هلا ومرحبا وحياك
أفضل وسيله أكيد هي السياره على خيارات أخرى متوفره وهي الباص السياحي والقطار ؛ السياره لأنها
تعطيك كامل الحريه بالتنقل داخل غرناطه ولاتربطك ببرنامج الباص والقروب أضف على ذلك قرب غرناطه
من ملقا الذي يقارب 127 كلم .
دمت بود.

الله يجزاك خير
وش لون بالسيارة ، خاصة واني بوصل مطار ملقا الساعة 4 عصرا هل هناك سيارات (تاكسي) من المطار او من مكان اخر ارجو ان تنصحوني لاني ما اعرف وش افضل طريقة ؟؟

فيه مكاتب موجوده في مطار ملقا وأسعارها مناسبه جدا؛ واذا خايف تضيع أركب تاكسي ولما توصل
ماربيا المكاتب اللي تأجر كثيره وترى أسبانيا بلد غير معقد بالأجراءات والطرقات سهله وواضحه
ومرقمه تجعل حتى اللي مايعرف أنجليزي تسهل عليه الأمور بس ياخذ خريطه من الفندق ويحدد المكان
اللي يبيه على الخريطه ويشوف رقم الطريق ويشغل شريط فيروز
( حالي تعبان ياليلى ** حب مافيش
إنت غنيه ياليلى ** وإحنا دراويش)
بظرف ساعه ونص إلا وإنت بقصر الحمراء العظيم والمزاج حده بيكون أندلسي .

يعني ما فيه امل اركب من ملقا الى غرناطة تاكسي او وسيلة اخرى

لاتقدر مو من ملقا بس من ماربيا بعد ومن فندقك إذا حبيت هناك مكاتب لها عروض سياحيه موجوده عند
كل الفنادق وباصاتهم مكيفه وموديل السنه بس يربطونك بالبرنامج وأعتقد أنه برنامج ممتع وسعره رخيص
بس انا عطيتك خيار السياره لأني توقعت انك مغامر.
دمت بود.

الاخ الاندلسي ،، الله يرحم والديك ويغفر للك ويوفقك
تعرف فندق محترم في ملقا عشان انحش من عنده الى غرناطه لان اخوك مو مغامر ،،