- فيه حالتين ما ينطبق عليك نظام المواعيد
السلام عليكم ورحمة الله وبركاته
قدر الله علي ان لا اذهب الى السفاره السويسريه للتقديم على الفيزه سوى اليوم
وهو ما يعني انه بقي على السفر شهر بالتمام والكمال (17 يوليو)
وكانت في ظني مدة كافية لان المعلوم ان الجواز يستغرق 15 يوما وقلت يمكن يكون فيه موعد مدته اسبوع يعني ثلاث اسابيع راح تكون مده كافية (هكذا ظننت)
السبب في تأخري للتقديم هو ظني ان اخذ الموعد يستلزم اكمال كافة المستندات والأوراق وهذا خطأ
رح وخذ موع او اتصل
اللي حصل ان اقرب موعد يوافق يوم 7-7 والمواعيد تمنح بعد عشرين يوم (يعني اللي يروح السبت بيكون موعده 10-7
والجواز يحتاج 15 يوم يعني تكون اقل مده تاخذ فيها موعد 35 يوم (طبعا لو كانت العشرين يوم الممنوحه لك في الموعد نهايتها بتوافق يوم خميس راح يكون موعدك السبت وبالتالي 37 يوم )
الكلام هذا عن الرياض ولا اعلم عن غيرها شيئا
رقم السفارة لحجز المواعيد هو
1تحويله221
الخيارات المتاحه حاليا لمن هم مثلي
الحضور والبقاء في الشمس واذا كان فيه امكانيه تدخل (يعني حجز انتظار) مافيه امكانية تمشي مثل اليوم جلست الى الساعه 11:30 وقال اللي يعطي المواعيد ان القنصل يقول يبي الساعه 12 يكونون مخلصين
فيه حالتين ما ينطبق عليك نظام المواعيد
1- معك خطاب رسمي من احدى السفارات (امامي دخل شخصين بدون مواعيد واحد من السفاره اليمنيه محول وواحد خطاب من السفاره السعودية او وزارة الخارجية السعوديه الشخص هذا يشتغل في احدى السفارات السعوديه بالخارج ودبر نفسه بخطاب الله يوفقه ويسعده )
2- معك واسطه (وتراها تمشي حتى عند السويسرين لا يغرونكم ) فيه واحد عمه يعرف السكرتيره ودخل بدون موعد (الله يسهل علينا وعليه )
اذا فيه خيارات اخرى احد يعرفها لا يبخل علينا بالله
سفري في 17 يوليو وحجزت على الفنادق وقطعت التذاكر (شهر عسل) وشكلي تورطت
اللي ناوي على سويسرا يركض للسفاره ياخذ موعد حتى لو باقي له شهرين لا يتأخر
الخيار البديل والافضل اركب الطياره في رحلة الصباح وقدم اوراقك الساعه 9 صباحا في القنصليه بجده وارجع للرياض بطائرة الساعه 11 صباحا