ابوماجد
02-06-2022 - 09:05 pm
السلام عليكم ورحمة الله
أخواني الاحظ في معظم ا لأحيان الأخوة بيذكروا أسماء المطاعم باللغة العربية
فهل هذه أسمائها هناك
وماذا أقول للتاكسي مثلا كمطعم خيمة الصحراء
هذه بعض المطاعم اللي ذكرها اخونا الكريم الوطواط في أحد مواضيعه
أتمنى لو لها مسميات انجليزية أو ماليزية المهم الواحد يعرف كيف ينطقها لسائق التاكسي
@ المطاعم @
أولاً : كوالامبور .
1- مطعم خيمة الصحراء .
ملاحظات : عراقي .. ويتبع له مطعم حي العرب الذي يتميز بالرز المندي .
2- مطعم الطربوش .
ملاحظات : أسعارهم غالية وماعندهم طباخين عرب .
3- المطعم اللبناني .
ملاحظات : مقبلات وسلطات روعة .
4- مطعم الروشة .
ملاحظات : أسعارهم رخيصه .
5- مطعم الأهرامات .
ملاحظات : تحت فندق داربي جديد .
6- مطعم سلوما .
ملاحظات : يوجود به عرض فلكلوري .. وهو تابع لوزارة السايحة .. ويوجد به مركز استعلامات .
7- مطعم البستان .
ملاحظات : لصيق فندق أستانا .
8- المطاعم الهندية .
ثانياً : بينانغ .
1- مطعم علاء الدين .
2- مطعم متعال .
ملاحظات : سوداني .
3- مطعم النخيل .
ملاحظات : خدماتهم غير جيدة .
4- المطاعم الهندية .
ملاحظات : الأرز البرياني ممتاز .
5- مطعم السفينة .
ملاحظات : أسعاره غالية ،، ممتاز .
6- مطعم بلاس .
ملاحظات : يقع أمام مسجد .. والأكل جيد .
ثالثاً : لانكاوي .
1- مطعم التلال .
وإن شاء الله أيضا أكون أفدت بعض الأعضاء ممن لم يطلعوا على هذه المطاعم في مشاركة أخونا الكريم الوطواط
وشاكر لكم تعاونكم
حياك الله اخوي ابو ماجد
عن نفسي ما ابحث الاكل العربي بماليزيا ...وبعدين الاكل
العربي هناك مش ولابد ...البستان اكلت عندهم رز برياني
وطلع طعم وعجبني وقلت والله انكم رهيبين وغيروا الصورة
المشوهة للمطاعم العربية بماليزيا جرب وترى الدنيا اذواق
بعض السواقين ما يعرفون المطاعم بعينها اجل يا طيب اختر
شيء معروف جنب المطعم ...والمطاعم العربية تلقاها ببوكيت
بينتانغ وانت ماشي برجلك وتتمشى بالمنطقة يقابلك المطاعم
وعندك مثلاً البستان جنبه شيء معروف اللي هو فندق استانا
وعندك الاهرامات عند فندق داربي ...اما مثلاً مطعم سلوما
فما اتوقع تاكسي ما يعرفه لأنه تبعهم والاسم مش عربي
وتراه اسم مغنية وممثلة ماليزية تعتبر اسطورة واعطاها
السلطان لقب داتين = ليدي ...وتراه زوجة الممثل والمغني
الماليزي بي رملي اللي سموا شارع بأسمه وهو شارع
البارات والمراقص ...وتراهم مسلمين وكانوا يذكرون الله
رغم ما هم فيه والسلطان الماليزي بعد ما توفي بي رملي
اعطاه لقب ملكي اللي هو ...تان سيري بي رملي .
اما مطاعم بينانغ فتراهم كلهم بمنطقة واحدة وبمربع واحد
وبرجلك تمر عليهم كلهم وتراهم بقرب السوق الليلي ولا تحتاج
لتاكسي ولاغيره .
مطعم التلال بلنكاوي صراحة ما اعرفه .
بعض الكلمات مالها مرادف بالملايو ...الروشة
مثلاً خيمة الصحراء= khemah lapang pasir
ترجمة لفظية ...ممكن تقولها لراعي التاكسي يجي يحسبك
تتريق عليه ....
يصير كوالا شبه محلولة ...سلوما ومعروفة والبستان
وجنب استانا والاهرامات عند داربي والبقية تقدر تلقاهم
بشارعنا ..وبينانغ كلهم جيران وبنفس الخط وتختلف في المسافة .
ويبقى لك التلال بلنكاوي ...وبأستفسار بسيط
من اخونا الوطواط راح يدلك على شيء جنبه يكون معروف
واتحلت المسألة ...
والاكل ان شاء الله ماراح تتعب فيها لأنه اللي بغيته موجود
وربي ييسر امرك ويجعلها رحلة سعيدة ولا تنسى اكل الملايو
والسلام عليكم