لا لاتخاطر ياخ الشريف.نت لانه مافي مجال للمخاطرة عن طريق هذا الموقع واحجز عن طريقه وانتا مرتاح البال والخاطر لان هذا الموقع هو الموقع الرسمي السياحي للندن وهو يعتبر غير ربحي لانه ماياخذ منك اي شيء ابدا. هذا الموقع هو موقعي المفضل وانا على طول ماحجز الى عن طريقهم وكل بداية شهر يرسلونلي ايش النشاطات الموجودة في لندن.
وبالنسبة للاسعار صحيحة مية المية زايد عليها الضريبة ولاتنسى ياخي العزيز بأن تقراء سياسة الالغاء لكي تعرف ايش اللي لك وايش اللي عليك.
وبالنسبة للاشخاص الموجودين في لندن ترى هذا الموقع لهم مكتب في لندن موجود في الليستر سكوير وفيك انك تسأل عن اي شيء وهم راح يساعدوك وبرضوا في الغالب يعطون هدايا تذكارية بعض الاحيان.

و عليكم السلام و رحمة الله و بركاته
أنا شخصيا إستعملت الموقع للحجز لي و لغيري وما كان فيه أي مشاكل و لكن يوجد إحتمال بسيط جدا أنك تحصل سعر أرخص و لكن بفارق كبير إذا تعرف شركات سياحيه بصفة شخصية يعطوك تخفيض فوق العادة
تحياتي

الغالي copilot
يعطيك ألف عافية بصراحه كفيت ووفيت الحين احجز وانا مرتاح البال
ويعطيك ألف عافية على المعلومات الحلوه الخاصة بالغاء الحجز
لك خالص تحياتي
مشرفنا الغالي درجة أعمال
يعطيك ألف عافية مشرفنا وبالنسبة للتخفيضات الاضافية حاليا تكفيني عروضهم ممتازة بصراحه
ولأن هذي أول مرة أروح لندن فماأعرف منها الا اسمها بس ان شاء الله انها تكون رحلة حلوه
خالص تحياتي لك ومشكور على ردك

السلام عليكم
شخص مدح لي الموقع بس ماجربتة
بس لاحظ انة يعطيك فنادق بعيد عن المناطق المركزية.............والفنادق المعروفة اسعارها اقل بشوي بس
ومثل ما قال المشرف انة ثقة الموقع

هلا وغلا أخوي amore187
بالنسبة لي وبما أني عليمي وأول مرة أروح لندن فماتفرق معي واجد وخاصة انه بيكون 4 أيام تقريبامن الاسبوع دراسة وتدريب فما راح تفرق اني اكون قريب من المنطقة المركزية واجد والله يخلي الميترو
حسب ماقريت انه من الاماكن الحلوه للسكن منطقة حول الهايد بارك نسيت أسمها
أهم شي الراحه في السكن والباقي تقربه المواصلات
تحياتي لك

السلام عليكم
طالما انت عليمي خلني اعلمك شوية
منقطة الهايد بارك في كذا منطقة
1-----منطقة ماي فير منطقة ناس بطرانين ............لا تسكن فيها
2--اجور رود مررة حلو ومليان عرب وجنب الهايد بارك
3--اكسفورد ستريت برضوة جنب الهايد بارك وحلو مرة
4--منطقة الي جنب هارودز شوية بعيدة
انت تبي فندق بحدود كم علمني وممكن انصحك بفندق حلو ..........

السلام عليكم ورحمته الله وبركاته
أخي الشريف نت ...........
أسكن في فندق كمبرلند وأنت مغمض ...........بدون وجع راس الفندق هذا جاي بالزاويه ....كورنر.......... بين اجوارود واكسفوورد بالموقابل الهايد بارك ...............
أذا سكنت الفندق راح تدعيلي
وكل عام وانت بخير وتقبل الله طاعتك .............
أخوك النور 96

هلا وغلا أخوي amore187
من جد معلوماتك مفيده لي مرة وكتبتها عندي
يعطيك ألف عافية على هالمعلومات الي وان كنت تشوفها بسيكة الا أنها مهمة مرة بالنسبة لي
بالنسبة للميزانية حقت السكن : من 40 الى 60 باوند كحد أقصى
بالنسبة للمنطقة : أنا عندي دورة في معهد اسمه ليرنينق تري learning tree
كل ماكان السكن قريب له وقريب من الاماكن الحلوه يكون أفضل واشكر لك مقدما هالمعلومات أخوي
هلا وغلا أخوي alnoor96 وكل عام وانت بخير
بالنسبة للكامبرلاند واحد من الشباب سكن فيه ويمدحه بس بصراحه غالي علي شوي
وخاصة أني بجلس حول 22 يوم يعني يبي له ميزانية بلحاله

بالنسبة عن londontown ترى هذا الموقع متصل بمواقع كثير من الفنادق في لندن وعملية البحث تتم عن طريق الامكانية المتاحة للندن تاون. اما من ناحية مواقع الفنادق فأغلبها متمركز في المناطق السياحية والجذابة ولكن بحكم نسبة اشغال الفنادق العالية في لندن والحجز المتأخر يقلص من امكانية الحصول على فنادق في مواقع معروفة.
بالنسبة للسكن ترى صعب ان تحصل سكن جيد بمبلغ 40-60 باوندز اكيد راح تحصل ولكن موذاك الزود. ممكن تحصل B&B بهذا السعر. فيه فنادق ممكن تحصلها بنفس السعر المحدد في Susex Gardens وهذه منطقة متفرعة من الاجور رود بالظبط بعد فندق هيلتون ميتروبول اذا كان خلفك تحصل لوحة على يدك اليمين مكتوب عليها الاسم تلف يمين من عندها راح تحصل الفنادق على اليمين. بالنسبة لي انا ماحب هذه المنطقة ولكن اسعارها رخيصة. ليش ماتحاول تدور على short stay ترى ممكن تحصل شيء كويس وسعر مناسب. بالنسبة للمعهد تراه في وسط لندن وقريب من محطة Euston Station حاول تنسق معاهم بالنسبة للسكن احتمال يفيدونك كثير وبالتوفيق.