شيخه اهلها
29-08-2022 - 03:56 am
السلام عليكم ورحمه الله وبركاته هذا اول موضوع لي لاني جديده عندكم واتمني اكون خفيفه ظل عليكم
سافرت بانكوك اول مره ترانزيت قعدت يومين وصكت هوشه كبيره بيني وبين زوجي الله يعطيه العافيه لاتقولون قشره :112:بقولكم ليش عصبت بعدين ؟؟؟؟
والسفره الاساسيه 2004وسكنت فندق مادري شسمه بس الي مثيته انه علي سطره اللاند مارك علي يمينه بداعوس وهذا لغز حلوه
السفره ماانساها ماحييت وحاطه لكم اخواني وخواتي مواقفي عشان تعطوني بق بوش لانه بخاطري اروح بس متخوفه فقلت قصه حياتي كلها
المهم الرحله مدتها 4ايام
الخطوط الكويتية
المسافرون انا وزوجي الغالي
الهدف بدرحه اولي التسوق
تفصيل الرحله ................
شرايكم بالبدايه ؟؟
يعني خبيره بالتقارير
معلش ولا سالفه الصور هذي ماعرفها بالمره بس ماراح تقصروون بتعلموني فضلا لا امرا ....
نرجع لحديثنا
الديره خضرا وحلوه وادري بنطق الحين من عشاق بانكوك
بس بصراحه لي ملاحظاتي الي شفتها بام عيني
الكلاب حشاكم بكل مكان
والعباده الوثنيه شي موطبيعي بكل مكان وبكل وقت
الديره مونظيفه شوارعها بعضها ماتقدرين تمشين فيه
والحلو
طبعا السوق شيء خيال
وهذا السبب عشانه بروح وانا ماشووف الدرب
خصوصا اني تويجره مو تاجره
علي قدي في بيتي
هذا هو حدي
لالالالالا بدعت بصير شاعره
الاسعار رخيصه حيل مقارنه باسواقنا والاغراض متنوعه وجودتها عاليه بالنسبه للصيني صار طق عصي بشارع بيتنا علي الاغراض الي جبت وخلصت وملصت
الاكل طحنا بمطعم هندي بنفس الفندق غويلي بس علينا بالعافيه واختكم طباخه مو اي شيء يجوز لها
اختصار الرحله
1- تهاوشنا مع راعي تاكسي صيني وطلع علينا السكينه بس مامتنا
2- بعد الهوشه دشينا البلو سكاي مجمعهم وانسرق بوكي
3-حولنا الفلوس لبنك ثاني وعلي ماوصلت الفلوس خذت يوم بليله هذا مع المراعاه ان احنا متوهقين
وهذا الي صار لي امحق علوم
طبعا هذا كله لاني ماكنت اعرف هالمنتدي
اتمني انكم تردون بالردود الطيبه لاني للحين معصبه علي هالسفره وقواه باس بسافر ان اله يسر الامور هالصيفيه
واخر شيء :
فزعنا بمعني اخر طقينا وبمعني احري انحشنا
توهقنا بالشحن بالرده
يعطيج العافيه يا قلبي
بالنسبه حق النظافه مو بكل مكان مو بنظيف انا اللي شفته بوكت ننه كل يوم ظافه واهتمام حتى في شاحنات مادري شيسمونهم سيارات الماي ويرشون الشارع كله ينظفونه واام اشوف العصر بعد
بالنسبه للسرقه هذي مو موسرقه او بوقه انسميها هذا اهمال من عندنا احنا وشجعناهم على السرقه مثل اتقوليلهم تعالو سرقو اللي عندي
يعني اهم ما جوكي وقالولج طلهي بوككج او يو فتحو بوكج يا انج تاركته على طاوله او ناسيه وين تركتيه
انا العام تركت التفون التقال على طاوله السوبرماركت ونسيته ورديت الندق تعشيت وبعدين فقدته رحت ادورهطبعا ماراح القاه
المهم بالنسبه للعصابات شعب تايلند اخذيه بالبسمه والضحكه و شعب تايلند مايحب الكلام الوايد والكثير ومايحبون واحد يصرخ عليهم او يحمق عليهم
بالنسبه للبوذا بعد انتي لالالازم تراعين شعور وطبايع وتقاليد الدوله اللي انتي متوجهه لها وانتي عارفه انج رايحه حق دوله مو نفس دولتج بكل شي وتتقبلين الوضع ودامج ماشيه بطريق واهم بطريق خلاص ماعليج شر ان شاءلله
ترككي عن الوسواس والهوس اللي في راسج وبقلبج
وسافري وماعليج اي شر الله الحافظ
بالنسبه للهواش يا قلبي انتي مسافره تغيرين جو وتعيشين ايام وساعات ولحظات جميله وحلوه تغيرين فيها جو ونفسيتكم والروتين اللي انتي عايشه طول السنه
فيجب عليكي تراعين هذا الزوج اللي شايلج على راسه ومسفرج وياه حتى تغروون جو وتعيشون مع بعض احلى الاوقات والساعات والايا
يا قلبي تحاشي الهواش والنجره بالسفر يو م اللي تردين عاد استلمي على كيف كيفج
هاهاهاهاهاه
بعدين يقعدون هالحريم والبنات يبجون ليش الزوج يسافر وماياخذني
لا تلومونه اذا الريال شاف المره الزوجه جذي اكيد يقول بلا عوار راس بلا حنه خليني اشيل حقيبتي واسافر يا بروحي او مع شله الربع
ياروحي تعوذي من ابليس وحجزي تذاكرج وسافري واستانسي وعوضي تعب ونرزه الرحله السابقه وهلا هلا بزوجج
اختك المحبه ليمونة