نشر في الكويت

من الخبر للكويت بس جاوبوني على سؤالين ممكن

عالم من الخيال

09-11-2022 - 08:09 pm

السلام عليكم ورحمة الله وبركاته
مراحب بكل اعضاء ومميزي قسم الكويت في هذا المنتدى الشامخ
وبدون مقدمات
انا وعايلتي الصغيره جايين من الخبر للكويت قريبا ....
وحبيت اسأل عن الطريق من الخبر للكويت ( الخبر بو حدريه الخفجي الكويت ) هل لازالت التحويلات والمشاكل بالطريق
واللي كنا نسمع عنها من مده طويله
والا انتهت ؟؟؟
طلبي وسؤالي الثاني (( ابي غرفه )) سواء في فندق او بنظام الشقق المفروشه مثل اللي عندنا بالخبر والدمام وتكون نظيفه ومرتبه بأسعار ما تتعدى 300 ريال
هل ممكن القى هالشي ووين ؟؟فخاطري بعد كم سؤال بس لاحقين
بعد ما نجاوب على هالسؤالين
تحياتو

التعليقات (8)

ابوحمد.

09-11-2022 - 11:46 pm

وعليكم السلام ورحمه الله وبركاته
الطريق من الخبر للكويت للحين فيه تحويلات بس قليله اغلبها بين الدمام والخبر بس انت على راحتك وبالنهار احسن
الرابط راح يفيدك عن السكن
https://artravelers.com/p/re/503712

عالم من الخيال

10-11-2022 - 12:47 am

يعطيك العافيه اخوي على تجاوبك السريع
وشاكر لك مداخلتك
وبالنسبة للسكن قرأت الموضوع والاسعار تقريبا مثل ما طلبت اقلبها في حدود 25 دينار
لكن الصراحه احترت من كثرها
ودي تنصحوني بشي مجرب او عروف اذا ممكن ؟؟

q8ya metnaqla

10-11-2022 - 01:48 am

عندك شقق بودل وبلازا اثينا وميراج و رويال ريزيدنس
وحياكم الله

عالم من الخيال

10-11-2022 - 02:49 am

شرايكم في فندق بالازو ؟؟
Palazzo Hotel
حصلته بسعر حلو والور تقول انه حلو
لكن الغريب ان ماله اي تقارير ولا احد تكلم عنه هل لأنه جديد مثلا ؟؟؟
يعني 3 ليالي حصلته ب 1200 ريال سعودي
انتظر ردكم

جــبــرنــي الــوقــت

10-11-2022 - 03:50 am

اقدر افيدج بموضوع السكن
في فندق بالسالميه و شرق من سلسله فنادق ايبس المنتشره بالعالم
هو عباره عن فندق اقتصادي جدا يعني مافي خدمات الرفاهيه و الخبه
يعني لا حمام سباحه ولا هل اشياء الثانويه
اسعاره زينه ما تتعدى العشرين دينار كويتي و انصحج في و بقوه
و حياج الله بالكويت

MustangFord

10-11-2022 - 04:51 am

Ibis Sharg افضل شي حصلته ..
زي ماقاال اخوي جبرني الوقت .. اقتصادي ومافيه خدمات فنادق خمس نجوم ..
بالنسبة للطريق .. انا ان شاء الله طالع يوم الاحد للكويت من الجبيل الصناعية .. احنا طريقنا ناخذه من طريق الخفجي يعني انتوا عندكم طريقين يا اما خط ابوحدرية او انك تمسك خط الجبيل الدمام السريع .. وتتجه الى المصانع وفيه لوحات تبين لك خط الخفجي

عالم من الخيال

10-11-2022 - 05:52 am

يعطيكم العافيه
وخلاص حجزت في فندق ميراج (( ببنيد القار )) بشروني ان شاء الله الفندق مريح

اصول2

10-11-2022 - 06:53 am

ممتاز الفندق الكل يمدحه اختيار موفق .

الكويت المسافرون العرب

من الخبر للكويت بس جاوبوني على سؤالين ممكن