bharbi
30-08-2022 - 07:32 pm
اخواني الاعزاء بعد التحية / ارجو فزعتكم ونصائحكم ...
ارغب بالذهاب الى سوريا لمدة عشرة ايام ولاكن بالمواصفات التالية.( طرار ويتشرط)
1- اقامة في مصيف يكون خلاب الطبييعة
2- يكون قريب من دمشق لااريد ان اسافر له ذهاباً واياباً لذلك يبدو انني سوف اكسنل مقترح مشتى حلو البعيد عن دمشق لاني سوف اسافر بالطيارة وليس بالسيارة
3- السفره فقط انا وام الذهب المدام تجديد شهر عسل والميزانية على قدنا قل كله مع سكن وتذاكر عشرة ايام اثنى عشر الف ريال ( لاوالله الا شحدتو هناك يالجحلط )
4- ماذا تقترحون الزبداني او صلنفة واو بلودان وكم تبعد كل منها عن دمشق مشتى حلو لوكانت قريبه اخ بس لانها عن دمشق اكثر من 200 كيلو
5- ارغب بالسكن في فندق غرفة فقط لي اناوالمعزبه ( الله يطول عمرها) لايزيد سعرها عن 300 ريال
6- كيف ادبر نفسن بالمواصلات هناك يعني اخذ شوفير مع تكسي باليوم وكم يكلف .. ارجو النصح
7 - اللي يجاوبني ويفيدني يعطيني رقم حسابه واعطيه ريال ...........باي ابو ريال
شكلك فعلا بدون ام الذهب ( المدام ) دنياك ظلام وما ألومك
وبعدين موضوعك المفروض تكتبه بقسم الإستفسارات اللي فوق هالقسم ليه كاتبه هون
اول باشتان
محشوم .. وابد تشرط زي ما بدك بس على قد فلوسك
وعلى قولة المثل
اذا جيت تنام خل البطانية على قد رجليك مشان ما تبرد
ثاني باشتان
الإقامة والسكن
اجل تبي تصيف بمصيف
بما انك جاي بالطيارة اقرب وانسب شيء هما الزبداني وبلودان حوالي 45 كلم
ثالث باشتان
المصروف يعتمد عليكم وعلى نوعية
السكن .. المعيشة .. التسوق .. التكاسي
ولا تنسى ان الأسعار ارتفعت وطارت وصارت بالعلالي
واعتقد ان المبلغ اللي كتبته ما يكفيكم وخاصة ان التذاكر دخلت من ظمن الميزانية
وايضا التسوق والتبضع هذا لوحده يبيله ميزانية
وتعرف الحريم ما شاء الله عليهن يمشن بالأسواق وكل ما عجبهن شيء اشتروه
تبي الصراحة يبيلك تزيد من ميزانية الرحلة شوي والزود ولا النقص
وبعدين هذي رحلة عسل لا تصير بخيل على المدام والمفروض انك تدلعها وتكشخ قدامها
رابع باشتان
الزبداني وبلوداني بجنب بعض وما هن بعيدات عن الشام
اما صلنفة فهي بعد اللاذقية وتبعد عن الشام اكثر من 400 كلم
يعني يبيلك سيارة
وبعدين انت ما تبي تبعد عن الشام
خامس باشتان
انا خبرتي قليلة بالفنادق لأني زمان ما سكنت في فندق ومطلقهن بالثلاث
والسعر اللي طلبته ممكن يسكنك فندق 3 نجوم مو اكثر
واللي اعرفه واسمع عنه ان الكثير يمدحون هالفنادق
الماجد
القصر الفرنسي
وممكن الإخوان يفيدونك اكثر مني
سادس باشتان
بالنسبة للتنقل عندك التكسي افضل وارخص شيء
واذا مشاويركم كثيرة الأفضل انك تتفق مع واحد باليومية عاد انت وشطارتك
سابع باشتان
بالنسبة لريالك
يقولون خبي ريالك الأبيض ليومك الأسود
وان شاء الله ما نشوف ولا تشوف يوم اسود
ومع ذلك اذا كنت مصمم وملزم ومعزم تدفع هالريال
انا عندي لك رأي حلو ولا هو بعيد اقصد انه على طريقك
اذا جيت المطار عطهم الريال يمكن يشترون فيه طيارة تخفف شوي من الزحمة
ثامن باشتان
اتمنى لكما رحلة عسلية سعيدة وممتعة وموفقة