السلام عيليكم
للرفع
ياالله ياشباب مو معقوله كذا تخلونني تايه

حياك الله اخوي الياباني وعلى فكرة الاخوان ما نسوك ولا شيء ولكن انت سالت في ايام العطلة والعالم مشغولة عن الانترنت وقليل منهم من دخل الموقع اليومين هذي...
اولا وقبل ما اجاوبك ودي اعرف كم يساوي الين بالريال علشان اعلمك هل الاسعارالي انت حاطها معقولة ام لا؟؟؟
بالنسبة لاسعار الخطوط الاماراتية من الرياض الى مدينة الدار البيضاء في المغرب فهي ب 2100 ريال واعتقد انها لمدة ثلاث اشهر ان ماكنت مخطي..
والقطرية تقريبا نفس السعر.
بالنسبة للخطوط التركية فلا انصح بها حتى ولو كانت ارخص لانه لابد ان يضيع عليك كم يوم وانت في محطات الترانزيت.ولاننسى الفيزا لتركيا وايضا ومن موقع الخطوط التركية اتضح انهم لايسيرون رحلات الى المغرب.
الخطوط التركية http://www.turkishairlines.com/en/index.php
وارى ان الافضل هي الاماراتية .
افضل طريقة للسفر في المغرب هي استجار سيارة خاصة (مثال :بيجو صغيرة موديل 2004 بحدود 300الى 350درهم .ما يعادل 120 الى 150 ريال ).طبعا العداد مفتوح .
يلي ذلك الطائرة اسعارها غالية نوعا ما وبحدود 600 ريال من خارج المغرب طبعا للسفر بين كازا واغاديير والعودة .والافضل عند رغبتك السفر بالطائرة شراء التذاكر من خارج المغرب.
يلي ذلك القطار وهو يتوقف في مراكش ولا يذهب الى اغادير(نقطة الانطلاق كازا) والدرجة الاولى الى مراكش بحدود112 درهم مغربي (يساوي45 ريال تقريبا").
واما الباصات فعندك شركتين لاتعداهم :
ساتيام
وسبراتور
والاولى انا مجربها في السفر الى من مراكش الى اغاديير وكانت جدا ممتازة والتذكرة بحدود75 درهم مغربي (30 ريال تقريبا").
وهذا موقع شركة ساتيام على النت للاستفادة :
ساتيام http://www.ctm.co.ma/
واسعار الشقق تختلف من مدينة الى اخرى ومن حي الى اخر ونوعية الشقة تختلف ايضا ولكن عادة بحدود 600 الى 800 درهم (يعني مايساوي تقريبا 350 الى 400 ريال ).
السافنق ؟؟؟
التزلج على المياة ليست من الرياضات المعروف بها المغرب ولكن سوف تجد بعض الناس الذين يقومون بتاجير بعض القوارب ومعدات هذه الرياضات ولست متاكد .
المصاريف اليومية للشخص العادي لن تزيد عن 400 ريال (الاكل والسكن والمواصلات) واما المصروفات فانت الذي تتحكم فيها .
الجدول راح احطه لك ان شاء الله خلال يومين او ثلاثة بالكثير
واتمنى اني قدرت افيدك ...
وتحياتي لك ..

اهلين وسهلين أخوي المغترب
الريال يساوي 29ين (يزيد ين او ينقص ين)
واليوم وصلني الفاكس من مكتب الخطوط والرحله كألاتي
طوكيو-دبي-كازبلانكا-دبي-الرياض-دبي-طوكيو..... على الخطوط الامارتيه ... وسعر التذكره بي 170000ين (5840ريال)
والرحله لمدة شهر اسبوعين بالمغرب واسبوعين بالسعوديه
وبالنسبه لاسعار الشقق اعتقد ان اسعاره نار يعني هل المغرب بلد غالي لهذي الدرجه
واذا كان معدل المصروف اليومي للشخص 400ريال الاربع ميه هذي بتروح للشقه على حسب كلامك وانا اتمنى ان احصل شقه صغيره على قدي بأقل من كذا بكثير... لان سعر الشقه هو اللي يحدد الميزانيه ... واتمنى لو تعطين خلفيه شامله عن الاسعار ...وايش الاماكن اللي تنصح في زيارتها
واسف لو ثقلت عليك بالاسئله
ومازلت انتظر مشاركات باقي الاعضاء
تحياتي
majinga

السلام عليكم
الأخ majinga
الأخ المغترب ماقصر يشكر على رده
الشقق مثل ماقالك المغترب ممكن انك تلقاها بأقل من 400 ريال وهذا يعتمد على الشقه وموقعها
واذا كانت الشقه مثلا ب 600 درهم او 500
فهي تقريبا بحدود 250 ريال يعني سعر ممتاز

حياك الله اخوي الياباني...
مثل ماقلت لك السعر من الرايض الى كازا بحدود 2100 ريال اما من الرياض او دبي الى اليابان فما عندي خلفية وانت الي تعرف هل هو غالي ام لا؟؟
يعني 5862-2100 =3740 ريال هو سعر التذكرة من اليابان الى الرياض(اذا كنت تشوف ان هذا السعر معقول فتوكل على الله واشترها من اليابان اما اذا شفت انه غالي فسو الحجز من اليابان وتعال الى الرياض وقص التذكرة من هنا).
بالنسبة للشقق فانا قلت لك اعلى سعر يمكن انك تدفعة ويوجد الاقل بكل تاكيد .وعلى فكرة انا قلت على اسعار الشقق الي فيها غرفتين اما بالنسبة للشقق الي غرفة واحدة فما عندي علم لان اكثر سفرياتي معاي شخص اخر.
انا لما قلت لك 400 ريال فانا ذكرت لك السكن +الاكل+المواصلات وعلى اعلى حد واكيد انك تقدر تقلل السعر هذا بعد . وانت وصرفك .
وبالنسة للامكان فان شاء الله راح اكتب عنها خلال يومين وان شاء الله ما تركب الطيارة الا وانت اخذ برنامج كامل عن المغرب ...
وتحياتي لك ...
واشكر الاخ العزيز غريب الدار على مروره وتعقيبة ...

الاخmajingaالحقيقة الاخوة ماقصرو اعطوك معلومات ممتازة000اناسكنت في استديو في حي المعاريف قريب جدامن فندق ادواانفا لايوجدلها اسم معرف ولكنها معروفة في ذالك الحي حراسة ممتازة وامن ممتاز وموقع تقدرتقول ممتاز وبسعر500ريال وفي نظري تستاهل00لان المغرب في الاصل غالي من ناحية السياحة

الى جعيع الاخوه اشكركم على كل معلومه وخصوصا.... الاخ المغترب .... والله ياشيخ انك عسل والله يوفقك
واشكر جميع الاخوه مره اخرى بلا استثناء

اخوي الياباني
نسيت اقول لك
اذا انت لوحدك فالافضل الاعتماد على الفنادق والابتعاد عن الشقق لأمور كثيرة راح اذكرها في وقت اخر وبالنسبة للبرنامج فانا ما نسيتك وكنت مجهزة لك ولكن مع اقفال المنتدى راح الملف وان شاء الله راح اضبطة لك خلال الثلاث الايام الجاية
ان شاء الله .وتحياتي لك ...

حياك الله اخوي المغترب وخذ راحتك بس الله الله بالجدول
وتراي لحالي والفنادق صراحهة الزين غالي زي شراتون علشان كذا اخترت الشقق ارخص
وانا بنتظارك
وتحياتي لك وللجميع