اخوي جميل علشان يفيدونك الاخوان الافاضل ياليت تحدد وين تريد
الفيلا الخاصة بمسبح يعني باأي مدينه باأندونيسيا ؟؟

باي مدينة ليس شي محدد ولك
كل الشكر وكل شخص وتجربته

الجبل فيه فلل خاصه بمسابح خاصه
بالى كذالك

انا بصراحه سكنت في بالي في فيلا اسمها
دريم لاند لوكس
فيه تقرير كامل من اخوانا ابو سامر مر وشوفه
في قسم التقارير جدا ممتاز فله خاصه بمسبخ
خاص جدا و اسبح الين تقول امين اذا بتروح
لبالي انصحك فيها بصراحه راح تاخذ راحتك
بس في باقي المناطق مدري انا سمعت بونشاك
فيها كمان بس بتتعب شوي الين تلقى
تحياتي

kk66
شكرا اخوي على المعلومة ولكن لو من واقع تجربة يكون افضل

7amad32
اخوي حماد
شكرا لك وعلى المعلومات ولكن لم يخطر في بالي اني اذهب الى مدينة بالي
ولكن افكر ازورها ويعطيك العافية على جهدك
وكنت اتمنى من اهل الخبرة ان يفيدوني اكثر
خاصة من يذهب بعائلته ويريد لها الترفيه والمتعة
فكونك تسبح وتترك زوجتك فهي لها حق ان تعلمها وتستفيد
من السباحة فاعتقد لم يبقى لهم الا السباحة فقط والجري
غير كذا سلم علي من الالعاب

1. شوف ياشبيه صويحبى ههه ... فاكرنى والانسيت


2. اذا تبى تسبح ممكن فى بالى الاجواء تساعد جدا

شوف ياشبيه صويحبى ههه ... فاكرنى والانسيت

انت تبى تفك علينا باب .. الحين يالله نفتك من مشكله قياده المراه وانت تبى تطلع لنا بمشكله السباحه .. والحين عاد يطلعوا لك من حقنا نتعلم السباحه .. وبكره لو طاح الولد فى الخزان او البياره وابوه فى الدوام لازم الام تعرف السباحه عشان تطلعه وخذ عندك من ذا الكلام وغيره ... وش فيه ذا قاطع اشاره وخاش عرض
امزح معك والحين خلنا فى المفيد
شف ياطويل العمر بالجبل شيل من راسك فكره السباحه لان الجو بارد جدا ...
هو صحيح انك من الطائف بس ماراح تتحملوا البرد .. وراح تمرضوا وتقلب الرحله هم وغم

اذا تبى تسبح ممكن فى بالى الاجواء تساعد جدا

وبعدين انك تعلمها السباحه وانت مسافر هاذى صعبه شوى لان المده قصيره وانتم رايحين تتمشوا وصدقنى من واقع تجربه الشخص لمن يكون كبير صعب تعليمه للسباحه وياخذ معك وقت طويل جدا عكس الاطفال
غير كذا فيها مخاطره كبيره .. اذا ماتعرف طريقه الانقاذ شيل من راسك فكره انك تعلم واحد السباحه لاتقول انا اعرف اسبح لازم فيه شروط ثانيه لازم توفرها وترا الغريق لو ماتعرف الطريقه الصحيحه لانقاذه ممكن يغرقك معاه وعاد حلنى الله يبعد الشر عنا وعنك وعن جميع المسلمين
فانا من رائى شيل من راسك فكره تعليم السباحه لانك خارج المملكه ومعك عائله لازم تنتبه عليها قدر المستطاع وتحاول انك تجنبهم المخاطر قدر المستطاع وتتوخى الحذر فى كل شى حتى فى نوعيه الاحذيه والجزم لانك رايح لمنطقه رطبه واحتمال الواحد انه تزلق رجله احتمال وارد وياما طحنا على وجيهنا
فى سفرتى الاولى وتلافيتها فى سفرتى الثانيه باختيار الحذاء المناسب
وخلى تعليم السباحه لمن ترجعوا بالسلامه تاخذ لك استراحه انت والاولاد وتعلمهم على راحتك وحبه حبه وفى بالى مايمنع انكم تسبحون بس فى القصير لاتفروا لايمين ولا شمال
اسف طولت عليك وتشعبت فى الموضوع وهذه وجه نظر شلها ولا خلها على قولتهم وتقبل تحياتى انت واخوك جمال