لا يوجد إجابه !

ياغالي بإذن الله كم يوم وراجع ارد على تساؤلاتك كامله ,
خصوصا ان كنت متواجد في بورمث واحد اصحابي غادرنا منها الى باريس ..
لي عوده بحول الله مع التفاصيل

يعطيك العافيه ابو تميم وكل خير وبركه
وبالنسبه للأخ سليمان فطلبه غير طلبي انا اسأل عن بورموث وكيف استطيع منها الذهاب لباريس وماهو المطلوب
والفيزه الفرنسيه هل الافضل اخذها من هنا قبل الذهاب وكيف ذلك
وكم سعر الذهاب لباريس عن طريق العباره والاقامه فيها يومين او ثلاثه مع قروب سياحي
وكل ماتستطيع خدمتي به واكون شاكر لك

وعليكم السلام
افضل الطرق للذهاب الى باريس من بورنموث هي القطار عن طريق التوقف في محطه سانت بانكراس(Sant Pancras) في لندن
طبعا تاخذ القطار من محطه (Travel Interchange) اللي قبال سوبر ماركت ASDA من بورنموث الى لندن محطه فكتوريا وبعدين ممكن تاخذ باص او تاكسي الى محطه سانت بانكراس علشان تطلع على قطار اليورو ستار الى باريس مباشره
وهذا الموقع للحجز وفيه الاسعار والاوقات المناسبه
http://www.eurostar.com
طبعا انا افضل انك تاخذ الفيزا الفرنسيه قبل الذهاب واذا كنت من الرياض سمعت ان السفاره الايطاليه هي اسهل في اجراءات فيزا الشنجن
بالتوفيق ان شاء الله

يعطيك العافيه اخوي وماقصرت
لكن هل لازم ا مر على لندن انا سمعت من بورموث عباره الى باريس
واذا كانت حس الطريق التي تقولها كم وقت الرحله
وانا سألت عن قروبات سياحيه بمعنى رحلات لكم يوم لباريس شامله كل شي ثم العوده لبورموث
لانني ادرس هناك
وشكرا لك

الله يعافيك
اذا كانت بتطلع بالقطار لازم تمر على لندن زي ماذكرت
لكن العباره الحقيقه ماعندي فكره عنها لكن فيه واحد فرنسي درس معي في بورنموث وكان جاي من باريس بسيارته عن طريق العباره وقال ان المشوار ياخذ تقريبا من 8 الى 9 ساعات بالعباره
طبعا غالبيه الشباب اللي كنت اعرفهم راحو بالقطار وانا افضل بالقطار لانه ماياخذ وقت طويل حوالي 3 ساعات واليوروستار جدا فخم ومريح
الموقع الي حطيته فيه عروض من لندن الى باريس مع السكن لمده ليله او ليلتين باسعار لاباس فيها شامل التذكره والسكن في الفندق
وانا لما رحت هناك كنت اعرف واحد فرنسي فهو اللي ضبط اموري
لو حصلت قروبات سياحيه شامله كل شي فهذا شي طيب
بالتوفيق ان شاء الله

شاكر لك التواصل اخي ويعطيك العافيه
وجدا معلوماتك مفيده
ولكن همي هو المكوث في باريس ثلاث ليالي فهذا اقل شي يستحق من اجله الذهاب لباريس
وان شاء الله من كلامك نويت القطار ولكن الموقع الذي وضعته لم استطع التعامل معه جيدا
اذا امكن تعطيني نبذه عن المكوث في باريس ثلاث ايام من بروموث والسعر يشمل الرحله ذهاب واياب مع السكن والجوله السياحيه
والوقت هو شهر 5 بعد ثلاث اشهر ان شاء الله
واكون شاكر لك

أهلين أخوي إذا أنت ناوي تروح باريس وأنت في Bournemouth
تقدر تحجز عن طريق المعهد وهذا أفضلك إذا كنت لوحدك رايح لباريس
ويودونكم للأماكن السياحية في باريس وأعتقد هذا أفضل لك
والوقت تقريبا 12 ساعة من بورنموث إلى باريس والسعر 99 باوند ثلاث ايام
وتقدر تزودهم 40 عشان يعطونك حجرة لوحدك
أما الفيزة فأنصحك تطلعها من السعودية أسرع وأطول مدة
الله يوفقك

يعطيك العافيه سعود
وفعلا ردك شافي كافي وهذا ماكنت ابحث عنه
ولكن كم سعر الصرف هناك الباوند هل هو 7 ريال ؟