السلام عليكم ورحمة الله وبركاته
و عليكم السلام و رحمة الله و بركاته ..
اولا حجزة على الخطوط السعودية في تاريخ 27/01/2012م والاياب في تاريخ 07/2/2012م
الوجهه ان شاء الله الى الجبل .
الاستفسارات:

• وش اللي اخذه معي من هنا.

اذا سؤالك عن الأكل , ممكن تاخذ اغراض الفطور تحديداً ..
و ملابس قطن خفيفه و تدفي ..

• هل اصرف من هنا(الرياض) او بجاكرتا، اصرف دولار او روبيه؟

ممكن تصرف الفين ثلاثه من هنا ..
و الباقي من جاكرتا ..

• ماهو السكن (فلل) المرشح (( للشباب )) ياليت بالصور اذا ممكن.

ابحث عن فلل قريب من البقاله السعوديه ,,
و ممكن تشوف شكرو ..

• ارقام سواقين وخادمات معروفين ومجربين .

هذا موضوع مثبت عن السواقين لأستاذنا ميدان ,,
ان شاء الله يفيدك :
أرقام السائقين فى إندونيسيا

• الاماكن التي تستحق الزياره ؟

كثيره .. و بأمكانك اختيار المناسب بعد الاطلاع على التقارير ..

• هل تكفي ميزانية 2 مليون روبيه لليوم (السكن ، الاكل ، النزهه) او نزيدها (( بغض النظر عن الا .

يعتمد على عدد الاشخاص ..

• هل يلزمني اول ما اوصل جاكرتا اروح للسفاره واسجل عندهم .

يستحسن تسجيل الجواز ,
علماً ان الموضوع ما ياخذ اكثر من 10 دقائق ,,
وممكن تسجلها و انت طالع الجبل ..

• الوصول ان شاء الله راح يكون يوم السبت الساعه 13 يعني الظهر وانا ابي اروح الجبل وش رايكم ؟

صعب الروحه للجبل يوم السبت و الاحد ,, و الطريق يكون شبه مغلق ..
الافضل البقاء في جاكرتا الي صباح الاثنين ..
اسف على كثر اسألتي بس اول مره اروح
اي استفسار آخر .. يسعدنا الرد ..
و بالتوفيق ..
.
.
.

مشكوره اختي ام عزيز
طيب وش تنصحوني فيه اجلس في جاكرتا يوم السبت والاحد وامشي للجبل يوم الاثنين انا تلخبط عندي النظام لان جاكرتا ماهي بالحسبه ولا اعرف فيها شي
الزحام اللي رايحين للجبل مثل خريص :$ »»»» اذا مثل خريص مو مشكله يعني كم الفتره اللي راح نقضيها مع الطريق لاني انا ابي احجز الفله قبل ما امشي فيه واحد من الشباب قدامنا ويضبط لنا الحجز , ودي تعطوني رايكم

اهلا وسهلا بك اخي الكريم
((عشق بدوي))