- السؤال هنا مين يعطون فيزه ومين يطولون مايعطونه ومين يرفضونه !!!
السلام عليكم جميعا
يعلم الجميع ان اهم شي للذهاب الى امريكا سواءا عن طريق السياحه او الدراسه وقبل كل شي هو استخراج الفيزه
وذلك لصعوبة وتعقيد الأمور في استخراجها للأسف بعد الأحداث اللي صارت ...!!
من خلال خبرتي في هالشي حبيت ابين للأخوان الجدد شي مهم عن الفيزه ومن اللي يقبلونه ومن اللي شبه مرفوض ومن اللي يرفضونه ...!!
قبل الأحداث كان استخراج الفيزه في نفس اليوم ,, اذكر انك تقدم الصباح وتجي بعد الضهر تاخذها وهذا لسهولة الوضع قبل 911 ..لا ومن زود الدلع والله اذكر اني مطلع فيزتين في نفس الوقت وحده سياحيه والثانيه فيزة طالب ولكنها بعدها بفتره وتصير كل الفيزيتين عندك valid ,,!!
بعد الأزمه صار فيه مشاكل كثير وفيه طلاب كثير اكلوا مناكح ومن ضمنهم انا وكثير من اصحابي ..!!
بعد الأزمه وبالتحديد في عام 2002 قررت النزول للسعوديه لزيارة الأهل وتجديد الفيزه في نفس الوقت (ليتني ماجددتها ههه ) ..المهم كان معاي من اصحابي شباب كثير وهالكلام في عز الأزمه ولا كان الوضع ملخبط شوي يعني الفيز كانت اسهل شوي قبل لا ينزلون قوانين كثيره من ضمنها تسجل في برنامج معين نسيت اسمه تابع للجامعه ومن ثم يتم التحكم فيه من خلال ال immegrations ويتم معرفة كل شي عن الشخص المتقدم للفيزه ( وهذا شي طبعا من حقهم لحفظ الأمن والله يقويهم )
السؤال هنا مين يعطون فيزه ومين يطولون مايعطونه ومين يرفضونه !!!
اجابة هالسؤال متشعبه ومهمه في نفس الوقت ,, ومن ضمنها هو انه يعتمد على الشخص وعمره وهل هو صاحب سفريات ام لا وهل سبق وان كان في امريكا من قبل ام لا وفي اي ولايه ..وين سافر لأي دول عربيه ؟؟؟؟ اذا من ضمنها سوريا ولا المغرب ولا بلد مشبوه يتم التحقق واطالة الوقت في استخراج الفيزه للأسف .. واذا انت طالب من قبل يتم ارسال اوراقك لواشنطن وتجلس خمسه اسابيع الى سبعه ويتم تتبع ملفك وتاريخك في امريكا سواءا عن طريق السوشل سيكرتي نمبر او عن طريق بطاقات الأئتمان وهكذا في اغلب الحالات المتقدمين من هذا النوعيه تطول فيزهم ماتطلع بعضهم تاخذ خمسه شهور بعض ثمانيه شهور والبعض الأخر سنين !!
بالنسبه لي انا لم استخرج الفيزه الا بعد تقريبا سبعه شهور من التقديم عليها والسبب هو انني قديم متواجد في امريكا وبالتحديد من عام 1999 عشان كذا يتم تتبع ملفي في امريكا وهكذا ,,
وصاحبي زميلي في الدراسه قدم معي والله ماجته الفيزه الا بعد سنتين تخيلوا !!! بغى يموت المشكله لم يتبق له الا 9 ساعات ويتخرج !!!! السبب في تأخيره على ماظن هو ان الولد كان عنده مشاكل ومخالفات كثيره ومشاكل مع شركات تأمين وهكذا ... وهو ما يأس الرجال وفي الأخير بعد سنتين حصل الفيزه والله ولمدة سنه فقط ... والكثير الكثير نفس الشي واسوأ !!!
بالنسبه للطلاب الجدد امور استخراج فيزهم سهله جدا وتكون اسهل بكثير من الطلاب القدم ولكن ايضا لا يمنع من انهم يطولون في استخراجها وخاصة اذا اشتبهوا في احد معين ... تكمن سهولة استخراجهم للفيزه لأن جوازات اغلبهم جديده ولا يوجد بها سفريات خارج السعوديه والسبب البسيط هو ان الشخص في السعوديه لا يستطيع السفر وهو اصغر من 21 سنه الا بإذن من ابوه رسمي و90% من الطلاب المقدمين على الفيز هم اصغر من هذا السن .... لذا الأمريكان مايهتمون في هالشي لأنهم ضامنين هالشباب لأن ماعمرهم راحوا خارج المملكه سواءا لأفغانستان باكستان سوريا ....الخ
الصنف الثاني من الطلاب هم اللي يقدمون وجوازات سفرهم مليئه بالسفر خارج المملكه لذا نصيحه اخويه كل من يقدم على فيزه يجدد جوازه ويخليه يلق على قولتهم ( يعني شي كلش )زاذا سأك قال وين سافرت من قبل قل لأبو عريش ولا القويعيه ... لأنهم ماراح يعرفون سفرياتك من قبل والسبب لأنهم مايتحكمون في نظام الجوازات السعودي بس اذا اشتبهوا في احد بأمكانهم مخاطبة الخارجيه السعوديه واخذ المعلومات الكافيه عن الشخص المشتبه فيه !!!
قبل عند وصولك وحصولك على الفيزه يجب ان تقوم بالتصوير والتبصيم في المطار وعند وصولك الى المدينه اللي تدرس فيها يجب عليك الذهاب لأقرب مركز جوازات وتصور عنده مره ثانيه وتاخذ بصمه ( حشا والله لو انا مجرمين ) ولازم تسوي هالشي مره كل سنه .. بس الآن بسطوها وخلاص مايحتاج تسوي هالشي الا مره وحده وهي في المطار بس !!!!!!
أتمنى التوفيق للجميع والله يوفقكم لما فيه خير لوطنكم ( السعوديه )
عن اد
شرح مميز