السلام عليكم ...
حياك الله أخوي kingksa ...
ويعطيك العافيه على هالمعلومات الطيبة ...
في البداية أخوي ترتيبك للأيام مره صعب ...
يعني عندك 14 يوم مده ممتازة بس يبيلها توزيع مظبوط ...
وخلني أقترح عليك .....
2 يومين كوالا
بالطائرة
3 لنكاوي
بالطائرة أو بالفيري
3 بينانق
بالسيارة
2 يومين كاميرون ( لأنها أقل من كذا ما ينفع مشوارها بعيد شوي وما يتحمل يوم واحد فقط)
بالسيارة
4 أيام كوالا ( يتخللها يوم لجنتنق تروحون وترجعون في نفس اليوم )
وتقدر تكنسل كاميرون اذا مصر على السكن في جنتنق لأن المدة ما تتحمل أكثر من كذا ... أو تزيد المدة ..
الفنادق كثيرة وممكن نرشحها لك حسب الميزانية ... لكن مبدئياً نقول ...
كوالا أول يومين ( الخيول الذهبية ) أو ( صن واي لاقون )
لنكاوي ( لنكاوي لاقون )
بينانق ( موتيارا )
كاميرون ( إكوتوريال )
كوالا ( ويستن )
الجواب 3:
السفر إلى لنكاوي بالسفينة من بينانق ... بإختصار متعب وانت معك طفل فالأفضل الطائرة في نظري
الجواب 4 :
زخمة الخليجين مع الإجازة الصيفية حقتنا ... يعني شهر 6 أكيد زحمة ...
الجواب 5 :
حديقة الفواكة اللي يتكلمون عنها الشباب تقع في بينانق ....
الجواب 6 :
السوق الصيني بالنسبه لي شخصياً اذا معي عايله ينطبق علي المثل اللي يقول ( إبعد عن الشر وغني له )
الصينيين بشكل عام بالنسبة لي شخصياً ( ما أطيقهم ) لكن الحق يقال إنهم ما يأذوونك اذا ما أذيتهم ... وأحسن طريقة خليك رسمي في تعاملك على طول ...
الأمراض ..... ((( حط في بطنك بطيخه صيفي ))) إن شاء الله ما عندك مشكله من هالناحيه ..
أشياء كثيرة تتميز فيها ماليزيا ... ويكفي إنك تروح أسواقها وراح تلقى اللي يشدك ... لكن اذا كنت تبغى أشياء مميزة ما توجد عندنا ... عليك بالسنترال ماركيت في كوالا أو ليتيل إنديا ( السوق الهندي ) ... أو الأسواق الصينية اللي تلقى فيها تقليد لأشهر الماركات من شنط وساعات وغيره والي ما تفرقها عن الأصلي وبأسعار زهيدة ... بس قلنا لك إبعد عن الشر وغني له .. لكن اذا كان ولا بد روح الصباح ... ( مع العلم إنه فيه عائلات خليجية ما تكتمل سفرتها إلا بزيارة السوق الصيني في كوالا آخر يومين )
طبعاً نسيت أقول إن السوق الصيني حق بينانق أهدى وأأمن نسبياً من حق كوالا ...
وصدقني أفضل ما تتميز فيه ماليزيا شعبها الملاوي وطيبته ... (( يعني لو تقدر تاخذ لك واحد تحطه معك في الشنطة ))....
بالتوفيق إن شاء الله ...
واذا نسيت شي ذكرني ....

يعطيك العافية أخوي kingksa على المعلومات الشاملة والجيدة ....
أعتقد ما أقدر أرد بعد أبوميسم لأنه كفّى ووفى وأنا أشاركه الرأي.....

.
.
هههاي
حلوة آخذ واحد معاي بالشنطة
حبيب قلبي كفّيت ووفيّت ماخليت شي تسلملي والله ابو ميسم
لكن قلت إلى لنكاوي بالطائرة .. .... أنا زين أتحمل الوصول إلى ماليزيا بالطائرة (( أخوك يخاف ولو في تكسي يروح ماليزيا كان أختاره )
ما أدري وش فيها السفينة ؟؟!!
عموما
يعطيك ألف عافيه يا قلبي وبأنتظار آراء البقية
مانستغني عن الجميع
.
.

أخوي kingksa
الفيري أو ( العبارة ) بالعربي مشكلتها (( دوار البحر )) والغثا اللي تسببه ... وتاخذ حول الساعتين وانت ما وصلت ... بينما في الطائرة بدون مبالغة 15 دقيقة في الجو فقط ... وما تدري إلا وانت في بينانق ...

.
.
أخوي الغالي fast
لا يابعد قلبي .. أذا في أي شئ ودك تضيفه كمساعدة لنا أحنا يا أخوانك
بكون ممنون لك ياغالي ..
لأنو بيني وبينك ... أول مرة أسافر خارج الحدود الخليجية ..
وأحتمال كبير ناسي أشياء أو معلومات ممكن تفيدني وتفيد كل واحد وده يسافر ماليزيا ..
تحيتي وأحترامي
.
.

.
.
.
يستر عرضك أخوي ابا ميسم ...
غريبه مافي ردة فعل من عشاق ماليزيا
.
.

مشكور على المجهود الرائع
تحياتي

.
.
حضورك أستاذي الوطواط هو الأروع
أنا متابع لأغلب مواضيعك الجميله
أتمنى فضلاً وليس أمراً أن ت ف ت ي ن ي ... بنصائحك القيمة
لا خلا ولا عدم
.
.

اقدم لك اخي( كنق سا)انت قلت انه برفقتك طفلة صغيرة بهذا السن .......
خذها نصيحة مني عن مجرب وقد عانيت كثيرا وكثيرا من سفرتي الماضية حينما سافرت معنا ابنتي الصغيرة لأن ماليزيا يكون بها الشلالات والجبال والمناطق المرتفعة التي يصعب عليك حملها معك او وضعها في عربية هذا من غير ( الشقاوه) حقة الاطفال الله يحفظهم وانت بالعربي يادوب تشيل نفسك من متاعب الصعود لأن بعض الشلالات يكون الصعود لها ب400 درجة فقلي بربك ماذا تصنع او تختصرها وتترك تلك الشلالات بجمالها....
وبالعربي هي والله ما تدري عن هذه السفرة بحكم صغرها .... يعني شقا على الفاضي