و عليكم السلام و رحمة الله و بركاته ،،،،،
1- أورلاندو حلو جوها الحين و ما فيها حر كلش هالوقت ... النهار شمس و أحيان مطر هالوقت و بالليل برد شوي ... نيويورك برد مووت و ثلج ... لاس فيجاس في النهار حلو و المساء برد ناشف بما انها في صحراء
2- من نيويورك ل لاس فيجاس سبع ساعات اذا دايركت و اذا ترانزيزت نطول الرحله لنه بتقعدين في المطار بعد كم ساعه في ولايه ثانيه .. فأحسن حل تروحين من نيويورك للأورلاندو 3 ساعات و منها على لاس فيجاس ... الطيران الداخلي سفر بحد ذاته كأنج رايحه من الكويت للندن الله يعينج
3- يبيلج ليسن دولي
4- رحله سعيده و موفقه انشالله

1. السلام عليكم إختي العزيزة ( q8 Moon ) ...........

السلام عليكم إختي العزيزة ( q8 Moon ) ...........

أنا رأيي إنج تنزلون بنيويورك جم يوم منها ترتاحون من الدرب الطويل من الكويت لنيويورك و هم بعد تزهبون لرحلة أولاندو ..... و بعدها بجم يوم تروحون لأورلاندو ... من نيويورك لأورلاندو حوالي 3 ساعات و بعد ما تخلصون من أورلاندو تروحون لفيجاس ( طيران حوالي 5 ساعات بدون توقف ) بالنسبة للطيران الداخلي حاولي تاخذين رحلات بدون ترانزيت .... إحنا كنا نستخدم طيران ( الدلتا ) و كانت مباشرة و بدون توقف و تقدرين تدخلين موقعهم و تشوفين كل شي .... و في طيران اليونيتد و الأمريكان آيرلاين .... شوفي الي يناسبكم .
و ممكن تغيرين الدرب يعني بدلاً من روحتكم إلى فيجاس مباشرة من أورلاندو .... تروحون من أورلاندو إلى سان ديغو او سان فرانسيسكو .... المنطقتين روعة و حسافة تفوتكم و منها بعدين إلى فيجاس .... بس إنتي ما قلتي جم يوم راح تقعدون هناك ؟ إشرايج تخلين الدرب ( أورلاندو - سانديغو او سان فرانسيسكو - فيجاس وممكن بالردة نيويورك اذا كان في وقت ) انا قاعدة أكتب و كأن الرحلة لي
الجو الحين حلو سواء في أورلاندو أو كاليفورنيا ...... درجة الحرارة في سان ديغو حوالي 15 س و سان فرانسيسكو 12 س و أورلاندو حوالي 17 س ...... يعني عز الطلب و البارك تقريبا فاضي مو مثل الصيف زحمة و طوابير يعني تروحون من لعبة لي لعبة ..... إختياركم للوقت ممتاز و عسى الله يهنيكم و يسر دربكم .
لازم طلعون ليسن دولي .... أفضل و هم بعد اخذوا معاكم الليسن الكويتي إحتياط .
اذا بغيتي أي شي .... انا حاضرة

مشكورين وايد وايد وايد
و لو علي جان رحت كل الولايات بس المشكله بالوقت و ثاني شي انا وزوجي ممكن نغير خط سير الرحله بأي لحظه يعني
ممكن نكون حاطين فبالنا لاس فيغاس و لما نوصل نيويورك نروح اي مكان ثاني عشان جذي ما حجزنا سكن ول حتى طيران
داخلي لما نوصل هناك ان شالله بالسلامه راح نحجز وانا ودي اكنسل لاس فيغاس بسبة مدة الرحله بس زوجي و ولد
خالي الي يدرس باورلاندو مسوين ضغط مكثف علي و يقولون حرام ما تطوف .

• اهم معلومه لي اهي مدة رحله لاس فيغاس
• عدد ايام الرحله 25 يوم بما ان لاس فيغاس 7 ساعات طيران فالخطة المؤقته راح تطون كالتالي :

نبات ليله بنيويوك و بعدها نطير على لاس فيغاس نقعد فيها 3 ايام و بعدها نروح اورلاندو و نقعد فيها 12 يوم وبعدها
احتمال نروح ميامي كم يوم و بعدها نيويورك و احنا الي رادين انشالله
و ان شالله نثبت على هالخطه المشكله فأن انا وزوجي حيل هايبر مجرد ما نشطب على المكان رحنا على مكان ثاني
و بالنسبة لليسن ان شالله ناويه اطلع و طبعا زوجي بعد
وحبيت اعرف عن الوزن الزايد للامتعه كم كيلو مسموح لشخص و كم عدد القطع المسموح فيها وكم ياخذون للكيلو الزايد
و شكرا جزيلا و الله لا يحرمني منكم و ان شالله ايي اليوم الي ارد لكم فية الجميل

عزيزتي Moon أعتقد إن من الأفضل الحين تحددون بالضبط الأماكن و المناطق الي راح تزورونها و تخلصون حجوزاتكم للطيران الداخلي أو الفنادق .... اذا تبون تكون الرحلة منظمة
و بعدين إنتي ما تحبين الطيران الطويل ..... و تروحين من الكويت إلى نيويورك حوالي 12 ساعة و بعدها تريحين بنيويورك يوم و بعدين تروحين لفيجاس 7 ساعات .... يعني ما يمدي ترتاحون من دوخة الطيارة !
أنا أعتقد إن نجاح أي رحلة يكون في حسن تنظيمها من البداية .... و بعدين أمريكا كبيرة و المسافات بعيدة !
مثل ما قلت لج .... أحسن و أريح طريقة و هم بعد تزورين أكبر عدد ممكن من المناطق ..... ( من نيويورك إلى أورلاندو حوالي 3 ساعات و بعدين إلى سان ديغو بالطيارة و بالسيارة تروحون لفيجاس و بعدها تردون من فيجاس إلى نيويوك حوالي 5 ساعات مو 7 ساعات على الدلتا مباشرة )

تعقدين نحتاح إعادة جدولة للخطه ؟ على العموم مشكورة حبيبتي و ما قصرتي ان شالله بنرتب امورنا عدل و اعطيج الاخبار