اغلب شركات الطيران في العالم يسوون برنامج ولاء للعميل
Loyalty Program
الهدف منه ان الشخص يسافر كثير على هالشركة، ومن ناحية ثانية انهم يكافئون الاشخاص اللي يسافرون دائماً
وعضوية البرنامج تكون مجانية
الشخص اللي يستفيد هو الشخص اللي يسافر دائماً (اكثر من 3 مرات في السنة)
في الكثير من الشركات اصلا يلغون العضوية لو شخص ما سافر لمدة سنة او سنتين
من الآخر .. لا ما راح تستفيدين لو ماتسافرين كثير

ما راح تستفيد الا اذا كنت تسافر درجه اولي دولي ولا تروح لامريكا وشرط تمكون مو تكت مخفض ولا حكومي
علي الاقل تقدر ترقيها الي الفضيه
ولا رحلات قريبه من جنبها نظامهم

اجل ماراح نستفيد منهاا

ما قصرتوا اتضحت الصورة.....

البرنامج دوليا يسمى frequent flyer program -FFP
وهو يعني المسافر كثير الاسفار
الاستفادة الاولية منه انك تحصل على 10 كيلو اضافية على كل رحلة تسافر فيها
فلو كان مسموح لك ب25 كيلو تصبح 35 كيلو بمجرد ابراز بطاقتك ولو كانت اقل فئة
الفئة الادنى هي الزرقاء ولايوجد فيها حد ادنى للرحلات

أكثر وأكبر فائدة منها عشرة كيلو زيادة في رحلاتك
بكل صراحة استفدت منها في رحلتي لماليزيا كنت أنا والمدام معنا بطاقة الفرسان ومشو لنا 24 كيلو مجانا وإلا لو مامعي بطاقة الفرسان كان دفعت 2650 ريال ...
لكن الغبنة اللي تضيق الصدر رحت إلى لندن مرتين خلال 2010 ما عطوني إلا 2550 نقطة فقط وإذا كنت تبي رحلة دولية لازم تجمع 50000 نقطة ..
بينما رحت إلى لندن على الخطوط الإمارتية مرة وحدة وعطوني 7500 نقطة و وإذا جمعت 15000 تجيك تذكرة مجانية لدبي ..
^
^
^
هذا كامثال فقط
شف كيف الفرق ...

بالنسبة لي ارى ان فائدتها فقط في زيادة كيلوات الحقائب + تأكيد الانتظار غالباً
نظامهم غثيث مثلا تذكره هونج كونج لو تاخذها بمبلغها الاعلى اعتقد بحدود 4000 يجيك 8000 ميل تقريبا
بينما لو تاخذها بمبلغها الادنى تقريبا 2500 يجيك 800 ميل يعني يجيك 10% من الاميال وتوفر
بينما لو تروح لجده وترجع ب 280 يجيك تقريبا 1000 ميل احس فيها خبصه لكن فائدتها للاغلبيه الكيلوات وتأكيد الحجز فقط