ثماني مشاهدات ولا رد واحد

انا معك في نفس الرحله وانا في ديفون
لكن ماتقدر تستاجر سياره من جديد وتعطيهم تامين

الحمد لله على السلامة هذا الراجحي الخايس انا حاجز من هرتز مثلك ومعاي فيزا الراجحي وعلي بالي حتكون 100%
لاتكون كمان فيزا قسط

الحمد لله على السلامة.
اولاً شيل الراجحي من تفكيرك و لا تخليه يعكر الجو عليك.
انا تنقلت بحدود ضيقة بالباصات و القطارات ( للتجربة ) مع انه كان عندي سيارة و شبكة مواصلاتهم عموماً انت تقدر تحكم عليها و على جودتها بحم انك موجود هناك حالياً.
اذا هرتز, رفضو, روح لشركة ثانية. و اذا الشركة الثانية رفضت, روح لشركة ثالثة. خصص ربع او نص يوم للبحث عن سيارة. شفت ما في فايده, فلوس السيارة اشتري بيهم بطاقات السويس باس على حسب برنامجك او احتياجك.
شوف مثلاً السواقين الي ارقامهم موجودة في المنتدى لو حد منهم ممكن يساعدك بسيارة انت تسوقها.
كم يوم سفرتك و هل بس سويسرا او في دولة ثانية.

انا ما ادري وش هالبطاقات اللي الناس طايحين فيها اذا ماكانت تنفع وقت السفر في مثل هذه الحالات متى تنفع ؟؟, يعني على بالهم الناس تبي تستعملها بالبقاله اللي جنب بيوتهم
والله الامر عجيب !!!!!!

يا خوي الله يعينك انسى موضوع السياره
صار لاحد اقربائي نفس الشي قبل شهر
و لا مكتب راح يأجرك مع الاسف
و الواحد ما يدري وش الخيره فيه و اللي الله كاتبه
قل الحمدلله على كل حال
بالتوفيق

المزيد
100%.
الكريديت كارد بشكل عام اما يكون فيزا كارد, ماستر كارد او اميريكان اكسبرس. هذي طبعا اشهر 3 انواع و في انواع اخرى لكن غير رائجة بالمنطقة. هذي البطايق لو تروح المريخ ممكن تستخدمها.
و ياليت لو تخبرنا شو آخر المستجدات.

شباب في لبس بالموضوع
الفيزا من الراجحي
ومن تجربة شخصية
لن تقبل في شركات تأجير السيارات بالمطار
لماذا ؟
لأن أرقام البطاقة مكتوبة كتابة وليست بالحفر < وهذا تعليل موظفة مطار جنيف في شهر يناير قبل 4 أشهر بالضبط .
وعندما أخرجت لهم بطاقة الفيزا من ساب تم قبولها .
نصيحتي أخي العزيز
اذهب الى المطار والى شركة يورب كار وأخرج لهم البطاقة وسوف يتم رفضها .
لكن حاول قليلا معهم ، وقل سأدفع كاش ومبلغ التأمين وسوف يتم قبولها .
اذا لم ينفع
على يسارهم مباشرة شركة سيكست
راح يقبلون الكاش
لكن غالي لأنك لم تحجز من قبل
ورد لي خبر أول بأول وش يصير معك
وراح أرسل لك رقم جوالي على الخاص اذا احتجت شيء
لا يردك الا الجوال
أهم شيء خذ السالفة هذي معاك بكل اريحية ولا تكتئب ويضيق صدرك وتتوتر
بالعكس اعتبرها تجربة جديدة وموقف طريف
أهم شيء لا تتوتر

ابشركم ياالربع مابعد الضيق الا الفرج
رحت انا ولد عمي الى هيرتز فرع انسي
ومشت الامور تمام وتم حجز مبلغ وقدره 300 يورو
وقال الموجود بنزين اما الديزل تقدر تجي بكره وتستبدلها
والله يعطيكم العافيه على مشاركتي في هذا الوضع
عندي طلب ياليت اللي يعرف احداثيات فندق interlken hotel يكتبه لي