طبعاً ماعندنا سفارة في جدة ولا قنصلية للنمسا يعني لازم أروح الرياض وبعد حوسه أكثر من أسبوع جهزت كل الأوراق وبيني وبينكم كنت أبي أهون من كثر الطلبات بس أم العيال كانت متحمسه أكثر مني وتحاول تهون علي كل الإجراءات وأنا ماصدقت حطيت كل شي في راسها حجز الفنادق والطيران وطباعة الابلكيشن وتعبيته بس كشف الحساب والتعريف أنا اللي توليت المهمة .
حجزت على الرياض يوم السبت الظهر وسكنت في فندق الشروق دلمون طريق العروبة يعني حذفت حصاة عن السفارة
الأحد الصباح وأنا قايم مثل الذيب الساعة 6 ونص والساعة 7 وأنا عند السفارة وماحصلت أحد ألا عامل النظافة وقالي السكوريتي يجي 7 ونص إنتظرت لين ماجاء ذاك الفلبيني اللي أخلاقه تجارية . المهم سجلت إسمي أول واحد وما أحد قدي .
رحت أتمشى شوي في الحي والساعة 8 ونص وأنا مسنتر عندهم ونادوا إسمي الأول الساعة 9 بالضبط .
دخلت وخلصت الإجراءات بكل سهاله ولا دقق علي ولا شي بس أنا أوراقي كاملة.
الساعة 9 وربع وأنا طالع وراجع الفندق والعودة للطائف كانت البارحة الساعة 9 .
يعني الأمور سهلة لا أحد يستصعبها.
وأي سؤال أنا حاضر.