كلام الهندي صحيح ابتعد عن السواقين الخاص.. وبالنسبه لي انا جربت سواقين تاكسي صينين في كوالا بصراحه كانوا قمة في الاخلاق ويحبون السوالف.بس سواق صيني شايب قلت له وديني ليك جاردن وانا سالته عن حديقة الطيور قال لي غاليه ماتستاهل بتخسر فلوسك على الفاضي وانا صدقته وبطلت اروح حديقة الطيور ههه شكله الشايب كان بخيل

ان شاء الله نلاقيهم حقين الاخلاق والمحترمين

الله يجزاك خير
فعلا نصحيه مفيده ومهمه جدا
اتمنى لك اجازة سعيدة
وترجعون بالسلامة
وتقبل تحياتي

اكبر غلطه ارتكبتها في ماليزيا وبالتحديد في لنكاوي
ركبت مع تاكسي خاص سياره صغيره من نوع صني لونها ابيض
السواق هندي شافني واقف ع الشارع ابي تاكسي جا وقال ع وين قلت جبل جونورايا
قال اطلع بصراحه انا وقتها مذاكر زين وعارف كل صغيره وكبيره عن ماليزيا وخصوصا التنقلات
انه الواحد مايطلع الا مع التكاسي المرخصة من قبل دولتهم اللي هي الاحمر والازرق
قلت يارجال هي تجربه وخلينا نطلع ومافيني وقت كمان اجلس انتظر تاكسي
المهم الرجال الله لا يوريكم وجهه هندي اسمر وعيونه لونها اصفر
وحاط سلاسل وقلايد المهم يوم طلعت قلت خلني ساكت ولا ابي اهرجه مره
ومن يوم طلعنا الجبل الرجال يعكس المرايا الاماميه اللي عنده ويجلس ينظر نظرات من جد متوحشه وغريبه ويجلس يضحك لوحده ولا احد كلمه
المهم وانا معي زوجتي وطفل 8 اشهر بنص الخط وحنا طالعين للجبل اقوله ارجع خلاص مانبي نطلع
يجلس يضحك ويقول لا ماارجع اقوله اعطيك حقك ارجع يضحك ويقول لا ماارجع قلت ايه طيب هين وخصوصا وقتها ع اذان المغرب تاخرنا مره وماراح اصلا نستمتع بالمناظر ومع نظرات ماتوقف مع المرايا
بصراحه وقتها توحشت جلست افكر واقول ليه مايبي يرجعنا وليه يضحك وينظر نظرات غريب
دخل الظلام علينا وحنا بالخط وماتتخيلون قد ايش كان الطريق مخيف بالليل
ولا وجود لاي سياره بالطريق المهم كانت معي ولاعه وبنفس الوقت هالولاعه تنقلب الى سكين
واجي اقرب منه واقوله انت ماتبي ترجع ليش يقول انا ماني ماليزي مسكين امشي ع كيفك انا هندي والله ماخلص هالكلمه
الا وانا خانقه وحاط السكين ع رقبته ويجلس يصايح والحرمه معي صياح واقوله ارجع يابن الكلب
وامسك الدركسون واوقفه بالقوه وانا خانقه ويقول انت مجنون مجنون ويصايح
اقسم بالله انه رج وينتظف قلت فخاطري والله مافكك لوفيك جنيه بسم الله
والله رجعنا الين الفندق يوم وصلنا اخذت رقم لوحته واخذت رقم الشرطه من الاستقبال
وبلغت عنه جا العسكري واعطيه السالفه ويتشكر ويتعذر عن اللي حصل
بصراحه يا اخوان موقف ما انساه وخاصة انت مع اهلك وطفل
يعني لوما تدخلت فيه بهالوحشيه كان ماندري وش بيصير لنا معاه فوق اعلى قمة جبل في لنكاوي
والوقت متاخر ظلام دامس ولا وجود للسياح بهالوقت
انا طرحت موقفي ابغاه يعم للفائده والحذر من التعامل مع الصينين والهنود
وخليكم ع التكاسي اللي لونها احمر ارخص وتكون مرخصة والازرق ايضا لكنه اغلى بس فيها امان بعد الله
الله يحفضنا ويحفضكم ويبعد عنا وعنكم كل مكروه

يعطيك العافية اخوي ع النصيحة
وبالنسبة لاخوي ابو فيصل قصتك تخوف صراحة كويس انه معاك سكين لو واحد ماعنده شي كان حصل موقف خطير لاسمح الله

1. وعن نفسي ساكتب ...........


2. .. الاغلبيه مننا يملك فضول النظر .. ولانبتسم الا لمن نعرف فقط ...


3. فعلا ابتسم اخي الكريم ..

نقلا عن احد الاقارب ماله شهر من جا من ماليزيا يقول التعامل تغير جدا ... تحس نفسك منبوذ ..
هذا نقلا عن قريبي ..

وعن نفسي ساكتب ...........

.. الاغلبيه مننا يملك فضول النظر .. ولانبتسم الا لمن نعرف فقط ...

حدث لي موقف في ماليزيا من فتره ... وقف عندي تاكسي ( احمر ) انا ظنيته يعتقد اني انتظر توصيله اثاريه يعرض علي امور محرمه .. بصراحه انقهرت وسالته وانا عابس .. هل شكلي يوحي لك باني ابحث عن هذي الامور ... وبنهاية الجمله طلبت منه يتحرك ( go ) على بالي موقف ليموزين بيسمع كلامي .. فقال هذي بلدي وانت ماتأمرني امشي .امشي متى ما ابي .. رديت عليه غريبه اللي اعرف اني بماليزيا وليس بالهند .. كلمه مني كلمه منه .. الجمله اللي رسخك بذهني ..
قال : دام انك ماتبي كان بإمكانك تبتسم وتقول شكرا مابي اللي تعرضه علي ...

فعلا ابتسم اخي الكريم ..

تجد البعض مننا يدخل البلد عافط حواجبه ومركز تركيز تام الين صبصب عرق من جبهته يسترجع كل شي حفظه من تقارير ..
على فكره قد يمر عليك موقف وينزلك ليموزين لو الشارع زحمه .. ممكن يقول لك انزل هنا مقدر اكمل ... الفرق بننزل راضين لاني نفسيا نازل مرتاح وفي بلدي لكن الوضع هناك نبني امور لانعلم صحتها من عدمها باننا مضحوك علينا
سلامي لك وترا ردي مهو على موقفك ..انا تكلمت بالعموم

الحمدالله على سلامتك اخوي ابو فيصل الصراحه قصتك مرعبه لو مكانك كان يوم وصلت الفندق نزلته ودعسته لين يأذن ..
عضو متألق طبعا الابتسامه شي لا بد منه والحمدلله انا شخص دايم الابتسامه بوجهي وذي كانت اول نصحيه من الوالد الله يحفظه لي قبل م اسافر " اهم شي الابتسامه وابني علاقتك معهم يمكن تحتاجهم " والحمدالله ماشيه امووري لكن لابد من امور خارجه عن المألوف