وصولكم على سويسرا وين ؟؟
ليش طلعت الفيزا من الايطاليه الله يعينك حط في بالك كل الاحتمالات لان المفروض تطلعها من الدوله اللي بتقعد فيها اكثر
ومن اي مدينه في سويسرا راح يكون سفرك الى روما عشان اقدر اجاوبك

دموع الوجد
يادموع الله يهديك محنا ناقصين روعه بخصوص الفيزا رحت لسفارتهم وعطوني موعد متاخر حيل تصير الاجازه خلصت ولا صار فيه مجال الا لدوله ثانيه تعطي التشنغن

والله هذا اللي قالوه وهالسنه مشددين اذا كان وصولكم على جنيف ممكن تطلعونها من الفرنسيه او السويسريه اما الايطاليه لا
حطيتوا نفسكم بموقف لاتحسدون عليه كل السفارات كاتبين انه تطلعها من الدوله اللي بتقعد فيها وقت اطول يعني الوجهة الرئيسيه لرحلتك
حتى لو فيه ناس راحوا وفيزتهم غير مو شرط الكل يوافقون لهم

البنزين ارخص من الديزل
سعره 1.83 فرنك لتر
الحجز من الجانب الفرنسي بالمطار ارخص بكثير
تقدر تحجز من هيرتز ،، او يورب كار او بدجت حسب رغبتك
الحجز بالانترنت اسرع واسهل واقل سعر
https://www.hertz.com/rentacar/reservation/gaq/index.jsp?targetPage=reservationOnHomepage.jsp
الايام تقدر تقضيها ديفون يوم واحد للراحة وهي قريبه من جنيف 3 كيلو وفيها سكن نظيف ورخيص
ومنها تغادر لانترلاكن لو تجلسون فيها اربعة ايام بس عسى تلقون حجز للسكن حالياَ
او تزورون لوزان لانها قريبه من ديفون

دموع الوجد
طيب يادموع من مثل حالي ومرتبط بمواعيد محدده للاجازه وموعد السفاره للتقديم متاخر لما بعد الاجازه وش تقترحين يسوي ..هل السفاره تقبل التقديم والجواز فيه تأشيره شنقن جديده من السفاره الاسبانيه
.. ( وحتي هذا ماقدمتها الا بحب الخشوم ومكلم القنصل عشانها ) وللعلم للحين ماخلص ولا طلعت التأشيره .. المشكله ان النيه سويسرا وش تقترحون علي

شواق
والله ما ادري بس احنا لنا كم شهر واحنا نقول كل واحد يطلع تاشيرته من الدوله اللي بيروح لها اكثر

دموع الوجد
عاد مافكرنا بها الشي الا قريب السؤال الان واللي اتمنى يطرح كموضوع خاص ( لمن رفض دخولهم بتاشيرات تشنغن من دول اخرى )
انا معك ان التنبيه والحرص واجب ولكن على كثر ماذكر التنبيه ودنا لو فيه حالات رفض دخولها تشاركنا
ودام الله جابك يادموع ياليت تقولين لي شقق في انترلاكن او في Grindelwald وتكون فخمه ونظيفه اهم شي ولها اطلاله

اخوي توكل على الله هذي كلها خزعبلات
المده الاطول !!
في المطار بيسالونك عن المده الاطول !!!
ولا بيبين في سستم عندهم بالجوازات وين راح تسكن !!
توكل على الله واذا سالوك بالمطار قولهم اخر شي غيرت خط السير

شواق
انا نزلت موضوع قبل كم اسبوع في البوابه الالمانيه على ما اظن لوحده راحت هولندا وهي مطلعه الفيزا من الفرنسيه ومسكوهم تحقيق وحوسه من مطار الاردن الين ماوصلوا هناك
ووحده من الحريم اعرفها وصولها على باري سوبتقعد بس 3ايام والباقي في سويسرا وقدمت على السفاره الفرنسيه لما شافوا مخططها قالوا لها روحي طلعيها من السفاره السويسريه
واضطرت تسوي موعد في السويسريه وقبلوا اوراقها
لو كلمت السفاره السويسريه وسالتها عن من وين تطلع فيزتك واعطيتها مخططك بيقولون لك من السويسريه
اعطيني التواريخ وكم شخص انتوا بس من الحين اقولك 99% ما راح نلقى شي عليه الكلام او سعره مناسب لانكم تاخرتوا كثير