الاخ العزيز
في احدى سفراتي لسويسرا قلت لزوجتي خلينا نروح ديفون وعلى الحدود في دوارين دوار سويسري والثاني يقع داخل فرنسا فقعدت الف عليهم داش فرنسا وراجع لسويسرا يمكن فريت عل الدوارين اكثر من سبع مرات لين داخت زوجتي وقالت لي شفيك انجنيت علامك رايح راد قلت لها علشان تقولين لاهلج ان زوجي وداني فرنسا سبع مرات وثمان مرات لسوبسرا
اللي اقصده ان محد راح يسألك وين رايح وهذا الكلام كان في سنه 99 يعني قبل اليورو واعتقد الحين نفس الشي بس احسن لك انك تخلي جوازك معاك لما تدخل ديره ثانيه الحذر واجب وانا اخوك

.... ...

mohd33
الحدود هذه واحدة من اكثر من 4 معابر اخرى في نفس المنطقة (حدود ال3 كم)
وهذه هي اللتي على الطريق الرئيسي والظاهرة للعيان اما الباقيات فمخليهم للعوزة وو قت ما احتاج ادخل الممنوع
طبعا اكيد راح تقول ايش الممنوع ، وان بخليه في آخر الرد علشان تركز شوي معاي في اللي باكتبه
اذا انت جاي من الأراضي السويسرية متجه للشافان دوان (مركز حدود منطقة شافان) وبعد ما تمر بمحطات البنزين يقابلك مبنى الحدود السويسري طبعا ما يوقفونكم ولكن من حقهم يوقفونك ويسألونك عن الجهة اللي رايح لها
تمشي على قشر بيض إلى ما توصل عند الفرنسيين (تنابلة) ما تشوفهم الا في الوقت بين 9 و 10 صباح و بين 4 و 7 مساء وهم كسالى ما يتحركون ولا يطلعون خارج مبناهم (صندقة مقارنة بالسويسريين) الا في حالة وجود مفتش او اخبارية
و لازم الجوازات تكون في جيوبكم على طول مهم مهم مهم مهم مهم لأن لو سألكم وما كان الجواز معاكم راح تاخذون الغرامة
هذا بالإضافة لربط الحزام الإجباري وكرسي الطفل في الخلف
الممنوعات
توجد اشياء ممنوعة ومقننه بأحجام محدده للأشياء التي تخرج من فرنسا إلى سويسرا
طبعا ما زال الشيء اللي بكتبه قائم ومهم معرفته
اللحوم الطازجة (دجاج ولحم) بمعدل 1/2 كيلو للشخص
الشوكولاته (كيلو للشخص)
السجائر (كرز واحد للشخص)
الأجهزة (عليها ضريبة)
المجوهرات (ضريبة مرتفعة)
الساعات (ضريبة محددة)
طبعا أكثر شيء يهم السويسريين هو اللحوم والسجائرو لو وقفك السويسري وسألك هل معاك شيء تفصح عنه
Any thing to decleare
فلا بد من الإفصاح
الفرنسيين بيهم كثير الأجهزة والمجوهرات وممكن يطلع لك فرنسي غلس وينكد عليك يومك المطلوب هنا إذا سألك هو الإفصاح الكامل حتى تتجنب اي مشاكل
و 99.9% ما حد عندك خلال ال25 سنة اللي راحت ما كان عندي مشكله كبيره معهم
وآخر شغله مهمه هي انه عند خروجك من فرنسا و قبل الدخول لسويسرا سوف يقابلك عند مبنى السويسريين مفرق يمين (أخضر ما معاك شيء) و الآخر تستمر في نفس طريقك
طبعا فيه لبس كبير للسياح ومعظمهم يمشون على طول والسويسريين فاهمين هذا الشيء ولا يدققون على هذه النقطة كثير خاصة في الصيف و حركة السياح كبيرة
آخر شيء عند مغادرتك فرنسا (يوم السفر) تكون ماشاء الله ام العيال مقضيه كم شغله والسيارة يا دوب فيها مكان لكم وقتها ابرز لموظف الحدود السويسرية التذاكر وقله انك باغتي فوياج
تحياتي

انا صارت لي مشكله مره .. بس لاني كنت متهور جدا !!
الفيزا اللي معي سويسرية ..
وكان خاطري اروح ل آنسي الفرنسية ..
وطبعا نظاما ممنوع .. قمت ورحت للقنصلية السعودية في جنيف .. وسجلت جوازي وجوازات اهلي ..
عشان لو صار شي يكونون هم الفزعه ..
المهم .. ركبت السياره ذاك اليوم واطالع الخريطه .. واعين انسي .. واروحلها ..
على الطريق السريع كان فيه طبعا منفذ حدودي .. محد كلمني فيه .. كنت امشي مثل اللي قدامي .. وولا شفت ولا فرنسي ..
ورحت ل آنسي وتمشيت ..
في الرجعه كانت المشكله ..
رجعت في اخر الليل يمكن الساعه 12 الليل ..
وماكان فيه المنفذ الظاهر الا انا .. وكان في موظف واقف ..
اشر علي بيده ( طلب مني اوقف ) ..
وقفت .. وقالي وين رايح ؟؟
قلتله : جنيف ..
قال : عطني اوراق السياره وجوازاتكم ..
عطيته كل شي .. وانا طبعا مرتجف من الخوف !
قالي فيه معك كحول او دخان او اي شي ؟
قلتله ما معي الا ثيابي اللي علي ..
قالي انت تدري انك ما تقدر تدخل سويسرا ؟؟
وفي نفس الوقت ما تقدر تدخل فرنسا ؟؟
طبعا قال هذا الكلام لان الفيزا السويسريه اللي معي كانت (دخول مره واحده) ..
وقتها انا سويت روحي زي الخبل .. وقلتله ليه وش السالفه ؟؟ انا في فرنسا ؟؟ كيف ؟؟ شلون ؟؟
قام يقلب الجواز وما رد علي ..
راح للمكتب وقعد ربع ساعه ورجع ..
قالي انا صورت جوازاتكم .. وهالمره بمشيكم .. بس يمكن غيري ما يمشيكم ..
وبعدها سلملي الجوازات وقالي كلام مستحيل انساه ..
( ايه .. ارابيا سأوديت ( يعني السعودية ) ماقد شفت ناس عبيطين مثلكم ، ومافيه امل تحترمون النظام ، لكن في النهاية انتم ناس طيبين .. وحنا ياسويسرا ما شفنا منكم شر مع انكم مخلين جنيف كانها الرياض ) ..
طبعا انا خذت الجوازات وشكرته ومشيت .. استغربت انه قال هالكلام .. وكانه فاهم الطبخه كلها .. والغريب انه جابلي طاري الرياض ..
النهايه .. قصدي من الهالموضوع .. خل جوازك معك وين ما تروح .. وخلك نظامي 100% احسن لك واريح لك ..
والسويسريين مافيه اطيب منهم ..

cayenne
بس أبغى أعرف كيف قال لك (عبيطين) وبأي لغة
طبعاً ماعندي تعليق ثاني لأنك قلت على نفسك من البداية انك مستهتر،، والمشكلة في مثل هذه الحالات يا أخي الفاضل،،، انك بتصرفك اللي مثل هذا تضر كل السعوديين اللي يروحون سويسرا وخاصة اللي يحترمون النظام لأن السويسريين رح ينظرون للجميع بنفس النظرة ( الخير يخص والشر يعم ):112:
والله المستعان وجزاك الله خيرا على سرد تجربتك لتكون عبرة للآخرين

.. ( ) .. !!
..
..
( ) ..
..
..