سلام
بعد ما قرأنا جميع المواضيع الخاصة بصلالة قررنا باذن الله زيارة صلالة هذه السنة في الفترة من 20/7 الى 25/7 او نزيد المدة اكثر لكن هذا تخطيطنا مبدئيا
وانا عشمي في اهل المنتدى واهل صلالة الاصيلين اللي حبيناهم قبل ما نشوفهم من كثر المدح
عندي اسئلة دقيقة ومهمة(انا قرأت كل ما يخص صلالة بالتفصيل في المنتدى ودخلت موقع خريف صلالة ومواقع خطوط الطيران الخليجي) وعندي بعض الاستفسارات اللي اتمنى انكم تجاوبوني عليهابسرعة:
1- قبل كم يوم من السفر لازم احجز فندق او شقة؟وهل لازم ادفع عربون ولا الحجز بالتلفون كفاية وثقة اني ما القاه تكنسل ؟طبعا لن اسكن الهيلتون ولا كراون لان اسعارها في هذا الوقت حسب ما نزل احد الاخوان خيال للغرفة المزدوجة(كراون 903 ريال)(هيلتون 1042)نار:112:
2- قرات اسماء كل الشقق والبعض مدح بعضها لكن في نقطتين مهمة ما احد وضحها وموقع خريف صلالة كمان ما وضحها وهي:1) درجة كل فندق وكل شقق-عدا كراون وهيلتون معروف انها خمس نجوم- لانه مهم جدا نعرف مستوى النظافة وكمان لاتوجد صور لهذه الشقق من الداخل وليس لها مواقع في الانترنت يهمنا اذا حد سكن او اهل صلالة يبينون لنا هذا الشيئ لاني لو اتصلت في كل شقة وسالتهم اكيد بيمدحون نفسهم- وياليت اذا في اسعار لها لاني لو اتصلت هل ممكن يكون في تلاعب يعني يعطيني سعر اغلى من سعرها الاصلي او انه في رقابة على هذه الشقق من ناحية الاسعار
2- الشيء الثاني موقع كل شقق ايضا ما وضحها موقع صلالة(صراحة الموقع بسيط جدا ولا يفي بالغرض) يعني هل صلالة صغيرة لدرجة انه ماتفرق يعني مافي شي بعيد عن الاماكن السياحية او في فرق؟ ايضا يهمني جدا ااطلالة الفندق او الشقة ياليت اذا تطل على البحر او على تلال وجبال خضراء؟ارجوكم وضحوا لنا هذا الشيء قبل مانحجز ونتورط بعدين اذا رحنا ما ابغى اضيع الوقت في تدوير سكن كل قعدتنا اسبوع او اقل ارجوكم يااهل صلالة ما بيساعدنا الا انتم
3- وهو الوصول لها بالطيارة من الرياض ادري انوا الخطوط السعودية تسير رحلات مباشرة الى صلالة لكن سعر التذكرة مو معقول ولا يستاهل فاحنا مقررينا ان شاء الله نروح عن طريق الامارات (الله يخليلنا الخطوط الامارتية الثلاثة ما ادري احنا السعوديين ايش نسوي بدونها اسعار رائعة وخدمات اروع موب زي خطوطنا الحرامية اسعار نار وخدمات عادية جدا)المهم اللي عرفته انوا في خطوط تسير من الامارات الى صلالة وهي: الطيران العماني -العربية للطيران-الاتحاد للطيران(ماعندي خلفية)-طيران الامارات
بعضها دايركت من الامارات الى صلالة وبعضها لازم تمر مسقط بعدين على العمانية تطلع صلالة
بس ماعندي معلومات كافية عن هذا الموضوع وهو موضوع حيوي وضروري نرتبله من الان لان رحلتنا وقت موسم واخاف مانلاقي حجز .السؤال اللي يعرف معلوات اكيدة عن موضوع الطيران الله يخليكم لا يخذلنا وبفيدنا كمان بالاسعار لانها مهمة بالنسبة لنا.(خبركم سعوديين وطفرنا بعد انهيار الاسهم )
على فكرة لاتحسبوني بخيل تراي مسافر كثير دول عربية واسيوية واوروبية
بس هذه السنه ناوينها خليجية والاهم اقتصادية والسبب معروف لدى كل السعوديين