هلابك اخوي
نعم انا استاجرت سياره عن طريق النت من عند شركه alamo واعطوني رقم الحجز
واخذت برنت للحجز معاي وهناك في المطار اعطيتهم الحجز واعطوني المفتاح طبعا طلبو مني كردت كارد وهي لازم تكون معاك لان بدونها ماراح يعطونك السياره ودقايق ويعطونك المفتاح
وبالنسبه للسواقه مثل شرب الماء سهله جدا بس لازم تتقيد بالسرعه المحدده على الطريق
واتمنى اني افدتك ولو ببعض الشي
تحيتي

بالنسبة للقياده في النمسا وأوربا بالذات سهله جداً وممتعه ...
بخصوص السياره الي تبيها :-
ماهي ميزانية السياره ومدة أيام الإستئجار
هل لديك السعر المحدد (حد اقصى أو اقل من ) ؟
مانوع القياده تفضل .. اوتو - عادي
البنزين أو الديزل ؟
مكان وصولك .. مطار فيينا او ميونخ ؟
والعوده نفس مكان الوصول ؟
عشان اقدر اساعدك

اخي the11use الف شكر على هالمعلومة وتسلم يالغالي
اخي EISse والشكر موصول لك يالغالي على الرد السريع والوافي ياخوي يعني مالي حد بس احب اعرف يعني الاسعار للسياارات الفئة الصغيرة واخوي هل فيه فرق بين البنزين والديزل ارجو توضيحه اذا كان هناك فرق بالسعر والقيادة
اما بالنسبة اني افضل انا الصراحه الاوتو وعادي لو صارت ديزل اذا كان ارخص بفرق وشكرا لك
اما بلد الوصول هو فينا وايضا العوده ستكون بعد من فينا

البارق2004
بالضبط اخووي الديزل اوفر وارخص مقارنة بالبنزين بأوروبا فأنه سعره غالي والديزل ارخص ...
هذه سيارات من الفئه الي تبيها حصلتها لك من موقع يوروب كار.. مادري كم يوم تبي بالضبط لكن حسبت لك اسبوعين 14 يوم ... !

VW FOX
السعر 362 دينار كويتي لمدة 14 يوم مع جهاز الملاحه GPS
يعني تقريبا سعرها بالريال السعودي 5100
اتمنى اني قدرت افيدك .. بس نصيحة لك اذا تبي سيارات زينه وشغلهم مضبوط
سيكست http://www.SIXT.COM
لك اطيب التحيات

شكرا للاخوان على المعلومات المفيدة
بس حبيت أوضح ان استئجار السيارة من المطار أغلى من استئجارها من المدينة لأنه فيه ضريبه على السيارات اللي في المطار .
مثلا السيارة اللي جابها أخونا EISse مشكورا سعرها في المطار 310 ريال يوميا بينما سعرها في وسط فينا 270 ريال......
النقطة الثانية بالنسبة لاختيارك بين البنزين والديزل . الديزل هو المطلوب مو علشان السعر فقط لأن السعر هناك متقارب بين الديزل والبنزين لكن علشان الديزل يقطع لك مسافة أكبر من الكيلوميترات وبالتالي هو الاوفر لك لكن المشكلة انهم ما يضمنون لك السيارة بالديزل يعني انت تطلب ويمكن تجي ويمكن لا ....
بالنسبة لشركة alamo هي الارخص بين شركات التأجير لكن مشكلتها مثل ما يقول بعض الاخوان ان صيانتهم مو كويسة يعني لو تخرب السيارة يقولون لك صلحها وجب الفواتير والله يعينك على صناعية فيينا ....
أفضل شركة ممكن أنصحك فيها هي شركة يوروب كار http://www2.europcar.com
أتمنى اني أفدتك وبالتوفيق للجميع

إخواني أنا حجزت على شركة Alamo
ومثل ماقلتو إنها من الأرخص بس ودي أسأل هل أتوكل على الله وأخذ سيارتهم وإلا أشوف شركة ثانية
بصراحة إحترت بين كلام the11us و GreenMile
بإنتظار ردوكم

اخوي قولدن
بصراحه انا ماصار عندي مشكله مع السياره وكان كل شي عسل
وترى سياراتهم جديده
والخيار لك اخوي
سفره سعيده

مشكور أخوي the11us
طيب بسألك أنا الحين عملت حجز وأرسلو لي إيميل إن طلبي تحت التنفيذ وأمس أرسلت لهم إيميل أطلب فيه كرسي للطفل ونظام ملاحي وكان ردهم إن للحين ما حصلنا سيارة على طلبك وبيني وبينك سفري بعد أسبوعين تقريبا من الحين وودي أستأجر من الحين لأن بعض مواقع الشركات Dealer لقيت إن السيارات الإقتصادية تقريباً غير متوفرة ..
بس عملت من شركة Avis وطبعاً الدفع عندهم وقت الوصول و أسعارهم شوي أغلى من الشركة المذكورة
إذا ماعليك أمر إذا تقدر تعطيني المزيد من المعلومات عن تجربتك لسيارة الشركة المذكورة
لك جزيل الشكر مقدماً