عندما ذهبت الى دبي اخذت فاوتشر السكن اربع ليالي في جراند حياة واربع ليالي في رويال ميراج
وسكنت جراند وكان ممتازولكني كنت انتظر متى اروح لرويال ميراج عشان اروق على البحر
واشوف الفندق اللي سمعت عنه كثير وشفت بعض صوره
ولكن عند ذهابي له تمنيت اني ماطلعت من الجراند او اني سكنت في جميرا او مينا السلام
اول شي الفندق له ثلاثة اجزاء القصر واربيا والرزدنت ولكن للاسف غير متصله ببعض
يعني اذا بغيت تروح من جزء الى اخر لازم تتطلع في الحر تمشي مسافه وما توصل للي تبي
اللا ونت تسبح عرق
ثانياً غرفهم تجيب الهم الوان غامقه والدور الارضي الغرف بلاط
ثالثاً الغرف بعيده عن بوابة الخروج وعن اي مكان داخل الفندق يعني تمشي في الاسياب ساعه
رابعا صار لي موقف في ثالث يوم وهو في صباح اليوم الثالث بداء خبط وازعاج فوق غرفتي
فكلمت الاستقبال وقلت له المشكله ومع ذالك استمر الازعاج وما قدرت انوم
قمت ونزلت لهم بملابس النوم وامشي هالسيب ساعه لين وصلت لهم وخذ مهاوش معهم
ورجعت للغرفة وبعد عشر دقايق وقف الصوت وتوني بنام اللا رجع الصوت مره ثانيه
واكلم الاستقبال ثانيه بدون فايده قمت ورحت للاستقبال بفنيله وسروال النوم وجلست وقلت لهم انا بنام هنا
لين يجي المدير يكلمني بعد شوي جت المديره وعرفت السالفه وكل اللي سوته قالت لي ارجوك
رح لغرفتك وانا اتعهد لك بأنك ما تسمع شئ وفعلا راح الصوت وراح معه النوم ولا حاولو يرضون السكان
بأي شئ بالرغم انه جاري السوري اصابه ما اصابي وشفته يدور في السيب بملابس النوم مثلي
وللقصه بقيه اقولها لكم بعدين
خامسا واخيرا وانت على البحر انسى انك تشوف الغروب اوتنعم بالهدوء حيث ان مشروع النخله
ملاصق للفندق ويشتغلون اربع وعشرين ساعه يعني حتى في الليل في اصوات شيولات ودقاقات
وازعاج ماكنك في فندق خمس نجوم لا ورويال ميراج بعد
المهم ما اطول اكثر عليكم الزبده اني ندمت ندمت اني سكنت ذاك الفندق الله لا يعيده