نشر في النمسا

موقع الزحليقه الصيفيه في زيلامسي

vetoo-9

10-08-2022 - 12:18 am

السلام عليكم ورحمة الله وبركاتهانا الان في زيلامسي وللاسف مامعي قارمن ماشي ع الخرائط اللي موجوده في الايباد وماخذلتني روعه لكن في الزحليقه الصيفيه خذلتني بقوه وعجزت احصل هالزحليقه رحت امس دورت ولفيت ولا لقيتها ورحت اليوم مع انه مطر بس ابغى احصلها ارتاح نفسياً وبرضه بدون فائده فاتمنى اللي يعرف دربها يوصفني من عند مطعم علاء الدين
واذا فيه اماكن حلوه تستحق الزياره قولوا لي لان باقي لي يومين هنا وشكراً

التعليقات (5)

خليجيه

10-08-2022 - 03:59 am

الزحليقه الصيفيه في الكابرون وهي قريبه من زلامسي

saad algahtani

10-08-2022 - 05:00 am

الاي باد ممتاز ولاكن مايغني عن القارمن. الزحليقه انا ماجربت الى زحليقة سلفدين 15 كلم تقريبا من زيلامسي وفيه زحليقى بعد ماتطلع من زيلامسي وخلي مابرون على يسارك تلقاها قبل ماتتدخل النفق يعني تشوف الزحليقه فوق النفق بس زحليقة كابرون بالذات ماانصح للأطفال وكبار السن يطلعوها بس الي في سلفدين عادي.

وليد الرس

10-08-2022 - 06:01 am

vetoo-9
أسم الزحليقه Maiskogel
موقعها
على مدخل كابرون
حيث يوجد موقف مخصص لها ويبلغ ارتفاع الزحليقه 1544 متر
هذا عنوان المواقف
Kaprun, Einödweg 3 A-5710 Österreich
هذي احداثياتها
N47 16.429
E012 45.441
وهذا موقعها بالأنترنت
http://www.maiskogel.at/en.html
الزحليقه الثانيه
في قرية سالفيدين
Saalfelden
وهذا تقرير يتكلم عنها
https://artravelers.com/p/re/44793

Omar F1

10-08-2022 - 07:02 am

المهم لا احد يرتكب الغلطة الي ارتكبتها, اخذت القطار من سيلامسي لمحطة سالفيدين ونزلت منها ومشيت تقريبا مسافة ساعة مع الكثير من التوقف للتصوير, بصراحة استمتعت في المشي اضعاف متعة الزحليقة.
تنزل من المحطة وتمشي جنوبا خمس دقائق تحصل طريق تقطع منه السكة الحديدية لجهة الغرب, كمل مشي باتجاه الغرب لين يقفل الشارع وخذ يسارك لين تشوف اللوحة الرئيسية, تقريبا 10 دقائق مشي من المدخل للوصول الى التلفريك.

vetoo-9

10-08-2022 - 08:03 am

اشكر الجميع ع التفاعل
وشكر خاص لوليد الرس ع التوضيح وذكر الاسماء بالانجليزي لانني كنت ابحث عنها

النمسا المسافرون العرب

موقع الزحليقه الصيفيه في زيلامسي