندق في نفس
المنطقة التي تريدين زيارتها وتستطيعين ان تختاري اي مستوى تريدينه ، فهناك اختيارات من فنادق 5
نجوم وحتى الموتيلات ذو نجمة واحدة .
ثانيا بالنسبة لإستئجار سيارة ادخلي http://www.carrentals.com/ واحسبي عدد الأيام في
اجار السيارة في اليوم .
ثالثا بالنسبة لتذاكر ديزني ويونيفرسل زوري مواقعهم وابحثي عن اسعار التذاكر ، او اذهبي الى التقارير
المصورة وادخلي على موضوع الأخت Luxury Traveller ( صيف 2005 فلوريدا )
بالتوفيق

7000 28000
. 3 25000 ! ( )

Um Yousef

تسلمين والله عزيزتي ماقصرتي .. وبالنسبة للتقصير عزيزتي انا عارفة انه اللي معلومة مش حيبخل بها بس المشكلة اني مستعجلة.. واسعدتيني جدا بمرورك ..

seds
اولا الف شكر لمرورك .. وثانيا التذاكر متوفرة لانه زوجي موظف في الخطوط .. ومين قدك ياعم 25000 وعلى حساب العمل ماشاء الله.. بس ماانت شايفها كثيرة على شخص واحد.. الظاهر ماقصرت على نفسك ابدا .. وبالنسبة لاطفالي عمرهم 7 سنين و4 ونص .. شو رأيك؟؟؟

أم فارس
بالنسبة للفلوس فهذي اوامر الشركة(لأني امثل شركة محترمة يجب ان اسكن في فنادق محترمة وليست فنادق خشاش (متأثر بالأسهم )
علما بان التذاكر الدولية و الداخلية تقارب ال 10,000 ريال والباقي للفنادق والمعيشة والتنقلات
هناك امر مهم فتخطيط السفر مهم جدا لتنظيم الميزانية من ناحية التنقلات والسكن والتسوق. انا اعتمد دائما على خرائط ياهو حيث اختار السكن القريب من جميع الخدمات من اسواق ومطاعم و مناطق مركزية
بالنسبة للفنادق فانا انصح بإمباسي سويت من الهيلتون فهي كبيرة و جميلة
اتمنى اكون قدمت معلومات مفيدة واذا تبون معلومات اكثر فانا جاهز

أم فارس
حيالله اخيتي ام فارس وهذي الساعه المباركه اللي اقدر اساعد فيها وحده ومن بلدي الحبيب
اولا احب احييج على فكره امريكا لانها الافضل خصوصا لليهال راح يستانسون وايد وما اقدر اوصف لج شلون فرحتهم اذا شافوا خصوصا ديزني لاند ويونيفرسال ستوديو
الميزانيه اقدر اقولج من 15000 دولار الى 30000 دولار خمستعش الى ثلاثين الف
يعني اربع الاف وخمسيه هذي تكفيكم وايد واذا تبون تستانسون عدل دبليها وراح تكون سفن ستار
وطبعا كل واحد على حسب ميزانيته
لكن اورلاندو رخيصه والسكن فيها رخيص لانها سياحيه من الدجه الاولى
والسكن مع اعيال تقريبا الليله من 80 دولار الى 120 دولار ستوديو خمس نجوم في فندق امباسي سويت في شارع حلو وايد كل شي فيه
السياره راح تكون صغيره لانكم اربعه فقط يعني من 15 دولار الى 25 دولار مع التامين والضريبه هذي حسبتج للفندق والسياره يوميا ضربيها في ثلاثين يوم وتتخلصين من السكن والسياره وهم المهمين وايد
المعيشه رخيصه جدا والمطاعم الغاليه هناك العربيه اما اغلب مطاعمهم بوفيه مفتوح في اورلاندو يعني اكلي لما تقولين بس والفطور مجاني من الفندق هذي حسبنا السياره والفندق والاكل اليومي
المشتروات ابو فارس راح يروح فيها لان امريكا رخيصه وراح تشترين كل شي خصوصا حق فروسي واخته لان ملابسهم ممتازه ورخيصه
بقى لج الالعاب والاتراكشن اذا كنتوا عايله طبعا ترخص التذكره وايد مثلا ديزني لاند اليوم من 60 دولار الى 80 للشخص البالغ والنص لليهال
يونيفيرسال ستويدو تاخذين تذكره كامله حقها وتذكره حق السي وورد وبوتش قاردن لمده 14 يوم كل يوم تقدرين تدخلين مجانا اربع تذاكر تقريبا 800 دولار
هذا اللي اتذكره الحين واي شي تبيه انا حاضر وبالشوفه

1. أولا : نصيحة :


2. نصيحة ثانية :

أختي الكريمة ..
سأحاول أن أفيدك لأني قريب عهد بالقدوم من الولايات المتحدة ، وذهبت أكثر من مرة بعد الأحداث في 11 سبتمبر .

أولا : نصيحة :

أنا ما أشوف هناك داعي للذهاب لأورلاندو ، خاصة وأنّ الكثير من المناطق أجمل منها .. وأيضا اللي يذهب لأورلاندو يصعب عليه أن يجد مكان قريب منها وجميل ، خاصة للي مستأجر سيارة ، فقط هناك ميامي .
أنا أرى بأن السياحة لا طعم لها في أمريكا بدون لوس انجليس عاصمة هوليوود والمدينة الصاخبة .. علما بأن جميع المدن الترفيهية موجودة في لوس انجليس وأفضل من اولاندو .. ثانيا تستطيعون بالسيارة الذهاب لساندييغو وسان فرانسيسكو وحتى لاس فيغاس ( لو انها ما تناسب العوائل !! ) .
أنا أتصور أنكم تقضون الإجازة في محيط ولاية كالفورنيا لأن الترفيه متوفر للأطفال والكبار وسيوفر عليكم ميزانية كبيرة ، بحكم قرب المسافات .

نصيحة ثانية :

طالما أن زوجك موظف في السعودية ، فأكيد راح تكون التذكرة لنيويورك أو واشنطن ،أو ( أورلاندو في الصيف فقط ) .. لكني أنصح حقيقة من واقع خبرة أن تنزلوا في مطار JFK في نيويورك وتأخذون رحلة داخلية إلى وجهتكم أفضل لكم كثيرا وترتاحون من الإجرات المتشددة ، خاصة لأننا نحن السعوديين يستلذون بتعذيبنا في المطارات الامريكية !!!
الأسعار :
تأجير السيارات :
1- السيارات الصغيرة . اليوم تقريبا ما يتجاوز 30 دولار .
2- الفنادق في لوس انجليس من 100دولار وما فوق .. لو انجليس كبيرة جدا .. لذا لا بد من اختيار السكن بعناية .
ولعلي أضيف بعض الملاحظات ... إن شاء الله .

ياليت للاخوان يفيدوننا بامريكا
لاني انا بروح ان شاء الله بالعطله
وراح تكون وجهتي الرياض واشنطون
وراح اجلس بواشنطن اسبوعين بس ابي اماكن حلو ة فيها
ويمكن اروح اور لاندو
وانا زيك يا ام فارس ابي اعرف الميزانيه كم للشهر
وشكرا