نكمل:
ثالثا: ركنا السياره في الموقف المخصص للزوار وخلينا الموبايلات بالسياره (ممنوع دخولهم)فتشونا تفتيش بسيط وركبنا الغولف كار وصولونا لي البوابه رقم 2. بس المفاجئه كنت متوقعه كوني واصله الساعه 7:30 إني أكون أول وحده بس لقيت طابور على البوابه والعوائل قاعدين ينطرون وقفنا بالطابور حوالي عشر دقائق سلمنا بطاقاتنا المدنيه وعطونا ارقام نعلقهم علينا وبعد نطرنا عشر دقايق نادو أرقامنا ودخلونا مبني السفاره بس بعد تفتيش عدل

نكمل
ثالثا:مشينا حوالي الدقيقه إلي مكتب القنصليه بالسفاره . بعد فتشونا وقالولنا أخذو رقم نطرو دوركم نطرنا حوالي عشر دقايق ونادونا شيكت الموظفه على أوراقنا وتأكدت من كل شي وقالت لنا وين صورت الجواز ؟ قلنالها ما كتبتو أبتسمت وقالت هذا النظام الجديد.قالت لنا روحو استريحو لين ننادي عليكم بالأسماء أنتظرنا عشر دقايق ونادونا بصمونا وبعد قالولنا أستريحو. أسترحنا حوالي العشر دقايق بعدين نادونا على شباك رقم 2وأسألتنا لموظفه عن شهادة الراتب وسبب الزياره والجامعه اللي درس فيها زوجي بأمريكا.وعن وظائفنا بالتحديد شنو نشتغل.

نكمل
رابعا :الموظفه قالت لنا اليوم أول يوم نبتدي فيه بالنظام الجديد .
ما راح آخذ جوازاتكم. راح تنطلعون خارج المبني بجانب البوابة رقم 2 إللي دخلنا منها فيه مكتب دي أج أل تملون بياناتكم ويعطونكم وصل خلال ثلالث اسابيع إلي أربع أسابيع يتصلون فيكم المكتب يبلغونكم عن القبول أو الرفض في حال القبول ييونكم لي البيت ياخذون جوازاتكم ورجعونها لكم ثاني يوم.شكرناها وخرجنا من السفاره لي البوابه رقم 2 باتجاه مكتب الدي أج أل

نكمل
خامسا: رحناالبوابه رقم 2 سلمنا الأوراق إللي عطونا إياها وعطونا بطاقاتنا المدنيه .بعدين رحنا مكتب الدي أج ال وقفنا طابور حوالي العشر دقايق عبت الموظفة المعلومات علي الكمبيوتر وعطتنا وصل ورقم للإستعلام بعدين رجعنا للغولف كار إللي وصلتنا للبوابه الرئيسيه.
ملاحظة : في نموذج مكمل للإستماره الخاصه بالفيزا خاصه بالرجال من عمر 16-60 (علي ماأظن)وللنساء إلي سبق لهم السفر إلي بعض الدول .
لا تنسون تعبونها علشان ماتأخرون.
وفي النهايه .أحب أقولكم إني ما توقعت من الموظفين أنهم يكونون جذيه بالصراحه كلهم كانو قمه في الذوقو وحسن المعامله والإبتسامه إللي مافارقت ويهم بما في ذالك موظفين مكتب الدي أج أل
شكرا مع تمنياتي لكم بالتوفيق.

بالتوفيق
ان شاء الله اييكم الرد بسرعه

بالتوفيق
انا من اواخر الكويتيين اللي فيزوا بالطريقة القديمة
والفرق بعد ما خلصت المقابلة قالي تعال عقب باجر استلم الجواز من بوابة 2
وفعلا ... موظفين قمه في الذوق والادب

الغريب انه ما قالوا لكم موافقين و لا مرفوضين

يعني اللي افهمه ان الرد يحي من 3 سابيع الى 4 ؟؟
اذا كذا والله كثير
انا مادري ليش كل هالتعقيدات في امريكا مع العلم انه بريطانيا تطلع الفيزا في 24 ساعه وتعاملهم مره ممتاز
على العموم مبروك الفيزا مقدما