خليك مع العالم اللي قدامك لين تختمين الجواز
وبعدها للسير تاخذين شنطتك ومع الباب .. وبتحصلين
السيارات قدامك ... ولو تقولين لنا متى رحلتك نحط لك كمن سيارة من الطيارة على الفندق على طوول
.. عذبووب وش ذا السؤال ....
التعقيد فقط في مطاار اورلي ... والا شارلي ديغوول .. مثلة مثل اي مطاار ...
نزول من الطيارة .. تختيم جوازات ... تشيلين الشنطة .. تطلعين للباب .. تركبين سيارة
توصلين للفندق ........... وبس

الله يستر يمكن بعد مايكون المطار شارديقول يمكن اورلي
انا على طيران الخليج تتوقع وين بيكون شارديقول ولا اورلي

على الغالب بيكوون شارلي ديغول

اذا كان عددكم كبير وعدد الشنط كثير فأنصحك خذ الباص تبع Air France يشيل أي عدد شنط معاك ويطلع من شارل ديجول مباشرة الى باريس يمر أولا على أول محطة عند الكونكورد لا فاييت ثم يتجه مباشرة الى المحطة التالية عند قوس النصر مباشرة هناك أنزل وخذلك تاكسي اذا فندقك بعيد .... على فكرة ترا باص الفرنسية يوصلك بسعر رمزي والأطفال 4 سنوات وتحت مجانا .... ولا فيه أي تأخير .... لأنك اذا كان معاك عدد شنط كثيرة فراح تضطر تآخذ 2 تاكسي !!!!! .
تحياتي ولأي استفسار فأنا حاضر .
أخوك/أبوتركي

اخ خالد
لو وصلنا الباص الى قوس النصر راح نلقى سيارة بسهوله ولا أخاف نجلس ننتظر وحنا واصلين وتعبانين يعني ماتحس انها حوسة شوي ولا عادي
خصوصا اذا كان وقت الرحله متأخر

عند محطة قوس النصر الذي يتوقف فيها الباص ستجدون موقف لسيارات التاكسي بتاخذكم للفندق بس إذا فندقكم قريب ما راح يرضون (عن تجربه) ............ وأنتوا عا تفاهموا معاهم ......... يعني عطوهم زود بالسعر
وإذا شنطكم كثيره أحسن شي أن تخلون مكتب السفريات يرتب لكم باص أو فان يوصلكم من المطار للفندق

يعني احس بنتمرمط اذا نزلو عفشنا عند قوس النصر
احس التاكسي احسن بس بكم عشان ما ينصبون علينا

احسبي حسابك على 50 يورو تقريبا ............. وعلى حسب حجم السياره ........... يعني الفان بيكون أكثر ...........

الاجراءات جدا سهله يمكن يصير شوي تاخير من كثر المسافرين تملي ورقة دخول بعدين الجوازات بعدين لشناط بعدين بوابة رقم 18 اذا ما نسيت بعدين تاكسي بخمسين يورو تقريبا لوسط باريس ورحله موفقه