السفر من نيويورك الي لوس انجلس ياخذ 44 ساعة بدون توقف.....(حسب قوقل ماب ) يعني مع الوقفات للراحة والاكل بيصير 52 ساعة تقريبا......اذا كل يوم ناوين تسوقون 12 ساعه توصلون بعد 4 ايام ونص تقريبا.....
الفكرة جداً حلوة خاصة أنكم 5 شباب .....وهي فرصة تشوفون فيها امريكا....لاكن لازم يكون عندكم وقت كافي وماتضيع الاجازة بالسواقة...اذا سفرتكم كلها 20 يوم فحرام تضيعون 4 ايام بالسيارة! ممكن بعد نيويورك تطيرون الي سان فرانسيسكو وتاجرون سيارة الي لوس انجلس وسان دييغو ولآس فيقاس
كم المدة الاجمالية لرحلتكم؟؟ بعد لوس انجلس بترجعون بالطائرة الي نيويورك؟؟كم اعماركم؟؟

مشكور اخوي خبير امريكا على رايك ف الموظوع....
نحن ناوين نسافر انشالله ع تاريخ 19 اغسطس (يوم العيد باليل باذن الله) و الرجوع بيكون تاريخ 10 سبتمبر كحد اقصى - يعني 21 يوم باظبط اذا لغينا يوم بالروحه و يوم بالرجعه.
صح 4 يام بتظيع في الدرب . بس ترا الدرب بروحه متعه و مغامرة يعني ما بيظيع عالفاظي.
اعمارنا من 25 الى 30 سنه.
مشكور مرة ثانيه

ردا على سؤالك, الروحه بتكون دبي-لندن-نيويورك و الرجعه لوس انجلس-لندن-دبي (برتش ايرويز)

راي الشخصي زي ما تفضل الاخ العزيز...حرام تضيعوا 4 ايام سياقة... انتون راح تقطعوا امريكا من شمال شرق تقريبا الى جنوب غرب..
نصيحتي انكم تاخدوا طيارة الى كاليفورنيا او لاس فيقاس وتتنقولوا بالسيارة بين سان فرانسيسكوا ولوس انجلس وسان ديقو ولاس فيقاس
بس نهاية الامر راجع اليكم
وبالتوفيق

اذا 12 ساعة باليوم سواقة و 8 ساعات علي الاقل نوم ، هذي 20 ساعة الباقي فقط 4 ساعات للاكل واستكشاف المدن..!!
السواقة بصراحة في امريكا متعه..خاصة أنكم شباب...لاكن احس ان حرام تضيعون 4 ايام...
اذا قررتوا علي شي .ممكن نساعدكم باختيار المدن اللي تباتون فيها..

الفكرة جميلة .. ولكن هل تستطيعون تمديد الرحلة 4 أيام وتعويض رحلة الطريق.. لانها ستكون ممتعة خاصةَ أنكم شباب..
والحقيقة التجربة فريدة علي الأقل في المنتدي لم يسبق ان كان هناك تقرير رحلة من اقصي الشرق ألي أقصي الغرب والمرور علي كل ولايات الوسط..
رحلة شيقة تستحق التجربة...
ولو كنتم لاتستطيعون تمديد الرحلة 4 ايام..
و بما انكم شباب فنيويورك يكفيها يوم واحد لزيارة تمثال الحرية والتايم سكوير وامباير ستيت وخلاص هذا كل مافي نيويورك ومباشرة انطلقو لرحلة الطريق للاس فيغاس اولاَ لانها ستكون قبل كاليفورنيا ومن ثم اختمو رحلتكم في لوس انجلوس..

ماقصرو الاخوان
اخوي والله تعب عليكم ،، اخبر من سنتين لقيت اماراتيين اثنين متسآجرين موستنق وجايين عليها من نيويورك الى لوس انجلوس ، واخر محطه لهم كانت سان دييغو ، بس هذولا رحلتهم يوم !!
واسالهم عن الرحله قالولي حلوه بس والله تعب وارهاق مع انهم يسوقون ساعات يومياً للقرى والمدن الغير مهمه ، اما المدن الكبيره كانو يعطونها حقها ، قعدو ليالي في لوس انجلوس مابين شمال وجنوب
ف امريكا فرق ترا عن اوروبا اذا انتو متعودين عليها
والراي الاخير لكم والله يوفقكم

1. والله راح تتعبو يا خوي من السواقة

والله راح تتعبو يا خوي من السواقة

على فكرة نصيحة مجرب , السواقة ممتعة في امريكا في النهار بس, اما في الليل راح تملو لان ظلام الهاي وي ما راح تشوف شي, طبعا احلى شي الى الرحلات بالسيارة هو في الصيف لان النهار طويل في اكثر الولايات الى الساعه تسعه او تسعه ونص , اما هالايام ما تجي الساعه خمسه ونص او سته الا الدنيا ظلام وهذا في المناطق الا راح تمرو فيها في وسط امريكا , طبعا خلي في بالك انكم راح تتعبو من السواقة وراح تنامو يوم كامل بعد ما توصلو لوس انجلس غير الوقت الا راح تضيعوه في الخط, واسعار الفنادق الا قريبه من الهاي وي تقريبا كانك في الداون تاون في مدينة كبيرة , يعني تحصل الفندق ابو ثلاث نجمات ب 100 دولار في اليله على الهاي وي واحسب كم ليلة راح تنامو, لو تاخذو طيران راح يكون اريح لكم بكثير , وهالايام في عواصف ثلجية في بعض المناطق في وسط امريكا , يعني لازم تكون متعود تسوق في الثلج , انا نصيحتي اذا موب متعودين على السواقة في الثلج لا تسوقوا , شهر مارش اوقات تنزل ثلوج ثقيله في وسط امريكا
لو تسووها في كالفورنيا راح تكون حلوه السواقة لان جو كالفورنيا ممتع مثل ما ذكرو لكم الاخوان تقدرو تسوقو من لوس انجلوس الى سان فرانسيسكو او سان دييغو وراح تكون عندكم محطات حلوه توقفو فيها على البحر

اطلع من نيويورك إلى دنفر بطياره ،،
ومن دنفر أطلع إلى لوس أنجلوس بالسياره وخذها تمشيه بالطريق ،،
على الأقل تكون قطعت نص مسافة ( نيويورك لوس انجلوس )