شوف
في مطار هيثرو اتشوف لافته مكتوب عليها train or heathrow express اوكي! تاخذ تذكرة اتوقع ب ونص للدرجة العادية وعشرين للاولى
اخذ العادية الدرجة الاولى مافيها شي زود
المهم القطار يوديك محطة paddington خلال ربع ساعة
اهني تاخذ tube على خط بيكرلوو البني - شوف خريطة ال tube - ولما توصل محطة oxford circus اتغير خط الرحلة من بيكرلوو الى سينترال اللي لونه احمر وتنزل في Holborn هالمحطة اقرب شي ل russel square
بس اذا عندك وايد جناط ولوية اتوقع تاكسي من بادنغتون لرسل سكوير وايد اسهلك من شيلة الجناط خصوصا انه الاندرقراوند مافيه ليفت
وبعدين عزيزي هذا موقع تقدر تستخدمه طول فترة اقامتك هناك ويسهل عليك طريقة الانتقال سواء باص او قطار
http://journeyplanner.tfl.gov.uk/user/XSLT_TRIP_REQUEST2?language=en
بطاقة الاويستر تقدر تاخذها من محطات الاندرقراوند وتعبيها حسب المدة اللي بتقعدها
مثلا لو بتقعد اسبوع اتعبيها 22 باوند وجذي
رحلة سعيدة

توني جيكت على سعر الدرجة العادية
اطلعت ب 16 ونص :$
هذا الموقع https://www.heathrowexpress.com/content.asp?SID={9F888879-B127-45D0-BCBB-2CCFB78B5B6B}&pageid=30 تقدر تحجز اونلاين

يعطيك الف الف عافية وجعله في ميزان حسناتك شرح واضح جدا .. وبالنسبة للعفش ابشرك ما عندي شي غير شنطة وحدة و لا عندي اطفال .
الف شكر .

هلا وغلا
أخوي تاخذ قطار بيكاديلي هو يوقف المحطه المطلوبه
ويعطيك العافيهِ

مشكورة الغالية بس تراني رجعت من زمان ونا اختك