سؤال اخر هل فيه تاكسي يوديك من نيويورك الى شلالات نياجرا
واذا فيه كم ياخذ علي ؟؟؟؟؟؟؟؟؟

التكاسي بنيويورك غاليه جدا مشوار عشر دقايق ربع ساعه تدفعين من ال40 الى 50 دولار والعوده نفسها
الباصات كل مشوار للشخص الواحد 2وربع ونفس الشيء الصب وي وسهله جدا ومتواجده 24 ساعه
كلفتنا اورلاندو طيران وفندق ودزني ويونيفيرسال ثلاث ليالي فقط 2000 دولار
وكانت تنقلاتنا احيانا بالتكاسي واحيانا بالببلك باص او الشتل من الفندق وهذا رخيص مره الشخص اظن ب6 دولار يودونك ويرجعونك بمواعيد ثابته وانصحك فيها بس ما تتاخرين ثانيه وحده والا ماراح تلقينهم صارت لنا تاخرنا 5 دقايق بس وما حصلناهم
واتمنى لك رحله سعيده 00

وانصحك استاجروا سياره باورلاندو اوفر لكم بكثير احنا نسى زوجي رخصة القياده بسكنا بنيويورك للاسف والله

يعطيك الف عافية
بس معقولة الميزانية 2000
ممكن اعرف انتوا حاجزين اي فندق ؟
وفتوقعاتك لو اجرنا سياره كم بيكون الميزانية ؟؟
جزاك الله خير على الرد والله يوفقج

سدرة الليل
لو سمحتي لي بالرد على تساؤلاتك
انا رجعت من نيويورك بتاريخ 26/7 الماضي يعني الشهر اللي فات
وقبل ما اسافر حجزت كل شي عن طريق travelcity والصراحة ماتعبت في شي الا الطيران اقصد المسافات
رحلتي كانت على الخطوط الكويتية من الكويت الى نيويورك قعدت فيها ليلة وحدة ارتحت انا مع عايلتي بفندق المطار وبعدها اليوم الثاني طرت لاورلاندو وقعدت فيها 19 يوم وايد استمتعت فيها والاولاد بعد استانسو
فندق المطار كان Dobell tree (JFK) الفند زين وغرفة كبيرة والسرير وايد مريح بس مافية خدمات مثل المطعم يعني اتصلنا نطلب عشاء قالو مافي عشاء لان الطباخ مريض , وسعرة كان 200 دولار لليلة
التذاكر كانت على الدلتا (الطيران تعبان وخدمتهم بعد تعبانة بس اسعارهم رخيصة بس ديرو بالكم من الجناط لان لازم الوزن 50 باوند يعني 20 كيلو
بالنسبة لاورلاندو : الفندق بترشيح اخواننا بالمنتدى : شيراتون فيستانا فيلج
الفندق وايد حلو ومرح وموقعة عجيب
وبالنسبة حق السيارة انا اجرت من شركة علامو سيارة سيينا تيوتا تكفي 7 اشخاص مع كرسي طفل و عطوني معاها نفيجتر
انا عندي نصيحة لاتشترون تذاكر الالعاب من الفندق وايد اسعارهم غالية واشترو التذاكر قبلها بيوم علشان الجو ماتتوقعونة
بالنسبة حق الملاهي العايلة استانسو وايد من يونيفرسل اتديو
بس ديزني لاند تحسفنا ليش رحنا لها لان احنا رحنا لها في هونج كونج فاكثر الالعاب شايفيتها وبعدين زحمة تقولون قاعدين بالحج الله يكرم الحج عنهم
الاوت ليتات يعن السوق عجيب عندهم احسن الاسواق اللي رحناها :
primer outlet , florida mall , mall at malinia ورحو مطعم chees cake factory اللي تكلم عنة اخونا impact ترى المطعم عجيب وصج تجربة حلوة

بالنسبة لفندق نيويورك انا قعدت فيها 2 ليلتين بالرجعة
سكنت بفندق شيراتون منهاتن تايم سكوير
الفندق ماشي حالة بس موقعة استراتيجي يعني ماركبنا تكسي الى المطار
وسعره بعد زين ليلتين غرفتين بي 700 دولار وعطوني سريرن اضافيين وسرير للطفل مجانا و بعد يابو لي ثلاجة صغيرة لانة مافي ثلاجة وخلوني اسوي شيك اوت الساعة 2 بدل الساعة 12 الظهر

بالنسبة لنيويورك انا ما حبذ انكم تاخذون تكسي انا انصح انكم تاخذون تذكرة لمدة ثلاث ايام بالباص المفتوح مال التور لانه الباص يمر على كل الاماكن اللي ودكم تروحن لها اخذو الباص الاحمر لانة ارخص من الباص الازرق

نيويورك التكاسي فيها غالية أسكنوا في التايم سكوير وماراح تحتاجون تكاسي, ولكن اشتروا تذكرة الباص السياحي لمدة ثلاث أيام كافية ب54$ , طبعا انا سكنت بالماريوت ماركيوز بقلب التايم سكوير وفندق فخم وكبير جدا ب900$لمدة ثلاث ليالي لثلاث أشخاص , طبعا الفندق لايوجد فيه مسبح ولاتوجد ثلاجة تبريد في الغرفة والباقي كله تمام وخصوصا موقعه جدا ممتاز , ولاينصح باستئجار سيارة في نيويورك لانها زحمة وبتتعبون في المواقف.
الصرفية كانت 200$ لثلاث أشخاص يوميا وكانت كافية