http://7ojozat.com/car-rental.php
نسخت الموقع مره ثانيه كانه مايفتح في الاعلى

من ناحية رخيص فهو رخيص
ننتظر احد جرب الموقع
بس مااظن ان فيه فان بالسعر هذا !!

المواقع هذى فيها
الرخص صحيح
بس اهم شي تتاكد من شغلت التامين
وغيرة من هالامور
وفية شركات كثيرة مثل كذا جربوها اعضاء وكانت ممتازة

كم يوم حاجز السياره

بالنسبه لي انا ماأجر الا عن طريق شركه هيرتز
سياره 9 اشخاص مرسيدس قير اتوماتك
تقريبا باليوم 850 ريال تقريبا
شركه ممتازه من جميع النواحي

كل الشكر على الرد
بالنسبه لفترة الايجار 12 يوم
وكل التامينات مظافه
السياره فان مرسيدس 9 اشخاص او ماشابه
يمكن السعر رخيص لان وقت السفر باقي عليه كثير ؟شهر جون القادم.
ودي احجز بس خايف يوهقونن وانا معي الاهل

بالنسبه لهذا الموقع وترافل جيغسو وغيرها من الشركات الوسيطه تبين لك السعر رخيص مقارنة باسعار السيارات في المواقع الرسمية للشركات مثل هيرتز ويوروب كار وسيكست
لكن الفرق هو انه السعر في المواقع الرسميه للشركات شامل للضرائب .. لكن الشركات الوسيطه ماتعطيك السعر بالضرائب ..
اقترح عليك قبل ماتحجز انك تتصل فيهم اما بالايميل او بالهاتف وتتأكد من هالموضوع , لان مافي افضل من انك تتعامل مباشرة مع شركة السيارات بدون وسيط ..
لانه لاقدر الله في حال حصل شيء او حادث او امر ما فانت تضيع بين لامبالاة الشركة الوسيطة وتنصل شركة السيارات بحكم انك تعاملت مع الوسيط لا مع الشركه حتى لو كانت السيارة مؤمنه لكن هناك اجراءات متبعه
كما هو معروف .. فشركة التأمين تحتاج الى جهة تتعامل معها ايضا ..
مايحدث باختصار ان الشركه الوسيطه تتعامل مع شكرات سيارات متعدده وتوفر للعميل عدة اختيارات ..
في هذا الصدد المنطق يقول ان استئجار سيارة مباشرة من شركة السيارات يكون اوفر بالسعر .. وافضل واوثق في التعامل بجميع الحالات ..
وان كان هناك فرق في السعر لصالح الشركه الوسيطه فانه لن يكون الفارق كبير جدا لان كما هو معلوم الشركه الوسيطه لاتضع بالحسبان الضرائب
فيتفاجأ العميل وقت الدفع للشركه بدفع مبالغ اضافيه للضرائب .. اما شركات السيارات المعروفه فانها تضع لك السعر الكلي الذي تدفعه ولاتدفع اي مبلغ اضافي غير ماهو ظاهر لك في الموقع الرسمي

الله يحييك يابومحمد
بالنسبه لمااشرت له من ضرائب وتأمين فأنت محق فيها لازم تكون الشروط متطابقه علشان نقارن السعر ،
وانا الحمدلله عندي خبره بمواضيع التأمين والضرائب من سفراتي السابقه وطابقت الشروط كلها (مايشمله الحجز ، الضرائب) وكل شي وطلع فرق السعر قرابة 30 اقل
.
انا جربت ترافل جغسو 3 مرات ممتازين للغايه وكانت اسعارهم ارخص بس مادري وش صاير لهم السنه هذي رافعين الاسعار
اما تعاملهم واهتمامهم بالعميل جدا رائعه .
اتوقع المواقع هذي تحاول بناء قاعده وتجمع عملاء حتى علشان كذا تنزل في الاسعار.
لي رحله قريبه الى دبي انشالله ابحجز السياره من هالشركه واشوف خدماتهم اذا ممتازين نحجز معهم لرحلة اوربا،،
واذا فيه احد من الاعضاء له تجربه او رأي فلا يبخل علينا،،
وكل عام وانتم بخير ،،،،،ابوعبدالله