- أنا:تقصد كم مره بالشهر = قام يضحك
ام
انا توني راجع من السفاره الامريكيه بعد ما سويت المقابله..
بصراحه المقابله كانت جدا ممتازه وسهله لدرجه ان ما يحتاج احد يشيل همها. وبقولكم اللي صار بيني وبينه بالتفصيل:
السفاره:وين تبي تدرس؟؟
أنا:بفلوريدا
السفاره: انت ثالث شخص اليوم يجيني رايح لفوريدا
أنا:قلت ايه السعودين ما يعرفون الا فلوريدا وكالفورنيا == قام يضحك
السفاره: وش بتدرس
أنا:كيمياء
السفاره: انت متخرج من كليه الجبيل
أنا:ايه
السفاره: رحت البحرين خلال الاسبوعين اللي فاتوا
أنا:قلت رحت قبل اسبوعين او ثلاث اسابيع لكن ما قعدت للمطار وطرت من هناك لدبي
السفاره:ليش من البحرين سافرت ليه مو من الدمام؟
أنا:لان التذكره ارخص
السفاره:انا عندي واحد من اصحابي بدبي ودي اروح له تنصحني اسافر من البحرين
أنا:قلت له جرب منت بخسران
السفاره:انت مسافر ايطاليا سويسرا المانيا واستراليا ومصر والكويت والبحرين والامارات ؟؟ ما رحت سوريا
أنا:لا
السفاره:ما رحت افغانستان او العراق
أنا:ماني مجنون علشان اروح هناك
السفاره:كم مره رحت الكويت
أنا:مرتين 2005 و 2001
السفاره:الاي 20 حقك من الجامعه ما تبي تدرس انجليزي
أنا:لا ما احتاج
السفاره:فعلا لغتك كويسه ما تحتاج بس لازم تسوي اختبار توفل
أنا:عندي اختبار يوم15 اكتوبر
السفاره:كم مره بالسنه تروح للبحرين
أنا:تقصد كم مره بالشهر = قام يضحك
بعدين اخذ اوراقي والاي20 ورجع لي الجواز وقالي ماعندك نواقص بس بنرسل اوراقك لوشنطن واذا كلمناك تعال وجب الجواز بس لاتجي الا لما يبقى على دراستك 90 يوم لان انا دراستي تبدداء بجانوري
قلت له خل الجواز معك واذا جت موافقه واشنطن حط الفيزا وانا اجي اخذه مره وحده مشوار كل شوي اجي من الشرقيه قال لي يمكن يرفضونك واشنطن شنسوي بجوازك وقتها وهذا النظام قلت له صح معك حق اذا النظام كذا مو مشكله لازم حنا كمان نحترمه, ضحك كان يقولي واحسن انك تخليه معك شدراك يمكن تروح البحرين هالويك اند خ
وبس
