معقوله ماافي احد يقدر يفيدني ...

إن شاءالله تكفي لمدة اسبوع لكل مدينة لندن - باريس

شهر 8 هجري يعني عطله الصيف او متي؟ شوفها كم ميلادي
و سفره شباب؟

https://artravelers.com
يعطيك الف عافيه اخوي
https://artravelers.com
ايه شهر 8 عطلة الصيف اتوقع توافق 7 او 6
لا مو شباب عائله

خلها عيل 7 ب7 او 10 ب5
باريس تخلص بسرعه لندن تحتاج اكثر
و ان شاء الله اذا فنادق مستوى عادي او شقه .. و مافي تسوق و مشتريات بتكفي ان شاء الله بس التذاكر تحجزها مبجر و السكن عشان تحصل ارخص الاسعار

أهلين حلمي فرنسا. اتمنى من كل قلبي ان حلمك يتحقق وانتي بصحة وعافية اسمعيني السفر بما أنكم خمسة مايكفيكم المبلغ ابد لان السفر يحتاج صرف وانتوا ماتحسون زيدوها شوي ورتبي للسفرة من بدري وانشالة تكفي اتمنى أني ساعدتك

يعطيك الف عافيه كويتيه ...
عشقي سويسراا الله يسعدك يارب ...بس ازيدهاا بحدود كم يعني ..بعدين احنا 4 اشخاص مو 5

50 الف سعودي يعني تقريبا 8400 باوندز
0باوندز قول اانها مصاريف يوميه من اكل و شرب و مواصلات لكم انتو ال4 بواقع 50 باوندز للشخص باليوم .. اكل عادي طبعا و قهاوي و تمشي مو كل يوم مطعم عربي و الا هندي و الا مطاعم غاليه
بالنسبه للتذاكر شي تقريبي يعني شفت اسعار شهر 6 ميلادي اذا الحجز من الحين ارخص تذكره علي الخليج 400 باوندز و طبعا الاسعار تتغير حسب اليوم و التاريخ و الطيران .. عموما نقول تقريبا 1600 باوندز التذاكر
يصير التذاكر و المصرف 4400 باوندز
يبقا 4000 باوندز للسكن .. بالنسبه للشقق مالي علم فيها
بس للفنادق تحتاجون طبعا غرفتين .. حق فندق 3 نجوم او 4 نجوم بموقع بعيد بتكفي حدا حدا ..
يعني ميزانيتكم تكفيكم في حاله الحجز مبجر .. الاقتصاد الشديد .. بدون مشتريات ابدا .. فندق يمشي حاله او موقع غير جيد ..
مو وجهه نظري الشخصيه ان السفره مو حلوه اذا الواحد محدود بالمصرف بهالطريقه .. بيصير السفر محاتات و حسابات اكثر من انه وناسه ..
الحل .. تزيد الميزانيه بواقع 3000-4000 باوندز .. لسكن افضل و بحبحه بالمصاريف و زيارات اكثر
حل ثاني تقليص مده السفر .. يعني مو لازم اسبوعين او 20 يوم بميزانيه محدوده .. خلها 10 ايام حلوين .. اسبوع بلندن و 3 ايام بباريس كافيين ..
و عموما باقي اكثر من 8 شهور علي موعد سفرتك يعني لسه بدري

يعطيك الف الف عافيه كويتيه على حماسك معي وان شاء الله يتحقق حلمي ...
جزاكم الله الف خير