حصـه
22-10-2022 - 09:58 am
السلام عليكم ورحمة الله وبركاته
ماشالله التقارير حلوه عندكم حمستوني وسجلت عشان آخر مشورتكم في خط سير الرحله
رحلتنا بتبدا ان شالله من ميونخ .. من 18/8 إلى 2/9
بغيتكم تساعدوني في خط سير الرحله
حصلت سكن حلو ومرتب في زلامسي ..
نحن 8 اشخاص .. وللعلم هذي اول مره نروح .. ف هل ينفع السكن يكون في مكان واحد وكل يوم نروح ونرجع ولا المسافات طويله؟
حابه انها تكون رحله مميزه لنا .. مفكرين نحجز سياره وانا بتولى المهمه مادري كيف السواقه
انا رحت الهند قبل ع البركه وكانت رحله مستحيل انساها في حياتي من كثر ماكانت حلوه .. و الشي السلبي كان انه كنت في كل يومين منطقه فشوي تعب و الدرب كان جدا خطر والمناطق ناائيه وتخوف ومابا هالشي يتكرر هالمره .. ههه ع فكره! يوم رجعنا ابويه ناذر يصوم اسبوعين اذا ردينا سالمين دبي ف مهددين هالمره لا للمغامرات يا اخطط لهم صح يا بدخل معاهم في حوار عنيف
.. و اتمنى ألقى منكم مساعده طيبه ..
وشكرا مقدما
الطرق ممتازة والقيادة سهلة وممتعة وما تقارن بالهند أبدا
فكرة السكن في زيلامسي والانطلاق للأماكن اللي حولها فكرة ممتازة جدا
والسيارة أفضل اختيار وبترتاحون معها
وأنصحكم بحجز يوم في بداية الرحلة ويومين في نهايتها في ميونيخ بحيث يكون اليوم الأول للراحة من السفر واليومين الأخيرة للتسوق