xdell
20-11-2022 - 12:54 pm
السلام عليكم
ها الموضوع يليت الكل يشارك فيه في المواقف الي تحصل لة من سرقة ولا مرض ولا مشكلة لا سمح اللة وكل حل ها المشكلة عشان غيرة يستفيد من الحلول
اولاَ انا بتكلم عن مشكلة حصلت لصاحبي
كنا في بانكوك في احد الفنادق
صاحبي فاتح الخط ( الشريحة ) تجوال من الكويت يعني الخط كويتي بس فاتحة دولى ( ندري خلصنا )
المهم
صاحبنا شال الخط من تلفونة الدولي وشراء خط تايلندي
اتصل على اخوانه في الكويت يبي يبلغهم انة وصل وهذا رقمة التايلندي اي شي اتصلو عليه
دق عليه اخوة يقول انا بالغلط كنت ادق على رقمك الكويتي ( الي خوينا فاتحة دولي وشايلة في الشنطة )
الرقم يدق بس انت ماترد ودقيت عليك على الرقم التايلندي
صاحبنا شاف الموضوع فية لعب هو شايل الخط الكويتي و حاطة بالشنطة
دور الخط ماحصلة بالشنطة
يدق على رقمة الكويتي يرن بس محد يشيلة
دق على اخوة بالكويت قالة افصل خطي الكويتي وهذا رقم بطاقتي المدنية ( الاحوال )
يوم فصل خطة الكويتي صاحبنا
ردينا الكويت وطلعنا من المطار كشف حساب والمكالمات الصادرة والواردة
مكالمات دولية من تايلند الي جميع انحاء العالم يخرب بيتة تايلندي حقير
الفاتورة 230 دينار
تقريباَ بالسعودي 3000 ريال
فا ياخوان يليت الكل يحرصة على شريحة جوالة لا سافر برة صح حجمها صغير بس وراها مصايب لا ضاعت والمشكلة الارقام الي في الخط روح رد ارقام الناس الي ضاعت
هاذي احد المشاكل الي حصلت لنا ويليت الكل يشارك بمشكلتة والحلول
وفي قصص بعد صارت لنا بس ابي مشاركة وبنذكرها لكم
ويعطيك العافية