مرحبا أخوي ..
بالنسبة لمنطقة العدلية .. الشارع اللي موجود فيه المطاعم والكوفي شوبات أسمه الشيراوي ..
وأهو يصير في المنطقة المقابلة لمسجد الفاتح وخلف فندق الخليج ..
تقاطع مسجد الفاتح .. تلف على فندق الخليج كأنك داخل على فندق الخليج وتمشي سيدة وراح تلاقي إشارة طوفها لين ما تجيك إشارة ثانية لف عليها U تيرن وأول لفة لفها وهذا أهو الشارع وراح تجوف الزحمة يعني أهو الشارع .. وراح أشرح لك بالخريطة وان شاء الله يكون شرحي واضح ..
وهذي صور أتمنى أنها تكون واضحة ومفهومة ..
هذي صورة تبين لك الوقع من مجمع الستي سنتر ومجمع السيف ومن أيضاً شارع المعارض

وهذي صورة مقربة أكثر وتبين لك الموقع بالضبط من مسجد الفاتح

وهذي صورة توضح أيضاً شارع الشيراوي للمطاعم الوكفي شوبات وأيضاً أرض المرح وهي ليست بعيدة عن شارع المطاعم مجرد 5 دقائق

وإذا لديك أي سؤال أو أي استفسار ترى أنه حاضر لك يا أخوي ..
وحياك الله يا أخوي .. وأهلاً وسهلاً بكم ..
وتقبل مروري ..

يستر عليك ربي دنيا وآخره أخوي بوراشد
الحقيقه كفيت ووفيت وبيض الله وجهك

ممكن استفسار اخوي يا ليت تشرح من الي جاي من جسر الملك فهد للعدلية والجفير..وايش هذي ارض المرح,,مشكور وعساك من العيدين السعيدين

آمين يارب العالمين ..
هذي واجبنا يا أخوي .. وأحنا حاضرين لكم يا أخوي ..
وأنتو أخوانا وأهلنا ولازم نساعدكم ونوقف وياكم ..
وحياكم الله في بلدكم الثاني البحرين .. وأهلاً وسهلاً فيكم ..