اهلا اختي... اللي فهمته من سؤالك حابة تروحين من مطار البحرين الى الدمام مطار الملك فهد
لان مافيه مطار بالخبر هذه كان سابقا
عموما تقدر تستاجر سيارة كبيره مثل السوبر ولااحدد اسم بعينه ولكن ان تكون سيارة كبيره لكي تشيل عدد كبير
وشكرا

مشكور اخوي عبدالعزيز واسعدني انك اهتميت بالموضوع ورديت علي باللي تعرفه
وكل الشكر لجميع الاخوان اللي قرو الموضوع .. واكيد لو كان عندهم اجابه لردو على الموضوع
انا قصدي بسافر من الكويت الى البحرين لكن وجهتي مو البحرين وجهتي الخبر
وحجزت عالبحرين لان اخر يوم ابي اقعد في البحرين جم ساعه
وبعد لان مالقيت حجوزات للدمام الا باوقات ماتناسبني
واللي عنده معرفه او علم بالموضوع ياليت مايبخل علي
شلون اروح من البحرين الى الخبر بالسياره ؟
هل توجد شركه نقل معينه ؟
او افراد اضبط معاهم الموضوع من الان ؟
ام ان العمليه سايبه مثل التاكسي .. اتفق مع الاشخاص الموجودين وبس ؟
انا ابي حجز لان معي اطفال صغار مايتحملون الوقفه مده طويله

مرحبا فيكي أخت نموره و من ناحية التوصيل من مطار البحرين للخبر لا تشيلي هم ، لأنه عند خروجك من صالة القدوم بمطار البحرين ستجدين أمامك مباشرة عدة مكاتب لتأجير السيارات ولديها خدمة التوصيل للخبر والدمام و عددها فوق العشرة مكاتب ومعدل سعر السيارة يترواح من 250 ريال الى 300 ريال للسيارات المتوسطة الحجم والمسافة حوالي 45 دقيقة من مطار البحرين الى وسط مدينة الخبر وتوصلون بالسلامة